Harusẹ̌ piạ timonane. Pẹ̌tiněna timonang nasẹ̌u. Apa ene gunang maul᷊ị sěmbaụ informasi, makakoạ taumata mangimang, arau měmahansang. Bọu ene, koạ nasẹ̌ ene tumuhụ timonane. Pakẹe manga pokok utama makatul᷊ung si kau makal᷊ahẹ timonang nasẹ̌ ene.

Pakal᷊ahẹ tema nasẹ̌. Pakal᷊ahẹ tema, carane saụ sěbạ kata-kata kunci tema su kanandụu nasẹ̌, arau pẹ̌pakẹ bawera wal᷊inẹ kụ mangal᷊ene maraning mẹ̌sul᷊ung.

Pokok utama koạ pakal᷊ahẹ dingangu sederhana. Pile kětạeng pokok utama piạ sěmpụe dingangu tema kụ nẹ̌tatahino dingangu tempone. Abe pěkoạ pokok utama tumanịu mal᷊awọ. Kěbị pokok utama harusẹ̌ mal᷊ahẹ. Su tempong měngal᷊ing bọu pokok utama sěmbaụ sarang pokok utama wal᷊inẹ, ene harusẹ̌ lancar.