U HIIN ILIAM A OR
ITYOUGH 5
Lamen sha kwaghfan
Kwaghwan: “Kwaghôron wen a luun u doon hanma shighe cii.”—Kol. 4:6.
Kwagh u Paulu Er Yô
1. Nenge VIDIO ne, gayô ôr Aerenakaa 17:22, 23. Maa time sha mbampin mba ve dondo ne:
-
Paulu yange nenge a ieev mbi ior i Atene civir la nahan lu un ken ishima nena?—Nenge Aerenakaa 17:16.
-
Paulu yange puu ior i Atene ga, kpa gema lam a ve sha akaa a ve na jighjigh a mi la sha kwaghfan shighe u lu pasen ve loho u dedoo la nena?
Ka Nyi Se Hen ken Ikyav i Paulu Nee?
2. Aluer se mba lamen a ior sha kwaghfan, shi se fa kwagh u se ôr man shighe u se ôr kua gbenda u se ôr la yô, vea hemba keghen ato a vese.
Dondo Ikyav i Paulu
3. Tsua asember sha inja. Ikyav i tesen yô, Shighe u u lu lamen a or u nan ze kwaghaôndo u Mbakristu ga yô, hemba doon u u ôron kwagh u Bibilo gayô Yesu sha kwaghfan.
4. De veren ishima u kôôm or fele fele ga. De nana ôr er i lu nan ken ishima la. Aluer nan ôr kwagh u a hendan a ma ityesen i Bibilo je kpa, de nyiman kwagh a nan ga. (Yak. 1:19) Aluer u kegh ato a nan yô, u hemba fan kwagh u nan ne jighjigh a mi la man er i hii ve nan ne jighjigh nahan la.—Anz. 20:5.
5. Lumun a mnenge u nan shi wuese nan ashighe agen. Alaghga nan na jighjigh ér atesen a kwaghaôndo u nan la ka a mimi. Hii iliam a nan sha kwagh u ne cii ne na jighjigh a mi yô, maa tese nan kwagh u Bibilo i ôr la kure kure.
SHI NENGE
Anz. 25:15; 2 Tim. 2:23-26; 1 Pet. 3:15
