Панднома 29:1-27
29 Касе, ки баъди сарзаниши бисёр ҳам гарданшахиро бас накунад,+Ногаҳон шикаст меёбад ва барояш давое нахоҳад буд.+
2 Вақте росткорон бисёранд, мардум шод мегардад,Вале, вақте бадкор ҳукмфармост, халқ оҳу нола мекашад.+
3 Дӯстдори хирад падарашро шод месозад,+Лекин ҳамдами фоҳишагон сарваташро ба бод медиҳад.+
4 Подшоҳи адолатпеша ба мамлакат осоиштагӣ меорад,+Вале порахӯр — харобӣ.
5 Хушомадгӯ пеши пойи ёраш дом мегузорад.+
6 Қонуншикании бадкор барои ӯ дом аст,+Лекин росткор шодиву дилхушӣ мекунад.+
7 Росткор ба даъвои камбағал эътибор медиҳад,+Вале бадкор парвое надорад.+
8 Лофзанон шаҳреро ба шӯр меоранд,+Лекин хирадмандон ғазабро дур мекунанд.+
9 Агар хирадманде бо аблаҳ баҳс кунад,Ба ғайр аз ҷанҷолу пастзанӣ чизе ҳосил намешавад.+
10 Хунхорон аз беайбон нафрат доранд+Ва пайваста дар қасди ҷони боинсофонанд*.
11 Аблаҳ ҷилави ҳиссиёташро намекашад,+Вале хирадманд худдориро пеша мекунад.+
12 Агар ҳоким ба дурӯғҳо диққат диҳад,Ҳамаи зердастонаш бадкор мешаванд.+
13 Бечораву ситамгар як монандӣ доранд:
Яҳува ба чашми ҳар дуи онҳо нур мебахшад*.
14 Подшоҳ камбағалонро аз рӯйи инсоф доварӣ кунад,+Тахташ пойдор мемонад.+
15 Чӯбу* сарзаниш хирад мебахшад,+Вале кӯдаки бесаришта модарашро шарманда месозад.
16 Бадкорон зиёд шаванд, қонуншиканӣ меафзояд,Вале росткорон шикасти онҳоро хоҳанд дид.+
17 Фарзандатро сарзаниш кунӣ, ӯ ба ту осоиштагӣ меорадВа ба ҷонат ҳаловат мебахшад.+
18 Дар ҷое ки рӯъё набошад, мардум худсарӣ мекунанд,+Вале хушбахтанд касоне, ки шариатро риоя менамоянд.+
19 Хизматгор танҳо бо гап ислоҳ намешавад,Агарчи суханатро мефаҳмад, итоат намекунад.+
20 Касеро дидаӣ, ки насанҷида гап мезанад?+
Аз аблаҳ умеди ислоҳ шудан ҳасту аз ӯ не.+
21 Хизматгорро аз хурдӣ эрка кунӣ,Оқибат ношукр мешавад.
22 Зудхашм ҷанҷол мехезонад,+Одами тез бисёр гуноҳ мекунад.+
23 Ҳавобаландии шахс ӯро хору зор мекунад,+Вале хоксор сарбаланд мегардад.+
24 Шарики дузд душмани ҷони худ аст,Вақте мардумро қасам диҳанд, ки дар бораи дуздӣ хабар диҳанд, ӯ хомӯш меистад.+
25 Одамтарсӣ барои кас дом аст,+Лекин ҳар кӣ ба Яҳува такя кунад, аз бало эмин аст.+
26 Бисёриҳо дидори ҳокимро меҷӯянд,Вале ба доди кас Яҳува мерасад.+
27 Росткор беинсофро чашми дидан надорад,+Барои бадкор бошад, боинсоф нафратовар аст.+
Поварақҳо
^ Ё, эҳтимол, «Вале боинсофон ҳаёти беайбонро ҳимоя мекунанд».
^ Яъне ҳаёт мебахшад.
^ Ё «Насиҳату; Ҷазою».
