కీర్తనలు 68:1-35
సంగీత నిర్దేశకునికి సూచన. దావీదు కీర్తన. శ్రావ్యగీతం. గీతం.
68 దేవుడు లేవాలి, ఆయన శత్రువులు చెల్లాచెదురవ్వాలి,ఆయన్ని ద్వేషించేవాళ్లు ఆయన ఎదుట నుండి పారిపోవాలి.+
2 గాలి పొగను చెదరగొట్టినట్టు నువ్వు వాళ్లను చెదరగొట్టాలి;అగ్నికి మైనం కరిగినట్టు, దుష్టులు దేవుని ఎదుట నాశనమవ్వాలి.+
3 కానీ నీతిమంతులు ఉల్లసించాలి,+వాళ్లు దేవుని ముందు ఎక్కువగా సంతోషించాలి;వాళ్లు సంతోషిస్తూ ఉల్లసించాలి.
4 దేవునికి పాటలు పాడండి; ఆయన పేరును స్తుతిస్తూ పాటలు పాడండి.*+
ఎడారి మైదానాల గుండా* స్వారీ చేస్తున్న దేవునికి పాట పాడండి.
యెహోవా* ఆయన పేరు!+ ఆయన ముందు సంతోషించండి!
5 తన పవిత్ర నివాస స్థలంలో ఉన్న దేవుడు+తండ్రిలేనివాళ్లకు తండ్రి, విధవరాళ్లకు రక్షకుడు.*+
6 ఒంటరివాళ్లు నివసించడానికి దేవుడు ఒక ఇంటిని ఇస్తాడు;+బందీలను విడిపించి, వాళ్లు వర్ధిల్లేలా చేస్తాడు.+
కానీ మొండివాళ్లు* ఎండిన దేశంలో జీవించాలి.+
7 దేవా, నువ్వు నీ ప్రజల్ని నడిపించినప్పుడు,*+నువ్వు ఎడారి గుండా నడిచినప్పుడు, (సెలా)
8 భూమి కంపించింది;+దేవుని ఎదుట ఆకాశం వర్షాన్ని కురిపించింది;దేవుని ఎదుట, ఇశ్రాయేలు దేవుని ఎదుట ఈ సీనాయి పర్వతం కంపించింది.+
9 దేవా, నువ్వు విస్తారంగా వర్షం కురిపించావు;అలసిపోయిన నీ ప్రజలకు* నూతనోత్తేజాన్ని ఇచ్చావు.
10 వాళ్లు డేరాలున్న నీ పాలెంలో నివసించారు;+దేవా, నీ మంచితనంతో పేదవాళ్ల అవసరాలు తీర్చావు.
11 యెహోవా ఆజ్ఞ ఇస్తున్నాడు;మంచివార్తను ప్రకటించే స్త్రీలు గొప్ప సైన్యంగా ఉన్నారు.+
12 సైన్యాలున్న రాజులు పారిపోతారు,+ వాళ్లు పారిపోతారు!
ఇంటిపట్టున ఉండే స్త్రీ దోపుడుసొమ్ము పంచుకుంటుంది.+
13 మీరు చలిమంటల* మధ్య పడుకొనివున్నా,వెండి రెక్కలు, మేలిమి* బంగారు ఈకలు ఉన్న పావురాలుఅక్కడ మీకు దొరుకుతాయి.
14 సర్వశక్తిమంతుడు ఆ దేశంలో* రాజుల్ని చెదరగొట్టినప్పుడు,+సల్మోనులో మంచు కురిసింది.*
15 బాషాను+ పర్వతం దేవుని పర్వతం;*బాషాను పర్వతం శిఖరాలున్న పర్వతం.
16 శిఖరాలున్న పర్వతాల్లారా,దేవుడు తన నివాసంగా ఎంచుకున్న* పర్వతాన్ని+ చూసి మీరెందుకు ఈర్ష్య పడుతున్నారు?
నిజంగా, యెహోవా ఎప్పటికీ అక్కడ నివసిస్తాడు.+
17 దేవుని యుద్ధ రథాలు వేలల్లో, లక్షల్లో ఉన్నాయి.+
యెహోవా సీనాయి పర్వతం నుండి పవిత్ర స్థలంలోకి వచ్చాడు.+
18 నువ్వు పైకి వెళ్లావు;+బందీల్ని తీసుకెళ్లావు;మనుషుల్ని కానుకలుగా తీసుకెళ్లావు,+అవును, యెహోవా* దేవా, నువ్వు వాళ్ల మధ్య నివసించడానికి మొండివాళ్లను కూడా తీసుకెళ్లావు.+
19 ప్రతీరోజు మన భారాలు మోస్తున్న+మన రక్షకుడూ సత్యదేవుడూ అయిన యెహోవా స్తుతించబడాలి. (సెలా)
20 సత్యదేవుడు మనల్ని రక్షించే దేవుడు;+సర్వోన్నత ప్రభువైన యెహోవా మరణం నుండి తప్పిస్తాడు.+
21 దేవుడు తన శత్రువుల తలల్ని,అంటే తప్పు చేస్తూ ఉండేవాళ్ల తలల్ని చితగ్గొడతాడు.+
22 యెహోవా ఇలా అన్నాడు: “నేను వాళ్లను బాషాను+ నుండి వెనక్కి రప్పిస్తాను;సముద్ర లోతుల్లో నుండి వాళ్లను తిరిగి రప్పిస్తాను,
23 అప్పుడు మీ పాదాలు మీ శత్రువుల రక్తంతో తడుస్తాయి,+మీ కుక్కలు వాళ్ల రక్తాన్ని నాకుతాయి.”
