MIAMBENA LOGNANDRO!
Feno Raha Nampinekoneko ty Taogne 2023: Ino ty Rehafe ty Baiboly?
Tagnate i taogne 2023-y, le maro ty raha niseho magneran-tane magnaporofo ty raha rehafe ty Baiboly tie miaigne amy “ty andro fara’e” tika. (2 Timoty 3:1) Mareho ty raha fa nirehafe ty Baiboly mialoha fa hiseho amo o andro iaignantikagne zao.
Ty Baiboly naho ty raha miseho magneran-tane
‘Aly naho tatetse miomba ty aly.’—Matio 24:6.
“Vao mainke mihamanjeke ty hampiarotegne magneran-tane.” a
Henteo ty lahatsoratse tihoe “Ia ty Hagnavotse ty Ndaty Tsotra Ndra ty Ndaty Tsy Mandrambe Anjara amo o Alio?” naho tihoe “Andaniam-bola Tsy Toko Tsy Foroha o Maramilao Magneran-tane.”
“Horohoron-tane amy ty toeragne sambe hafa.”—Marka 13:8.
“Nanomboke tamy ty voalohan-doha ty taogne 2023, le 13 ty horohoron-tane fara izay ty mahery nisy magneran-tane. Amparake izay le mbe tsy nisy horohoron-tane nahery hoe izay naho tsy tamo o taogne iohoe.” b
Henteo ty lahatsoratse tihoe “Horohoron-tane Nandravarava i Tirkia Naho i Siria.”
“Hahatrea raha mampatahotse.”—Lioka 21:11.
“Vao mainke nihananjeke ty hafanagne magneran-tane.”—António Guterres, Sekretera Jeneraly ty ONU. c
Henteo ty lahatsoratse tihoe “Hafanagne Mbe Tsy Nisy Ndra ho Indraike Tan-tegnategna ty Taogne 2023.”
“Hakeré.”—Matio 24:7.
“2023: Taogne tena nampinekoneko hoahy o ndaty mamelogne keleiagneo.” d
Henteo ty lahatsoratse tihoe “Mihamanjeke ty Hakeregne Magneran-tane Noho o Alio Naho ty Fiovaovà o Toets’andrò.”
“Fotoan-tsarotse tsy mora atrehegne.”—2 Timoty 3:1.
“Magneran-tane, le ndaty raike agnate ty valo ty managne olagne ara-tsaigne.” e
Henteo ty lahatsoratse tihoe “Mihamaro ty Tanora Voa ty Areten-tsaigne.”
Hanao akore ka ty taogne 2024?
Tsy misy afake mamaritse ze raha hiseho amy ty taogne 2024. Faie atoro ty raha miseho magneran-tane fa tsy ho ela i Fanjakàn’Andrianagnahare an-dagnitse agney, le hagnafake o fanjakàn’olombelogneo. O Fanjakagne iohoe ty hinday sady hagnafoagne ty voka-draty o fijaleagneo naho o finekonekoagneo.—Daniela 2:44; Apokalypsy 21:4.
Faie amparake ty hiavia izay, le azontika atao ty mangatake fagnampeagne aman’Agnahare naho fa itika minekoneko. Hoe ty Baiboly:
“Naho fa matahotse raho, le mitoky ama’o.”—Salamo 56:3.
Akore ty anoroantika fa matoky i Jehovah tika? Asae’ay rehe mba hianatse ty raha ampitamae ty Baiboly miomba ty hoavy. Rehafe’e ao fa tsy hisy sasa o fijaleagneo tie amy izay. Mangataha hianatse Baiboly maimaim-poagne ama’ay fa hotrea’o ao tie akore ty hahavy anareo keleian-draike handrambe soa boake amy ty fampitamà ty Baiboly.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, tamy 30 Oktobra 2023.
b Earthquake News, “Year 2023: Number of Major Earthquakes on Course for Record,” tamy Mey 2023.
c United Nations, “Secretary-General’s Opening Remarks at Press Conference on Climate,” tamy 27 Jolay 2023.
d World Food Programme, “A Global Food Crisis.”
e World Health Organization, “World Mental Health Day 2023, tamy 10 Oktobra 2023.
Va'e ho Tea'o Ka
ESSENTIAL BIBLE TEACHINGS
Inogne o Fanjakàn’Andrianagnahare Zao?
Tamy ty fanompoagne natao i Jesosy, le ty Fanjakàn’Andrianagnahare ty foto-keve ty fampianara’e. Tagnate ty taogne maro, le nangatake ty hiavia o Fanjakagne iohoe ze mpanonjohy ty lia’e.
VALEM-PAGNONTENEAGNE ARA-BAIBOLY
Misy Hevetse Afake Mampahery Azo vao ty amy Baiboly Ao?
Nagnampe ndaty maro niatreke raha sarotse sady nagnamelo-tegna ty andinin-teny boake amy Baiboly ao.
MIOMBA ANAY
Hangatake Hotilihegne
Miharoa midineke miomba ty Baiboly ndra ianaro soa ty miomba ty Vavolombelo i Jehovah.
