Ema barak sente triste bainhira ema neʼebé sira tau fiar halo sira lakon konfiansa. Ema barak lakon fiar ba . . .

•   polítiku-naʼin sira neʼebé buka uluk sira rasik nia hakarak duké povu nia presiza.

•   média sira neʼebé la fó sai notísias neʼebé justu no loos.

•   sientista sira neʼebé la halo buat neʼebé diʼak liu ba ema.

•   ulun-naʼin relijiaun sira neʼebé envolve an barak liu iha polítiku duké halo Maromak nia hakarak.

 Importante atu hanoin didiʼak kona-ba sé mak ita tau fiar. Bíblia fó avizu:

•   “Imi keta tau fiar ba ulun-naʼin sira ka ema neʼebé labele lori salvasaun.”—Salmo 146:3.

  Bíblia fó sai kona-ba ema ida neʼebé Ita bele tau fiar: Jesus Kristu. Nia laʼós deʼit ema diʼak ida neʼebé moris tinan rihun ba rihun liubá. Maromak hili Jesus atu “ukun nuʼudar Liurai . . . Ninia Ukun sei la iha rohan.” (Lucas 1:32, 33) Jesus mak Liurai ba Maromak nia Ukun, neʼe mak governu ida neʼebé agora ukun husi lalehan.—Mateus 6:10.

•   Atu aprende tanbasá Ita bele tau fiar ba Jesus, lee informasaun ho títulu “Sé mak Liurai ba Maromak nia Reinu?” no “Saida mak Maromak nia Reinu sei halo?”