కీర్తనలు 79:1-13
ఆసాపు+ శ్రావ్యగీతం.
79 దేవా, దేశాలు నీ స్వాస్థ్యంలోకి+ చొరబడ్డాయి;వాళ్లు నీ పవిత్ర ఆలయాన్ని అపవిత్రపర్చారు;+యెరూషలేమును శిథిలాల కుప్పగా మార్చారు.+
2 వాళ్లు నీ సేవకుల శవాల్ని ఆకాశపక్షులకు,నీ విశ్వసనీయుల శరీరాల్ని భూమ్మీది అడవి జంతువులకు ఆహారంగా వేశారు.+
3 వాళ్ల రక్తాన్ని యెరూషలేము చుట్టూ నీళ్లలా పారబోశారు,వాళ్లను పాతిపెట్టడానికి ఎవరూ మిగల్లేదు.+
4 మేము మా పొరుగువాళ్ల దృష్టికి నీచంగా ఉన్నాం;+మా చుట్టూ ఉన్నవాళ్లు మమ్మల్ని ఎగతాళి చేస్తున్నారు, హేళన చేస్తున్నారు.
5 యెహోవా, ఎంతకాలం నువ్వు కోపంగా ఉంటావు? ఎప్పటికీనా?+
ఎంతకాలం నీ ఉగ్రత అగ్నిలా మండుతుంది?+
6 నువ్వు ఎవరో తెలియని దేశాల మీద,నీ పేరున ప్రార్థించని రాజ్యాల మీద నీ ఉగ్రతను కుమ్మరించు.
7 ఎందుకంటే వాళ్లు యాకోబును మింగేశారు,అతని స్వదేశాన్ని నిర్మానుష్యం చేశారు.+
8 మా పూర్వీకుల తప్పుల్ని+ బట్టి మమ్మల్ని శిక్షించకు.
త్వరగా మామీద కరుణ చూపించు,+మేము చాలా దయనీయ స్థితిలో ఉన్నాం.
9 మా రక్షకుడివైన దేవా,మహిమగల నీ పేరును బట్టి మాకు సహాయం చేయి;నీ పేరును బట్టి మమ్మల్ని రక్షించు, మా పాపాల్ని క్షమించు.*+
10 “వాళ్ల దేవుడు ఎక్కడ?” అని దేశాలు ఎందుకు అనాలి?చిందించబడిన నీ సేవకుల రక్తం విషయంలో
ప్రతీకారం తీర్చుకోబడిందని దేశాలు తెలుసుకోవాలి, అది మేము కళ్లారా చూడాలి.+
11 చెరలో ఉన్న వాళ్ల నిట్టూర్పులు నువ్వు వినాలి.+
మరణశిక్ష విధించబడిన వాళ్లను* నువ్వు నీ గొప్ప శక్తితో* కాపాడు.*
12 యెహోవా, మా పొరుగువాళ్లు నీ మీద వేసిన నిందలకు+వాళ్లకు ఏడురెట్లు ఎక్కువ శిక్ష విధించు.+
13 అప్పుడు, నీ ప్రజలమూ నువ్వు మేపే గొర్రెలమూ అయిన మేము+ఎప్పటికీ నీకు కృతజ్ఞతలు చెల్లిస్తాం;తరతరాలు నిన్ను స్తుతిస్తాం.+
అధస్సూచీలు
^ అక్ష., “కప్పేయి.”
^ అక్ష., “మరణ పుత్రుల్ని.”
^ అక్ష., “బాహువుతో.”
^ లేదా “విడుదల చేయి” అయ్యుంటుంది.
