Bibilo Kaa Ér Nyi?
Bibilo ia wase u u nôngon a ishimanyian je kpa?
U kaa wer nyi?
Een
Ei
Alaghga
Kwagh u Bibilo i kaa yô
“Gema nen ishima i nyian yen la cii, haa nen sha [Aôndo], gadia ka Un A lu koson ne ye.” (1 Peteru 5:7) Bibilo ngi taver we ishima heen ér Aôndo una wase u u panden ishimanyian.
Ka nyi igen kpa Bibilo i tese se?
Aluer u er msen yô, u zua a “bem u Aôndo” u una wase u u panden ishimanyian yô. —Mbafilipi 4:6, 7.
Heela tseegh ga, Mkaanem ma Aôndo ma a wase u u nôngon a mbamtaver kpaa. —Mateu 11:28-30.
A tsa nahan a kar a akaa a a ne se ishimanyian la kera cica cii kpa?
Ior mbagenev na jighjigh . . . ér ishimanyian man mbamtaver ka akaa a sha gbaaôndo a ior ve tagher a mi yô. Mbagen di na jighjigh ér saa or nana kpe ve ishima a de u nyian nan sha akaa ye. We u kaa wer nyi?
Kwagh u Bibilo i kaa yô
Aôndo una kar a akaa a a ne se ishimanyian la kera. “Ku ua kera lu ga, shin ijungwen shin mliam shin ican kpaa ia kera lu je ga.”—Mpase 21:4.
Ka nyi igen kpa Bibilo i tese se?
Ior vea va tema ken Tartor u Aôndo bem bem a kwagh u zan ve iyol shio.—Yesaia 32:18.
Akaa a dang a nan or ishimanyian man mbamtaver aa kera lu ga.—Yesaia 65:17.
