కీర్తనలు 30:1-12
-
దుఃఖం సంతోషంగా మారింది
-
దేవుని అనుగ్రహం జీవితకాలం ఉంటుంది (5)
-
శ్రావ్యగీతం. ఇంటి ప్రతిష్ఠాపన గీతం. దావీదు కీర్తన.
30 యెహోవా, నువ్వు నన్ను పైకి ఎత్తావు* కాబట్టి నేను నిన్ను ఘనపరుస్తాను;నువ్వు నా శత్రువుల్ని నా విషయంలో సంతోషించనివ్వలేదు.+
2 యెహోవా, నా దేవా, సహాయం కోసం నేను నీకు మొరపెట్టుకున్నాను, నువ్వు నన్ను బాగుచేశావు.+
3 యెహోవా, నువ్వు నన్ను సమాధిలో* నుండి పైకి లేపావు.+
నన్ను సజీవంగా ఉంచావు; గోతిలోకి* దిగిపోకుండా నన్ను కాపాడావు.+
4 యెహోవా విశ్వసనీయులారా, ఆయన్ని స్తుతిస్తూ పాటలు పాడండి,*+ఆయన పవిత్రమైన పేరుకు*+ కృతజ్ఞతలు చెల్లించండి;
5 ఎందుకంటే, ఆయన కోపం క్షణకాలమే ఉంటుంది,+కానీ ఆయన అనుగ్రహం జీవితకాలం ఉంటుంది.+
సాయంత్రం ఏడ్పు రావచ్చు, కానీ ఉదయాన్నే ఆనంద ధ్వనులు వినిపిస్తాయి.+
6 నాకు కష్టాలు లేనప్పుడు,
“నేను ఎప్పటికీ కదల్చబడను”* అని అనుకున్నాను.
7 యెహోవా, నీ అనుగ్రహం నా మీద ఉన్నప్పుడు, నువ్వు నన్ను పర్వతంలా బలంగా చేశావు.+
కానీ నువ్వు నీ ముఖాన్ని దాచుకున్నప్పుడు, నేను బెదిరిపోయాను.+
8 యెహోవా, నేను నీకు మొరపెడుతూ వచ్చాను;+అనుగ్రహం చూపించమని నేను యెహోవాను వేడుకుంటూ వచ్చాను.
9 నేను చనిపోవడం వల్ల, గోతిలోకి* దిగిపోవడం వల్ల ఏం లాభం?+
మట్టి నిన్ను స్తుతిస్తుందా?+ అది నీ నమ్మకత్వం గురించి తెలియజేస్తుందా?+
10 యెహోవా, నా మొర విని నా మీద అనుగ్రహం చూపించు.+
యెహోవా, నాకు సహాయకుడివి అవ్వు.+
11 నువ్వు నా ఏడ్పును నాట్యంగా మార్చావు;నా గోనెపట్టను తీసేసి, నాకు ఉల్లాస వస్త్రాన్ని ధరింపజేశావు,
12 నేను* మౌనంగా ఉండకుండా నీ స్తుతులు పాడాలని అలా చేశావు.
యెహోవా, నా దేవా, నిరంతరం నేను నిన్ను స్తుతిస్తాను.
అధస్సూచీలు
^ లేదా “లాగావు.”
^ లేదా “సమాధిలోకి.”
^ లేదా “సంగీతం వాయించండి.”
^ అక్ష., “జ్ఞాపకార్థానికి.”
^ లేదా “తడబడను.”
^ లేదా “సమాధిలోకి.”
^ లేదా “నా మహిమ.”
