Bainhira ita lee Bíblia, ita bele buka-hetan informasaun neʼebé bele ajuda ita. Loloos, ita lakohi estuda atu aumenta deʼit ita-nia koñesimentu. Maibé ita hakarak atu buka-hatene kona-ba Jeová nia hahalok furak sira neʼebé bele ajuda ita haburas ita-nia domin ba nia. Atu halo nuneʼe, ita bele husu ba ita-nia an: ‘Istória neʼe hanorin saida kona-ba Jeová?’

Porezemplu, ita bele buka-hatene kona-ba oinsá Jeová hatudu domin, matenek, justisa, no kbiit. Maibé iha hahalok furak seluk tan neʼebé ita bele aprende kona-ba Jeová. Entaun, iha neʼebé mak Ita bele hetan informasaun liután?

Haree Livru atu ajuda Testemuña ba Jeová buka informasaun, buka tópiku “Maromak Jeová” no tuirmai haree subtítulu “Jeová nia hahalok sira”. Ita bele estuda didiʼak kona-ba Jeová nia hahalok ida neʼebé Ita lee daudaun iha Bíblia laran.