Deuteronómio 32:1-52
32 “Oh lalehan, see tilun bá, no haʼu sei koʼalia,Oh rai, rona ba liafuan sira husi haʼu-nia ibun.
2 Haʼu-nia hanorin sei tun hanesan udan,Haʼu-nia liafuan sira sei tun hanesan mahobeen,Hanesan udan neʼebé turuk ba duʼut siraNo hanesan udan neʼebé tun beibeik ba ai-horis sira.
3 Haʼu sei fó sai Jeová nia naran.+
Imi povu sira, fó-hatene kona-ba ita-nia Maromak neʼebé boot!+
4 Nia mak Fatuk Boot, no ninia serbisu mak perfeitu,+Tanba ninia dalan sira hotu mak loos.+
Maromak laran-metin,+ nia sempre hatudu justisa,+Nia iha hahalok loos no laran-loos.+
5 Sira rasik mak halo hahalok aat.+
Sira laʼós ninia oan, sira rasik mak halo sala.+
Sira mak jerasaun neʼebé aat no kleʼuk!+
6 Tanbasá mak imi halo hanesan neʼe ba Jeová?+Imi mak povu neʼebé beik no la matenek.+
Nia mak imi-nia Aman neʼebé halo imi moris, loos ka lae?+Nia mak Ida neʼebé halo imi no hametin imi nuʼudar nasaun ida, loos ka lae?
7 Hanoin-hetan tempu uluk,Hanoin fali ba tinan sira husi jerasaun neʼebé liu ona.
Husu ba imi-nia aman, no nia sei konta ba imi,+Husu ba imi-nia katuas sira, no sira sei fó sai ba imi.
8 Bainhira Maromak neʼebé Aas Liu Hotu fó liman-rohan ba nasaun sira,+Bainhira nia haketak Adão* nia oan-mane sira,+Nia tau fronteira ba povu sira+Hodi tuir númeru husi Izraél nia oan-mane sira.+
9 Tanba Jeová nia povu mak ninia parte,+Jacob mak ninia liman-rohan.+
10 Maromak hetan nia iha rai-fuik,+Iha rai-maran neʼebé mamuk no iha deʼit animál fuik neʼebé hasai lian.+
Maromak haleʼu nia hodi proteje nia, tau matan ba nia,+No proteje nia hanesan Ninia matan-fuan rasik.+
11 Hanesan manu-makikit hanorin nia oan atu semo,Manu neʼe semo iha ninia oan nia leten,Loke ninia liras, no foti ninia oan sira,Lori ninia oan sira iha ninia liras,+
12 Jeová mesak deʼit mak kontinua dirije nia,*+La iha maromak seluk hamutuk ho nia.+
13 Maromak halo nia domina fatin aas* sira iha rai,+Atu nuneʼe nia bele han ai-han husi toʼos sira.+
Maromak kontinua fó-han ba nia ho bani-been husi fatuk-kuakNo mina husi fatuk boot,*
14 Nia fó manteiga neʼebé halo husi karau nia susubeen, no fó bibi nia susubeen,Hamutuk ho bibi-malae neʼebé diʼak liu,No bibi-malae aman husi Basan no bibi-timur aman sira,Hamutuk ho trigu neʼebé diʼak liu,+
No mós imi hemu tua-uvas husi uvas-fuan nia been.
15 Bainhira Jesurun* sai bokur, nia tebe hodi kontra ninia naʼin.
Oh Jesurun, ó sai bokur ona, ó kabosu no kabun-teek ona.+
Entaun nia husik tiha Maromak neʼebé halo nia,+No nia hakribi Fatuk Boot neʼebé salva nia.
16 Sira halo Nia sai laran-nakali tanba adora maromak falsu,+Sira hakanek Ninia laran ho buat neʼebé aat.+
17 Sira hasaʼe sakrifísiu ba anju aat sira, laʼós ba Maromak,+Ba maromak sira neʼebé sira la koñese,Ba maromak foun sira neʼebé foin mosu,Ba maromak neʼebé imi-nia beiʼala sira la koñese.
