Taloha kede ty taogne 1900 ro nanomboke nisy ty fandamina o Vavolombelo i Jehovah amy izaò. Tamy izay ro nisy mpianatse ty Baiboly tsiampeampe ty tagnila i Pittsburgh a Etazonia agne, nanomboke nandineke tsikedetsikede ze raha rehafe ty Baiboly. Nampitahae iareo tamy izay ze raha tena ampianare ty Baiboly naho ty raha nampianare o fivavahagneo. Natao iareo pirinty ze raha nianara’e, le naboa’e tamy ty boke naho ty gazete, agnisa izay ty gazete atao tihoe Fitalakesan-davitse Magnambara ty Fanjakà i Jehovah.

 Agnisa o mpianatse Baiboly tso-po rehoe ty lahilahy raike atao tihoe Charles Taze Russell. Maregne fa i Russell ty nitarike i asa fampianaragne Baibolỳ tie tamy izay sady ireke ka ty nampiboake voaloha’e i gazete tihoey Fitalakesan-davitse. Faie tsy tihoe tie mpagnoregne fivavahagne vaovao reke. Mpianatse ty Baiboly ty nahafantaragne i ndaty tsiampeampe tamy izay rey sady izao ty nitanjo iareo naho i Russell: Hagnorike ty fanao ty Kristiana tamo o taonjato voaloha’eo naho handrisike o ndatio hagnorike ty fampianara i Jesosy Kristy. I Jesosy ro hevere’ay ho mpagnoregne ty fandamina’ay satria ireke ro mpagnoregne ty fivavahagne Kristiana.​—Kolosianina 1:18-20.