Laporo avao ze raha zay tie amy ty ankamaroa o ndatio.

•   “Trea magneran-tane o fagnavakavahagneo . Hoe poizigne o raha iohoe satria manimba o fikambanagne sambe karaza’eo naho o fiaraha-monegneo vaho ty fiaigna o ndatio andavanandro. Voka ze raha zay, le manjare misy avao ty tsy rare’e.”​—António Guterres, Sekretera Generaly ty ONU.

 Mbe ho foagne vao o fagnavakavahagneo ? Ino ty rehafe ty Baiboly?

 Trea agnate Baiboly ao tie akore ty fiheveran’Andrianagnahare o ndaty sambe hafa holitseo.

•   “Boake amy ty ndaty raike ty namboaran’Andrianagnahare ty ndaty amy ty firenena iaby mba hitoboke magneneke ty tane toy iaby.”​—Asan’ny Apostoly 17:26.

•   “Tsy magnavakavake ty Andrianagnahare, fa amy ty firenena iaby, ze ndaty matahotse aze sady manao ty maregne ro ankasitraha’e.”​—Asan’ny Apostoly 10:34, 35.

 Rehafe ty Baiboly tie mpilongo iaby ty ndaty magneran-tane, sady vognogne handrambe ze te hanompo aze ty Andrianagnahare ndre ireke mainte ndre ireke foty.

 Ty Fanjakàn’Andrianagnahare an-dagnitse agne ty hagnafoagne izay. Hampianare o fitondragne iohoe o ndatio tie akore ty toko’e hindesa iareo ty ndaty hafa. Hianara iareo ka tie akore ty toko’e hatao mba tsy hagnavakavake ty hafa sasa ndra tie kede avao aza.

•   “Hianatse miomba ty hamarenagne ty mponegne amy i taney ao.”​—Isaia 26:9.

•   “Hiadagne ze magnorike ty tena hamarenagne, sady hilamigne lognandro vaho tsy hinekoneko ze magnorike ty tena hamarenagne.”​—Isaia 32:17.

 Ndaty an-tapetrisa’e tie amy izao ty mianatse Baiboly, le ianara’e ao tie akore ty hagnajagne ty ndaty hafa.

•   Naho mipay fagnazavagne fagnampe’e rehe, le vakio i gazete Mifohaza! manao tihoey tie “Vahaolana Amin’​ny Fanavakavahana”

•   Naho tea’o ty hirehake ty miomba izay amy ty ana’o, le vakio ty lahatsoratse tihoe “Ahoana no Azoko Iresahana Amin’ny Zanako Momba ny Fanavakavaham-bolon-koditra?”