Adamlar il içinde ýaýran ýalan gep-gürrüňler sebäpli ala tutýarlar. Meselem:

• Käbir başlyklar gelin-gyzlary ejiz, ukypsyz we başarnyksyz hasaplap, işe alasy gelmeýär.

• Şäherde ýaşaýan adamlar obanyň ilatyny sowatsyz, medeniýetsiz we düşünjesiz hasaplaýarlar.

• Käbirleri maýyp adamlary durmuşdan ýanan we göwnüçökgün hasaplaýarlar.

Ýalan gep-gürrüňleri ýaýradýan adamlar sözüni gögertjek bolup, özüçe subutnamalar getirýändir, her hili hekaýalary gürrüň berýändir. Olar özleri bilen ylalaşmadyk adamlary dünýäden bihabar hasaplaýandyr.

«Bilimsiz bolmak gowy däldir» (NAKYLLAR 19:2).

Aýadyň manysy: gep-gürrüňleriň anygyna ýetmesek ýalňyşarys. Il-günüň myş-myşyna gulak gabartsak, adamlary ala tutarys we äsgermezlik ederis.

Biz adamlary gowy tanasak, olar hakda aýdylýan ýalan gep-gürrüňlere ynanmarys. Ata-babalarymyz: «Kör hasasyny bir gezek aldyrar» diýipdir. Biz gep-gürrüňlere aldanandygymyza düşünsek, indiki gezek myş-myşlara ynanmarys.

• Bäş barmagyň deň bolmaýşy ýaly, halkyň içinde gowusy hem bar, erbedi hem bar. Şonuň üçin hemme adamy bir aýakdan sürmäliň.

• Adamlar hakda ähli zady bilmeýändigimizi unutmalyň.

• Aýdylýan myş-myşlara gulak gabartman, ynamdar çeşmelerden barlalyň.