Iha loron 24 Maiu 2023, anin-fuik Mawar estraga illa Guame no Rota. Durante tinan 20 nia laran, la iha anin-fuik neʼebé makaʼas liu ida-neʼe iha área neʼe. Udan tun toʼo sentímetru 70 liu no anin huu makaʼas ho velosidade 160 liu, no neʼe estraga illa sira-neʼe. Tanba anin no udan neʼe, eletrisidade mate no ema labele hetan bee iha área barak iha Guame no Rota.

• La iha irmaun-irmán ida mak hetan kanek ka mate

• Uma 3 rahun hotu

• Uma 12 hetan estragu boot

• Uma 8 hetan estragu kiʼik

• Katuas área no katuas kongregasaun fó ajuda espirituál no fó ajuda seluk ba irmaun-irmán sira neʼebé hetan susar tanba anin-fuik neʼe

• Komisaun ba dezastre rua simu knaar atu organiza ajuda umanitária

Ami hein ba tempu neʼebé ema sei la taʼuk tan ba dezastre naturais no ema hotu “sei hetan ksolok boot ho dame neʼebé barak”.—Salmo 37:11.