பிசாசாகிய சாத்தான் ஒரு நிஜமான நபர் என்பதை பைபிள் வெளிப்படுத்துகிறது; பயங்கரமான நிழல் உலக தாதாவைப் போலவே அவன் ‘பொய்யான அடையாளங்களையும்’ ‘ஏமாற்று வேலைகளையும்’ செய்து, தன்னுடைய விருப்பத்தை நிறைவேற்றுகிறான். சொல்லப்போனால், “ஒளியின் தூதனைப் போல் வேஷம் போடுகிறான்” என்று பைபிள் சொல்கிறது. (2 தெசலோனிக்கேயர் 2:9, 10; 2 கொரிந்தியர் 11:14) பிசாசாகிய சாத்தான் இருக்கிறான் என்பதற்கு இந்த உலகத்தில் ஏற்பட்டிருக்கிற மோசமான பாதிப்புகளே அத்தாட்சி அளிக்கின்றன.

 ஆனாலும், எல்லா துன்பங்களுக்குமே சாத்தான் காரணமல்ல. ஏன் அப்படிச் சொல்கிறோம்? நல்லதைச் செய்வதா கெட்டதைச் செய்வதா என்று சுதந்திரமாக முடிவு செய்கிற திறனுடன்தான் மனிதர்களைக் கடவுள் படைத்திருக்கிறார். (யோசுவா 24:15) தவறான முடிவுகளை எடுக்கும்போது, விபரீத விளைவுகளை அறுவடை செய்கிறோம்.—கலாத்தியர் 6:7, 8.