10 FEVEREIRU 2023 | UPDATE: 17 FEVEREIRU 2023
TURKIA
UPDATE—Rai-nakdoko makaʼas iha rai-Turkia afeta ema rihun ba rihun nia moris
Iha loron-segunda 6 Fevereiru 2023, akontese rai-nakdoko makaʼas ho magnitude 7,8 iha rai-Turkia parte sudeste. Tuirmai, akontese tan rai-nakdoko makaʼas ho magnitude 7,5 iha área neʼe. No toʼo agora iha rai-nakdoko kiʼik barak iha área neʼe. Ema naʼin-38.000 liu mak mate no ema naʼin-108.000 liu mak hetan kanek.
Oinsá situasaun neʼe afeta ita-nia irmaun-irmán sira iha rai-Turkia
Triste tanba irmán idade ida iha sidade Adana mate. No mós iha sidade Adiyaman, irmaun ida ho ninia feen hamutuk ho sira-nia oan kiʼik naʼin-rua mate.
Uma 3 rahun hotu
Uma 17 hetan estragu boot
Uma 22 hetan estragu kiʼik
Reuniaun-Fatin 1 hetan estragu boot
Reuniaun-Fatin 2 hetan estragu kiʼik
Ajuda umanitária
Irmaun balu simu knaar atu tau matan irmaun-irmán sira iha dalan espirituál iha área sira neʼebé kona dezastre.
Komisaun ba dezastre 2 mak simu knaar atu organiza ajuda umanitária.
Membru ida husi Komisaun Sukursál fahe eskritura atu anima irmaun-irmán sira, inklui sira neʼebé hasoru susar tanba sira-nia uma hetan estragu ka rahun
Maski iha rai-nakdoko makaʼas no rai-nakdoko kiʼik sira kontinua akontese, ita-nia irmaun-irmán sira sente kmaan hodi hatene katak Jeová mak “fatin protesaun no ita-nia kbiit, ita sempre hetan ajuda husi nia iha tempu susar”.—Salmo 46:1.
Haree mós
PERGUNTA SIRA NEʼEBÉ BAIBAIN EMA HUSU
Testemuña ba Jeová fó ajuda ba ema neʼebé kona dezastre naturál ka lae?
Buka-hatene to’ok oinsá mak ami hakaʼas an atu fó ajuda ba ami-nia maluk Testemuña no mós ba ema seluk neʼebé laʼós Testemuña ba Jeová.