Provérbios 23:1-35
23 Kuandu ó tuur atu han hamutuk ho liurai ida,Hanoin didiʼak kona-ba saida mak iha ó-nia oin;
2 Se ó mak ema* neʼebé kaan hahán,Kontrola ó-nia an bá.*
3 Keta kaan ninia hahán neʼebé gostu,Hodi nuneʼe, hahán neʼe labele lasu ó.
4 Keta halo kole ó-nia an atu hetan rikusoin.+
Labele halo tan ida-neʼe, maibé hatudu matenek bá.*
5 Bainhira ó hateke ba rikusoin, neʼe la iha ona,+Tanba rikusoin neʼe sei iha liras hanesan manu-makikit no semo ba lalehan.+
6 Keta han ema karak-teen nia hahán;Keta kaan ninia hahán neʼebé gostu,
7 Tanba nia mak hanesan ema neʼebé sura fali buat neʼebé nia fó,
Nia sei dehan ba ó: “Han no hemu bá”, maibé nia koʼalia nuneʼe la ho laran.*
8 Ó sei muta sai fali buat neʼebé ó han onaNo ó-nia liafuan gaba nian sei sai saugati deʼit.
9 Keta koʼalia ba ema neʼebé beik,+Tanba nia sei la hafolin ó-nia liafuan matenek.+
10 Keta muda marka ba baliza husi ema nia rai neʼebé tau tiha ona iha tempu antigu+No keta hadau oan-kiak* sira-nia toʼos.
11 Tanba Maromak neʼebé defende* sira mak iha kbiit boot;Nia sei defende sira-nia kazu hasoru ó.+
12 Fó ó-nia laran tomak ba dixiplina*No see tilun ba liafuan husi ema neʼebé iha koñesimentu.
13 Keta dada an atu fó dixiplina ba labarik ida.*+
Se ó baku nia ho rota, nia sei la mate.
14 Ó tenke baku nia ho rota,Hodi salva ninia moris* husi rate.*
15 Haʼu-nia oan,* se ó-nia laran sai matenek,Haʼu-nia laran sei sente haksolok.+
16 Bainhira ó-nia ibun koʼalia buat neʼebé loos,Haʼu-nia laran tomak* sei hetan ksolok.
17 Keta laran-moras ba ema sala-naʼin sira,+Maibé hamtaʼuk Jeová iha tempu hotu,+
18 Tanba ho ida-neʼe mak ó-nia futuru sei sai diʼak+No ó sei la lakon ó-nia esperansa.
19 Rona bá, haʼu-nia oan, no sai matenek bá,No kontrola ó-nia laran atu ó bele laʼo iha dalan neʼebé loos.
20 Keta sai hanesan* ema neʼebé hemu tua* demais,+Ema neʼebé han naʼan demais,+
21 Tanba ema neʼebé lanu-teen no kaan-teen sei sai kiak,+No ema neʼebé hakarak toba deʼit sei hatais hena bosan.
22 Rona ba ó-nia aman neʼebé halo ó moris,No keta hakribi ó-nia inan tan deʼit nia ferik ona.+
23 Sosa* lia-loos no keta faʼan fali,+Halo nuneʼe mós ho matenek, dixiplina no kbiit atu komprende.+
24 Ema neʼebé sai aman ba oan neʼebé laran-loos sei kontente duni;No ema neʼebé sai aman ba oan neʼebé matenek sei haksolok tanba nia.
25 Ó-nia aman no inan sei kontente,No feto neʼebé fó moris ba ó sei haksolok tebes.
26 Haʼu-nia oan, rona didiʼak ba haʼu ho ó-nia laran tomak,No haksolok bá hodi laʼo iha haʼu-nia dalan sira.+
27 Tanba feto-aat* mak hanesan rai-kuak neʼebé kleʼan,No feto neʼebé la iha morál* mak hanesan bee-posu neʼebé kloot.+
28 Nia hein subasubar hanesan naʼok-teen;+Nia aumenta tan mane sira neʼebé la hatudu laran-metin.
29 Sé mak hetan susar? Sé mak laran la hakmatek?
Sé mak istori malu? Sé mak muramura?
Sé mak hetan kanek la ho razaun? Sé mak matan laran mean?
30 Neʼe mak sira neʼebé uza oras barak atu hemu tua;*+No mós sira neʼebé buka* tua neʼebé forte.
31 Keta haree ba tua-uvas nia kór-mean,Neʼebé sai nabilan iha kopu laran no diʼak atu hemu,
32 Tanba ikusmai ida-neʼe sei tata ó hanesan samea,No sei hasai venenu hanesan samea venenu.
33 Ó-nia matan sei haree buat neʼebé laʼós baibain,No ó-nia laran sei koʼalia buat aat.+
34 No ó sei sai hanesan ema neʼebé toba iha tasi klaran,Hanesan ema neʼebé toba iha ró nia riin leten.
35 Ó sei dehan: “Sira basa haʼu, maibé haʼu la sente.*
Sira baku haʼu, maibé haʼu la hatene.
Bainhira loos mak haʼu sei hadeer fali?+
Haʼu hakarak hemu tan.”*
Nota-rodapé
^ Haree “Nefes” iha Glosáriu.
^ Orj., “Tau tudik iha ó-nia kakorok”.
^ Ka karik “Keta sadere tan ba ó-nia matenek rasik”.
^ Orj., “maibé ninia laran la hamutuk ho ó”.
^ Ka “labarik neʼebé la iha aman”.
^ Orj., “Ida neʼebé sosa fali”.
^ Ka “hanorin; treinu”.
^ Ka “labarik-mane; joven ida”.
^ Haree “Nefes” iha Glosáriu.
^ Haree “Siol” iha Glosáriu.
^ Orj., “oan-mane”.
^ Orj., “rins”.
^ Ka “Keta ransu hamutuk ho”.
^ Orj., “tua-uvas”.
^ Ka “Hetan”.
^ Ka “prostituta”.
^ Orj., “tua-uvas”.
^ Ka “sira neʼebé halibur hamutuk atu koko”.
^ Ka “haʼu la sente moras”.
^ Ka “Haʼu sei buka tan tua”.