24 దేవా, ప్రజలు నీ ఊరేగింపుల్ని,పవిత్ర స్థలంలోకి వెళ్తున్న నా రాజైన దేవుని ఊరేగింపుల్ని చూస్తారు.+
25 గాయకులు ముందు నడుస్తారు, సంగీతకారులు తంతివాద్యాలు వాయిస్తూ వాళ్ల వెనక నడుస్తారు;+యువతులు కంజీరలు* వాయిస్తూ వాళ్ల మధ్య నడుస్తారు.+
26 సమూహాల* మధ్య దేవుణ్ణి స్తుతించండి;ఇశ్రాయేలు ఊట నుండి వచ్చిన వాళ్లారా,+ యెహోవాను స్తుతించండి.
27 అక్కడ అందరికన్నా చిన్నవాడైన బెన్యామీను+ వాళ్లను జయిస్తున్నాడు,యూదా అధిపతులు కేకలు వేస్తున్న తమ గుంపుతో జయిస్తున్నారు,జెబూలూను అధిపతులు, నఫ్తాలి అధిపతులు కూడా జయిస్తున్నారు.
28 నువ్వు బలవంతుడిగా ఉంటావని నీ దేవుడు ఆదేశించాడు.
మా తరఫున చర్య తీసుకున్న దేవా,+ నీ బలాన్ని చూపించు.
29 యెరూషలేములో ఉన్న నీ ఆలయం కోసం+రాజులు నీ దగ్గరికి కానుకలు తీసుకొస్తారు.+
30 ప్రజలు వెండి రూకలు తీసుకొస్తూ వంగి నమస్కారం చేసేవరకుజమ్ముగడ్డి మధ్య ఉండే అడవి మృగాల్ని గద్దించు,ఎద్దుల,+ దూడల గుంపును గద్దించు.
అయితే యుద్ధాన్ని ఇష్టపడే ప్రజల్ని ఆయన చెదరగొడతాడు.
31 ఐగుప్తు* నుండి కంచు పాత్రలు తీసుకురాబడతాయి;*+దేవునికి కానుకలు అర్పించడానికి కూషు తొందరపడుతుంది.
32 భూమ్మీదున్న రాజ్యాల్లారా, దేవునికి పాటలు పాడండి,+యెహోవాను స్తుతిస్తూ పాటలు పాడండి,* (సెలా)
33 ప్రాచీనకాలం నుండి ఆకాశ మహాకాశాల మీద స్వారీ చేస్తున్న దేవునికి+ పాట పాడండి.
ఆయన తన స్వరంతో, బలమైన స్వరంతో గర్జిస్తున్నాడు.
34 దేవుని శక్తిని గుర్తించండి.+
ఆయన వైభవం ఇశ్రాయేలు మీద,ఆయన శక్తి ఆకాశంలో* ఉన్నాయి.
35 తన* మహిమాన్విత పవిత్రమైన స్థలం నుండి దేవుడు సంభ్రమాశ్చర్యాలు పుట్టిస్తాడు.+
ఆయనే ఇశ్రాయేలు దేవుడు,ఆయన తన ప్రజలకు బలాన్ని, శక్తిని ఇస్తాడు.+
దేవుణ్ణి స్తుతించండి.
అధస్సూచీలు
^ లేదా “సంగీతం వాయించండి.”
^ లేదా “మేఘాల మీద” అయ్యుంటుంది.
^ అక్ష., “యా.” ఇది యెహోవా పేరుకు సంక్షిప్త రూపం.
^ అక్ష., “న్యాయమూర్తి.”
^ లేదా “తిరుగుబాటుదారులు.”
^ అక్ష., “నీ ప్రజల ముందు బయల్దేరినప్పుడు.”
^ అక్ష., “నీ స్వాస్థ్యానికి.”
^ లేదా “గొర్రెల దొడ్ల” అయ్యుంటుంది.
^ లేదా “పసుపు-ఆకుపచ్చ.”
^ అక్ష., “దానిలో.”
^ లేదా “కురిసినట్టు అనిపించింది.”
^ లేదా “గొప్ప పర్వతం.”
^ లేదా “కోరుకుంటున్న.”
^ అక్ష., “యా.” ఇది యెహోవా పేరుకు సంక్షిప్త రూపం.
^ అంటే, గిలకల తప్పెట.
^ అక్ష., “సమావేశాల.”
^ లేదా “రాయబారులు వస్తారు” అయ్యుంటుంది.
^ లేదా “ఈజిప్టు.”
^ లేదా “సంగీతం వాయించండి.”
^ అక్ష., “మేఘాల్లో.”
^ అక్ష., “నీ.”
