Mampandineke ty tatetse naboa ty World Wildlife Fund (WWF) tamy 9 Oktobra 2024 miomba ty voka ty raha atao o ndatio amo o bibihakò. Nirehake o fikambanagne iohoe tie “nihegne 73 % ty isa o bibihako narovagneo tagnate ty 50 taogne (1970-2020).” Izao ka ty raha nirehafegne tamy i tatetsey ao: “Tsy tihoe magnitatse zahay naho mirehake fa ty raha hiseho agnate ty dime taogne ro ahafahagne mamaritse tie hanao akore ty ho fiaignagne ambone tane etoy amy ty hoavy.”

 Ara-dalàna naho maro ty ndaty tsy fale naho fa maharey tatetse hoe izay. Tena teantikagne ty planeta fanjaka misy antikagne toy. Tsy tantentikagne ka ty mahatrea i bibihako rey mijale satria finoron’Andrianahagnahare mba hikarakara o bibio tika.​—Genesisy 1:27, 28; Ohabolana 12:10.

 Va’e hieretseretse areke rehe tie: ‘Ho vitantikagne vao ty hiaro i bibihako ambone tane etoy rey? Ino ty rehafe ty Baiboly?’

 Ndra tie mikezake mafe aza tika mba hiaro ty fiay o bibio le i Andrianagnahare raike avao ty tena mahavita manao izay. Fa nirehake mialoha ty Baiboly amy Apokalypsy 11:18 ao tie ‘hamonovono ze manimba ty tane toy’ ty Andrianagnahare. Mampianatse antika ty raha roe retoa o andine’e iohoe:

1.  1. Tsy hengan’Andrianagnahare hanimba tanterake ndra hamoteke ty tane toy o ndatio.

2.  2. Fa tsy ho ela le hanao raha ty Andrianagnahare satria naho ampitahaegne amy ty amparake izay, le vao mainke tena atahoragne hahafoagne o bibio ty raha atao o ndatio amy hinane zao.

 Ino ty raha hataon’Andrianagnahare mba hamahagne ze olagne zay? I fitondra’e an-dagnitse agney ndra i Fanjakà’ey ty hampiasae’e mba hifehe ty tane toy iaby. (Matio 6:10) Hagnomey fampianaragne naho fampiofagnagne tena ilaegne hoahy ty ndaty mankatò o fitondragne iohoe mba hahafaha iareo mikarakara naho miaro o bibihakò.​—Isaia 11:9.