Айюб 36:1-33
36 Элиҳу суханашро давом дода гуфт:
2 «Боз камтари дигар тоқат кун, то ман гап занам,Зеро ҳанӯз барои тарафдории Худо гуфтаниҳое дорам.
3 Чизҳоеро, ки медонам, батафсил мегӯямВа росткории Офаридгорамро эълон мекунам.+
4 Гапҳоям дурӯғ нестанд,Суханони ман аз ҷониби Донои яктоянд*.+
5 Бешубҳа, Худо пурқудрат аст+ ва касеро рад намекунад.
Хирадаш поёну андоза надорад.
6 Ҷони бадкоронро нигоҳ намедорад,+Аммо ба доди ситамдида мерасад.+
7 Аз росткорон чашм намеканад,+Онҳоро бо подшоҳон ба тахт мешинонад*+ ва то абад сарафроз мегардонад.
8 Лекин, агар онҳоро занҷирбанд кунандВа онҳо дар қайду банд азоб кашанд,
9 Ӯ хатояшонро ба онҳо ошкор месозадВа нишон медиҳад, ки аз сабаби ғурур чӣ гуноҳе кардаанд.
10 Гӯши онҳоро барои насиҳат мекушоядВа ба онҳо мегӯяд, ки аз бадӣ даст кашанд.+
11 Агар онҳо ӯро гӯш кунанду ба ӯ хизмат кунанд,Ҳаёташон хуб мегузарадВа солҳои умрашон пур аз хушиву хурсандӣ мешавад.+
12 Лекин, агар гӯш надиҳанд, аз дами шамшер* мемиранд+Ва дар нодонӣ нобуд мешаванд.
13 Худобехабарон* дар дил кина мепарваранд,Ҳатто вақте ӯ онҳоро бандубаст мекунад, фарёд зада ёрӣ намепурсанд.
14 Онҳо дар айни ҷавонӣ мемиранд+Ва умрашон миёни мардони танфурӯш*+ мегузарад*.
15 Аммо Худо ғамзадагонро ҳангоми азобашон наҷот медиҳад.
Вақте ба онҳо зулм мекунанд, Худо гӯшҳои онҳоро мекушояд.
16 Туро аз чанголи бало халос мекунад+Ва ба макони васее, ки дар он озодист, мебарад.+
Дастархонатро аз нозу неъмат пур карда туро тасаллӣ медиҳад.+
17 Он гоҳ ту аз ҳукме, ки ба бадкор бароварда мешавад, қонеъ мегардӣ,+Вақте ҳукм мебароранд ва адлу инсофро ба амал меоранд.
18 Лекин эҳтиёт шав, ки ба ғазаб дода шуда аз балои дигарон шод нашавӣ*+Ва пораи калоне гирифта гумроҳ нагардӣ.
19 Магар он гоҳ мадад хостанат туро аз фалокат наҷот медиҳад?
Оё ин қадар ҷон канданат туро аз бало халос мекунад?+
20 Орзуманди шаб набош,Ки дар он одамон аз ҷояшон нест мешаванд.
21 Эҳтиёт шав, ки ба бадӣ рӯ наорӣВа ба ҷойи азоб бадкориро интихоб накунӣ.+
22 Инак, Худо қудрати бузург дорад.
Кадом омӯзгор ба ӯ баробар аст?
23 Кӣ ба ӯ роҳ нишон додааст+Ё ба ӯ гуфтааст: “Ин корат хатост!”?+
24 Ситоиши корҳои ӯро фаромӯш накун,+Он корҳоеро, ки одамон дар васфашон суруд хондаанд.+
25 Тамоми одамизод ин корҳоро дидааст.
Инсони миранда аз дурӣ ба онҳо назар мекунад.
26 Бузургии Худо дар ақли мо намеғунҷад+Ва солҳои ӯ ҳадду ҳисоб надорад.+
27 Ӯ қатраҳои обро боло мебардорад+Ва сипас буғ ҷамъ шуда, борон ба амал меояд.
28 Абрҳо онро меборонанд+Ва бар сари одамон мерезанд.
29 Оё касе қабатҳои абрро фаҳмида метавонад?
Магар гулдурроси раъдро, ки аз хаймаи ӯ бармеояд, метавонад дарк кунад?+
30 Бубин, ки чӣ тавр барқи худро бар он паҳн мекунад+Ва қаъри баҳрро мепӯшонад.
31 Ҳамин тавр ӯ ризқу рӯзии одамонро медиҳад*Ва ба онҳо хӯроки фаровон ато мекунад.+
32 Бо дастонаш барқро мегирадВа онро бар нишоне мезанад.+
33 Раъди ӯ аз омаданаш дарак медиҳад,Ҳатто чорпоён хабар медиҳанд, ки ӯ* омада истодааст.
Поварақҳо
^ Ё «аз ҷониби Онест, ки дониши комил дорад».
^ Ё, эҳтимол, «Подшоҳонро бар тахт мешинонад».
^ Ё «аз яроқ (найза, тир)».
^ Ё «Осиён».
^ Ин ҷо касоне дар назаранд, ки танфурӯшӣ як қисми бутпарастияшон буд.
^ Ё, эҳтимол, «ба охир мерасад».
^ Ё «бадхоҳона чапак назанӣ».
^ Ё, эҳтимол, «Ҳамин тавр ӯ ба доди одамон мерасад».
^ Ё, эҳтимол, «чӣ».
