కీర్తనలు 84:1-12
సంగీత నిర్దేశకునికి సూచన; గిత్తీత్‌* అనే రాగంలో పాడాలి. కోరహు కుమారుల కీర్తన.+ శ్రావ్యగీతం.
84 సైన్యాలకు అధిపతివైన యెహోవా,నీ గొప్ప గుడారం ఎంతో ప్రియమైనది.*+
2 యెహోవా ప్రాంగణాల దగ్గరికి వెళ్లాలనినా ప్రాణం ఎంతో తపిస్తోంది,అవును, తపించీ తపించీ నేను సొమ్మసిల్లిపోయాను.+
నా హృదయం, నా శరీరం సంతోషంతో కేకలు వేస్తూ జీవంగల దేవుణ్ణి స్తుతిస్తున్నాయి.
3 సైన్యాలకు అధిపతివైన యెహోవా,నా రాజా, నా దేవా, నీ గొప్ప బలిపీఠం దగ్గరపక్షికి కూడా నివాసం దొరుకుతుంది,వానకోకిలకు సైతం గూడు దొరుకుతుంది,అక్కడ అది తన పిల్లల్ని పెంచుతుంది.
4 నీ మందిరంలో నివసించేవాళ్లు ధన్యులు!*+
వాళ్లు నిన్ను స్తుతిస్తూ ఉంటారు.+ (సెలా)
5 నిన్ను బట్టి బలం పొందేవాళ్లు,నీ మందిరానికి వెళ్లే రహదారుల మీద మనసు నిలిపినవాళ్లు ధన్యులు.+
6 వాళ్లు బాకా లోయ* గుండా వెళ్లేటప్పుడు,దాన్ని ఊటల స్థలంగా మారుస్తారు.తొలకరి వాన* దాన్ని దీవెనలతో కప్పేస్తుంది.*
7 వాళ్లు నడుస్తూ అంతకంతకూ బలం పొందుతారు;+ప్రతీ ఒక్కరు సీయోనులో దేవుని ముందు కనబడతారు.
8 సైన్యాలకు దేవుడివైన యెహోవా, నా ప్రార్థన విను;యాకోబు దేవా, ఆలకించు. (సెలా)
9 మా డాలువైన దేవా,+ చూడు,*నీ అభిషిక్తుని+ ముఖాన్ని చూడు.
10 నీ ప్రాంగణాల్లో ఒక్క రోజు గడపడం, వేరేచోట వెయ్యి రోజులు గడపడం కన్నా మేలు!+
దుష్టుల డేరాల్లో నివసించడం కన్నా,నా దేవుని మందిర ద్వారం దగ్గర నిలబడడమే నాకు ఇష్టం.
11 ఎందుకంటే, యెహోవా దేవుడు సూర్యుడు,+ డాలు;+ఆయన అనుగ్రహాన్ని, ఘనతను దయచేస్తాడు.
యథార్థంగా నడుచుకునేవాళ్లకుయెహోవా ఏ మేలూ చేయకుండా ఉండడు.+
12 సైన్యాలకు అధిపతివైన యెహోవా,నిన్ను నమ్ముకునే వ్యక్తి ధన్యుడు.+
అధస్సూచీలు
^ లేదా “రమ్యమైనది.”
^ లేదా “సంతోషంగా ఉంటారు.”
^ లేదా “కంబళి చెట్ల లోయ.”
^ లేదా “ఉపదేశకుడు దీవెనల్ని చుట్టుకుంటాడు” అయ్యుంటుంది.
^ తొలకరి వానలు దాదాపు అక్టోబరు మధ్యలో మొదలయ్యేవి. అనుబంధం B15 చూడండి.
^ లేదా “దేవా, మా డాలు వైపు చూడు” అయ్యుంటుంది.
