Botonge Taumata Nate Sau Měbiahẹ̌?
Apa Sasimbahu?
-
Botonge.
-
Tawe Botonge.
-
Běga.
APA NIUL᷊Ị U BINOHẸ SUSI
”Kěbị taumata nate sarung měbiahẹ̌.”—Rarolohang 24:15, Binohẹ Susi su Weran Sangihẹ̌ Měllo-měllo.
APA GUNANE SU ANẠU SĚMBAỤ
Makaěbạ lahiborẹ̌ su tempong i kitẹ makahombang susah.—2 Korintus 1:3, 4.
I kitẹ tawe matakụ mạeng piạ papate.—Ibrani 2:15.
Piạ pělaharapẹ̌ mambeng saụ mẹ̌sombang su tempong isire saụ i pẹ̌biahẹ̌ su dunia.—Yohanes 5:28, 29.
KAWE NỤE I KITẸ BOTONGE MANGIMANG BINOHẸ SUSI?
Piạ 3 alasange:
-
Mawu pungu pěbawiahẹ̌. Binohẹ Susi naul᷊ị Yehuwa ”simbul᷊u pěbawiahẹ̌”. (Mazmurẹ̌ 36:9; Rarolohang 17:24, 25) Mawu mambeng makawiahẹ̌ isire apang seng nate.
-
Mawu seng bọu němiahẹ̌ taumata. Binohẹ Susi naul᷊ị ual᷊ung sul᷊ẹ Mawu němiahẹ̌ taumata—mạgurang, mangudạ, esẹ, dingangu wawine saụ nipẹ̌biahẹ̌ su dunia. Piạ buhudeng nate, piạ lai seng nikubul᷊ẹ̌ ěpạ u ěllo!—Yohanes 11:39-44.
-
Mawu mapulu–pulu isire apang nate saụ ipẹ̌biahẹ̌. Yehuwa mawěnsing papate; Ndaị ene kai sědụ e. (1 Korintus 15:26) I Sie seng tamaka kědang sarung měminasa sědụ ene. Kụ kerea? Saụ měmiahẹ̌ taumata nate. I Sie ”mapulu-pulu” taumata nate saụ I pẹ̌biahẹ̌ su dunia.—Ayub 14:14, 15.
GUNANG TINĚNANG
Kawe nụe taumata kakạgurange ḅou ene mate?
Binohẹ Susi simimbahẹ̌ kakiwal᷊o ene su PĚNDARIADI 3:17-19 dingangu ROMA 5:12.
You May Also Like
ESSENTIAL BIBLE TEACHINGS
Apa Sarung Mariadi su Tempong Taumata Mate?
Alkitapẹ̌ nẹ̌diandi su tempo mahi taumata nate sarung saụ ipěbiahẹ̌, kere i Lazarus.
SOAL I KAMI
Kawe Nụe Harusẹ̌ Měngěndung Binohẹ Susi?—Versi Lengkap
Alkitapẹ̌ makatul᷊ung jutane taumata makaěbạ sasimbahu manga kakiwal᷊o penting soal u pěbawiahẹ̌. I kau mapulu makaěbạ sasimbahe?
