కీర్తనలు 43:1-5
43 దేవా, నాకు న్యాయం తీర్చు,+నమ్మకద్రోహులైన* జనంతో నా తరఫున వాదించు.+
మోసంచేసే అనీతిమంతుల నుండి నన్ను రక్షించు.
2 ఎందుకంటే, నువ్వే నా దేవుడివి, నా కోటవి,+
నన్ను ఎందుకు త్రోసివేశావు?
నా శత్రువు అణచివేయడం వల్ల నేను ఎందుకు బాధగా తిరగాలి?
3 నీ వెలుగును, నీ సత్యాన్ని పంపించు,+
అవి నన్ను నడిపించాలి;+నీ పవిత్ర పర్వతానికి, నీ గొప్ప గుడారానికి+ అవి నన్ను తీసుకెళ్లాలి.
4 అప్పుడు నేను దేవుని బలిపీఠం దగ్గరికి,నాకెంతో సంతోషాన్నిచ్చే నా దేవుని దగ్గరికి వస్తాను.+
దేవా, నా దేవా, వీణతో*+ నేను నిన్ను స్తుతిస్తాను.
5 నా ప్రాణం ఎందుకు కృంగిపోయింది?
నా లోపల ఎందుకు ఈ అలజడి?నేను దేవుని కోసం వేచివుంటాను,+
ఇప్పటికీ ఆయన్ని నా మహాగొప్ప రక్షకునిగా, నా దేవునిగా స్తుతిస్తాను.