18 Ó haluha tiha Fatuk Boot+ neʼebé sai aman ba ó,No ó la hanoin-hetan Maromak neʼebé fó moris ba ó.+
19 Bainhira Jeová haree ida-neʼe, nia la simu tan sira+Tanba ninia oan-mane no oan-feto sira halo nia laran-kanek.
20 Entaun nia dehan: ‘Haʼu sei subar haʼu-nia oin husi sira,+Haʼu sei haree saida mak sei mosu ba sira.
Tanba sira mak jerasaun neʼebé aat,+Oan sira neʼebé la hatudu laran-metin.+
21 Sira halo haʼu sai laran-nakali* tanba buat neʼebé laʼós maromak ida,+Sira hakanek haʼu-nia laran tanba sira-nia estátua neʼebé folin-laek.+
Tan neʼe haʼu sei halo sira sai laran-moras liuhusi povu seluk,+Haʼu sei halo sira laran-kanek liuhusi nasaun neʼebé beik.+
22 Tanba haʼu-nia hirus halakan ona ahi ida+Neʼebé sei lakan toʼo rate* laran,+No ahi neʼe sei han mohu tiha rai no ai-han sira iha raiNo sei han foho sira-nia hun.
23 Haʼu sei aumenta sira-nia susar,Haʼu sei uza hotu haʼu-nia rama-oan ba sira.
24 Sira sei sai kole tebes tanba hamlaha+No moras isin-manas sei han mohu tiha sira no terus boot sei halakon sira.+
Haʼu sei haruka animál fuik atu ataka sira+No venenu husi samea* neʼebé dolar iha rai-rahun.
25 Iha liʼur, surik sei halakon sira-nia oan;+Iha laran, taʼuk mak mosu+Ba mane joven no feto virjen,Labarik kiʼik hamutuk ho katuas neʼebé fuuk mutin.+
26 Uluk haʼu hakarak atu hatete: “Haʼu sei halo sira namkari,Haʼu sei halakon sira no ema sei la hanoin-hetan tan sira”,
27 Maibé haʼu la hatete ida-neʼe tanba haʼu taʼuk buat neʼebé inimigu sei dehan,+Tanba inimigu bele hanoin sala kona-ba neʼe.+
Karik sira sei dehan: “Ami manán ho ami-nia kbiit rasik,+Laʼós Jeová mak halo buat hotu neʼe.”
28 Tanba sira mak nasaun neʼebé la iha neon,*No iha sira-nia leet la iha kbiit atu komprende.+
29 Se sira matenek karik,+ sira sei hanoin kleʼan kona-ba neʼe.+
Sira sei hanoin kona-ba rezultadu neʼebé sira sei hetan.+
30 Oinsá mak ema ida bele duni tuir ema naʼin-1.000?Oinsá mak ema naʼin-rua bele halo ema naʼin-10.000 halai?+
Só deʼit se sira-nia Fatuk Boot faʼan tiha sira+No se Jeová entrega ona sira ba sira-nia inimigu.
31 Tanba inimigu sira-nia fatuk la hanesan ho ita-nia Fatuk Boot,+No ita-nia inimigu sira mós hatene kona-ba neʼe.+
32 Tanba sira hanesan uvas-hun husi SodomaNo uvas-hun husi Gomorra.+
No sira-nia uvas-fuan mak iha venenu,Uvas-fuan neʼebé moruk.+
33 Sira-nia tua-uvas mak samea nia venenu,Venenu aat husi samea-kobra.
34 Buat sira-neʼe hotu xave metin tihaNo rai didiʼak iha haʼu-nia armazén.+
35 Haʼu mak iha direitu atu selu fali hahalok aat, no haʼu sei fó kastigu,+Iha tempu neʼebé deside tiha ona bainhira sira-nia ain sidi,+Tanba sira-nia loron susar nian besik ona,No buat neʼebé hein hela sira sei toʼo mai lalais.’
36 Tanba Jeová sei tesi-lia ba ninia povu,+No nia sei hanoin tebes* ninia atan sira+Bainhira nia haree katak sira-nia kbiit lakon ona,No hela deʼit ema neʼebé kbiit-laek no fraku.
37 Tuirmai nia sei dehan: ‘Sira-nia maromak sira iha neʼebé?+Fatuk neʼebé sira buka atu hetan protesaun iha neʼebé?
38 Maromak sira neʼebé uluk han sira-nia sakrifísiu neʼebé diʼak liu,*Neʼebé hemu tua-uvas husi sira-nia sakrifísiu hemu nian, sira iha neʼebé?+
Husik sira hamriik no ajuda imi.
Husik sira sai nuʼudar imi-nia fatin protesaun nian.
