Mbampin mba Bibilo I Ne Mlumun sha Mi La
Yesu una va er nyi ken hemene?
Ken inyom i 33 la, Yesu kpe shi i nder un shin ku, kôndo yem sha. Shighe kar yô, i na Yesu tahav mbu lun Tor. (Daniel 7:13, 14) Ken hemen yô, Yesu una va er tom na u Tor la sha u van a bem sha tar shi una bee a ican i yan kpaa.—Ôr Pasalmi 72:7, 8, 13.
Er Yesu a lu Tor yô, una kar a hanma iferkwagh cii sha tar kera
Er Yesu a lu Tor u uumace yô, una er ve akaa a doon kpishi. Una na uumace vea hide a hingir vough, sha tahav mbu Ter na a ne un la. A saan ve iyol sha tar, vea kera bee iyol vea kpe ga.—Ôr Yohane 5:26-29; 1 Mbakorinte 15:25, 26.
Ka nyi Yesu a lu eren hegene?
Yesu ngu hemen mbadondon un ken tom u pasen kwagh sha tar cii la hegen. Mbadondon Yesu mban mba ze sha uya mba iorov, mba za tesen ve kwagh u Bibilo i er sha kwagh u Tartor u Aôndo la. Yesu kaa ér una za hemen u suen mbahenen nav zan zan Tartor u Aôndo ua va kar a hemen u uumace cii sha.—Ôr Mateu 24:14; 28:19, 20.
Yesu ngu kuran ior, zan a ve sha gbenda u uma u tsôron. Ngu eren kwagh ne sha ikyev i Mbakristu mba mimi. Una za hemen u kuran ve nahan zan zan vea war mkur u tar u ainge ne, vea nyôr ken tar u he u Aôndo a tende zwa u van a mi la.—Ôr 2 Peteru 3:7, 13; Mpase 7:17.
Kwagh Ugen u Alaghga Shi Una Doo U Yô
IYOUKURA
Msen Una Wase U sha Akaa Kpishi
Aluer u ngu eren msen hanma shighe yô, ka mtsera u nyi u zua a mini?
MBAMPIN MBA BIBILO I NE MLUMUN SHA MI LA
Ka Nyi Me Er Msen Me Sônô?
Hen fa er mbamzeyol asev ve gbe Aôndo kwagh yô.
MBAMPIN MBA BIBILO I NE MLUMUN SHA MI LA
Ka Nyi I Lu Mve u Kristu?
Una hide sha gbenda u ior a nenge a na sha ashe noon yôô?
