యెషయా 31:1-9
31 సహాయం కోసం ఐగుప్తుకు వెళ్లేవాళ్లకు+ శ్రమ!వాళ్లు గుర్రాల మీద ఆధారపడుతున్నారు,+చాలా ఉన్నాయని యుద్ధ రథాల్ని,బలంగా ఉన్నాయని యుద్ధ అశ్వాల్ని* నమ్ముకుంటున్నారు.
కానీ వాళ్లు ఇశ్రాయేలు పవిత్ర దేవుని వైపు చూడట్లేదు,యెహోవా కోసం వెదకట్లేదు.
2 అయితే, ఆయన కూడా తెలివిగలవాడే,ఆయన తప్పకుండా విపత్తు తీసుకొస్తాడు, తన మాటల్ని వెనక్కి తీసుకోడు.
దుష్టుల ఇంటి మీదికి,తప్పుచేసేవాళ్లకు సహకరించే వాళ్ల మీదికి ఆయన లేస్తాడు.+
3 అయినా ఐగుప్తీయులు మామూలు మనుషులే, వాళ్లు దేవుడు కాదు;వాళ్ల గుర్రాలు మామూలు జంతువులే, అవి అదృశ్య శక్తులు కావు.+
యెహోవా తన చెయ్యి చాపినప్పుడు,సహాయం చేసే వ్యక్తి తడబడతాడు,సహాయం పొందిన వ్యక్తి పడిపోతాడు;వాళ్లంతా ఒకేసారి నాశనమౌతారు.
4 ఎందుకంటే యెహోవా నాతో ఇలా చెప్పాడు:
“జంతువు తనకు చిక్కినప్పుడు సింహం గర్జించినట్టు, బలమైన కొదమ సింహం గుర్రుమన్నట్టు,దాన్ని వెళ్లగొట్టడానికి కాపరులందర్నీ పిలిచినప్పుడువాళ్ల శబ్దానికి భయపడకుండా,ఆ కోలాహలానికి బెదిరిపోకుండా అది గుర్రుమన్నట్టుసైన్యాలకు అధిపతైన యెహోవా యుద్ధం చేయడానికిసీయోను పర్వతం మీదికి, దాని కొండ మీదికి దిగివస్తాడు.
5 అకస్మాత్తుగా దూసుకొచ్చే పక్షిలా సైన్యాలకు అధిపతైన యెహోవా వేగంగా వచ్చి యెరూషలేమును కాపాడతాడు.+
ఆయన దాన్ని కాపాడతాడు, రక్షిస్తాడు.
దాన్ని దాటివెళ్తూ దాన్ని తప్పిస్తాడు.”
6 “ఇశ్రాయేలు ప్రజలారా, మీరు ఎవరిమీదైతే ఘోరంగా తిరుగుబాటు చేశారో ఆయన దగ్గరికి తిరిగిరండి.+
7 ఆ రోజు ప్రతీ వ్యక్తి వెండితో చేయబడిన తన వ్యర్థమైన దేవుళ్లను, బంగారంతో చేయబడిన తన విలువలేని దేవుళ్లను తిరస్కరిస్తాడు; ఆ దేవుళ్లను మీరే స్వయంగా మీ చేతులతో చేసుకొని పాపం మూటగట్టుకున్నారు.
8 అష్షూరీయులు ఖడ్గంతో చంపబడతారు, కానీ అది మనిషి ఖడ్గం కాదు;మనుషులది కాని ఖడ్గం వాళ్లను మింగేస్తుంది.+
ఖడ్గాన్ని చూసి వాళ్లు పారిపోతారు,వాళ్ల యువకులు బానిసలౌతారు.
9 విపరీతమైన భయం వల్ల అతని ఆశ్రయదుర్గం* నాశనమైపోతుంది,ధ్వజస్తంభాన్ని చూసి అతని అధిపతులు భయంతో వణికిపోతారు” అని యెహోవా అంటున్నాడు.ఆయన నిప్పు సీయోనులో, ఆయన కొలిమి యెరూషలేములో ఉన్నాయి.