39 Haree bá katak haʼu, haʼu mak Maromak,+No la iha maromak seluk, só haʼu deʼit.+
Haʼu mak oho, no haʼu mak halo moris.+
Haʼu mak halo kanek,+ no haʼu mak kura,+No la iha ida mak bele salva ema neʼebé iha haʼu-nia liman.+
40 Tanba haʼu foti haʼu-nia liman ba lalehan,No dehan: “Haʼu jura hodi haʼu-nia moris neʼebé ba nafatin”,+
41 Se haʼu kadi kroʼat haʼu-nia surik neʼebé nabilanNo halo prontu haʼu-nia liman atu tesi-lia,+Haʼu sei selu fali haʼu-nia inimigu sira-nia hahalok aat+No fó kastigu ba sira neʼebé odi haʼu.
42 Haʼu sei halo lanu haʼu-nia rama-oan ho raan,Raan husi ema neʼebé haʼu oho tiha no ema dadur siraNo haʼu-nia surik sei han inimigu nia komandante sira-nia ulun isin.’
43 Imi nasaun sira, haksolok bá hamutuk ho ninia povu,+Tanba nia sei selu fali raan husi ninia atan sira,+No nia sei selu fali ninia inimigu sira-nia hahalok aat+No nia sei hamoos ninia povu nia rai.”*
44 Nuneʼe, Moisés ho Nun nia oan-mane Oseias,*+ mai no hatoʼo liafuan hotu husi knananuk neʼe ba povu neʼe atu sira bele rona.+
45 Bainhira Moisés hatoʼo hotu tiha liafuan sira-neʼe ba ema Izraél tomak,
46 nia hatete ba sira: “Rai iha imi-nia laran liafuan hotu neʼebé haʼu fó sai ba imi ohin nuʼudar avizu,+ atu nuneʼe imi bele haruka imi-nia oan sira atu halo tuir ho didiʼak liafuan hotu husi Ukun-Fuan neʼe.+
47 Tanba liafuan sira-neʼe laʼós liafuan mamuk deʼit, maibé neʼe mak moris ba imi,+ no liuhusi liafuan sira-neʼe mak imi bele moris naruk iha rai neʼebé imi sei hakur Mota Jordaun atu foti nuʼudar imi-nian.”
48 Iha loron neʼe mós Jeová koʼalia ba Moisés, dehan:
49 “Saʼe ba foho iha Abarim,+ Foho Nebo,+ neʼebé iha rai-Moab, neʼebé hateke ba Jerikó, no haree ba rai-Kanaan, rai neʼebé haʼu sei fó ba ema Izraél atu foti nuʼudar sira-nian.+
50 Tuirmai ó sei mate iha foho neʼebé ó atu saʼe, no sei mate* hanesan ó-nia maun Arão neʼebé mate ona iha Foho Hor,+
51 tanba imi naʼin-rua la hatudu laran-metin ba haʼu iha ema Izraél nia leet iha bee Meribá+ nian husi Kades iha rai-fuik Zin, tanba imi la fó glória ba haʼu* iha povu Izraél nia oin.+
52 Ó sei haree rai neʼe husi dook deʼit, maibé ó sei la tama ba rai neʼebé haʼu atu fó ba povu Izraél.”+
Nota-rodapé
^ Ka karik “ema hotu”.
^ Neʼe katak Jacob.
^ Haree “Fatin aas” iha Glosáriu.
^ Ka “husi fatuk-ahi”.
^ Naran neʼe katak “Ida neʼebé laran-loos”, neʼe mak naran respeitu nian ba Izraél.
^ Ka “laran-moras”.
^ Haree “Siol” iha Glosáriu.
^ Ka “reptil”.
^ Ka karik “tilun-diuk kona-ba konsellu sira”.
^ Ka “sente triste kona-ba”.
^ Ka “han naʼan bokur husi sira-nia sakrifísiu”.
^ Ka “nia sei hamoos sala ba ninia povu nia rai”.
^ Neʼe mak Josué nia naran orijinál. “Oseias” mak naran seluk ba Osaias. Naran neʼe katak “Salvasaun husi Jah; Jah salva ona”.
^ Orj., “no sei halibur ho ó-nia ema sira”. Neʼe mak liafuan poezia neʼebé refere ba mate.
^ Ka “la halo haʼu santu”. Haree “Halo santu” iha Glosáriu.
