Bibilo Kaa Ér Nyi?
Aôndo ongo hanma msen ciili?
U FATYÔ U KAAN WER ONGO MSEN U . . .
Hanma oro?
Ior mbagenevee?
Or môm môm gaa?
KWAGH U BIBILO I KAA YÔ
“[Yehova] ngu ikyua ikyua a mba ve yer Un cii, mba ve yer Un sha mimi la cii.”—Pasalmi 145:18.
KA NYI IGEN KPA BIBILO I TESE SE?
Aôndo keghen ato a mbamsen mba ior mba ve hembe un ato la ga. (Yesaia 1:15) Nahan kpa, vea fatyô u hiden hen Aôndo va ‘henen kwagh imôngo’ vea na, sha u geman uma ve.—Yesaia 1:18.
Cii man Aôndo a ungwa msen wase yô, saa se sôn un kwagh u a zough sha akaa a Bibilo i tese ér nga sha ishima na la.—1 Yohane 5:14.
Shighe u se lu eren msen yô, saa se tema inya shin se tile sha shin se gure anu inyaa?
IOR MBAGENEV NA JIGHJIGH ÉR gba kpee u vea gure anu inya shin vea suwa ityough inya shin vea kôr ave shighe u ve lu eren msen yô. We u kaa wer nyi?
KWAGH U BIBILO I KAA YÔ
Aôndo yange ungwa mbamsen mba ior er shighe u ve “tema” inya shin ve “mough” sha shin ve lu “gbidyen iyol inya” shin ve “gure inya” yô. (1 Kroniku 17:16; 2 Kroniku 30:27; Esera 10:1; Aerenakaa 9:40) Aôndo ver ishima ér saa se gure inya shin se tile sha shin se er ambaakaa la nahan zum se lu eren msen hen a na ga.
KA NYI IGEN KPA BIBILO I TESE SE?
Aôndo ongo msen u mbahiden a ayol a ve ijime.—Pasalmi 138:6.
U fatyô u eren msen ken hanma zwa cii, shin eren msen shin ishima je kpaa.—2 Kroniku 6:32, 33; Nehemia 2:1-6.
Kwagh Ugen u Alaghga Shi Una Doo U Yô
MBAMPIN MBA BIBILO I NE MLUMUN SHA MI LA
Aluer M Er Msen Nahan Aôndo Una Wasem Je He?
Kwagh gba Aôndo sha mbamzeyol av mimii?
MBAMPIN MBA BIBILO I NE MLUMUN SHA MI LA
Er Nan Ve Aôndo a Ongo Mbamsen Mbagenev Ga?
Hen fa mbamsen mba Aôndo a ongo ga yô, man ior mba Aôndo a ongo mbamsen vev ga yô.
