SURA YA 25

Namna Gani Ninaweza Kuachana na Tabia ya Kugusa-gusa Viungo vya Uzazi Juu ya Kujitimizia Tamaa ya Ngono?

“Wakati nilikuwa na miaka munane nilianza ku gusa-gusa viungo vyangu vya uzazi juu ya kutimiza tamaa yangu ya ngono. Kisha nilijifunza kama Mungu anachukia ile tabia. Nilihuzunika sana kila wakati nilifanya vile. Nilijiuliza, ‘Mungu anaweza kabisa kupenda mutu sawa miye?’”​—Luiz

WAKATI unakomala, tamaa ya ngono inaweza kuwa nguvu sana. Kwa hiyo, unaweza kuangukia mu tabia ya kugusa-gusa viungo vya uzazi juu ya kutimiza ile tamaa. * Watu wengi wanasema kama haiko mubaya. Wanasemaka kama, “Hailumizake mutu.” Lakini, kuko sababu yenye inaweza kutuchochea tuepuke kabisa ile tabia. Mutume Paulo aliandika hivi: “Kwa hiyo, muue viungo vya mwili wenu . . . Kuhusiana na . . . tamaa kubwa ya ngono yenye haizuiliwe.” (Wakolosai 3:5) Wakati mutu anagusa-gusa viungo vyake vya uzazi haue tamaa ya ngono, lakini anaiongeza njo. Zaidi ya ile fikiria mambo yenye kufuata:

● Ile tabia inafanya mutu ajifikirie tu yeye mwenyewe. Kwa mufano, wakati mutu anagusa-gusa viungo vyake vya uzazi anafikiria tu kutimiza tamaa yake mwenyewe.

● Ile tabia inafanya mutu aone wengine kuwa vitu tu vya kumutimizia tamaa yake ya ngono.

● Ile tabia inaweza kufanya ikuwe nguvu kufurahia ngono katika ndoa.

Kuliko kugusa-gusa viungo vya uzazi juu ya kujitimizia tamaa ya ngono, ujikaze kujizuia. (1 Watesalonike 4:4, 5) Juu uweze kufanya vile, Biblia inasema kama ni muzuri uepuke hali zenye zinaweza kulamusha tamaa ya ngono. (Mezali 5:8, 9) Sasa utafanya nini kama ulishakuwa mutumwa wa ile tabia? Pengine umejaribu kuacha lakini hauyaweza. Ni mwepesi kuwaza kama hautawezaka na ni nguvu sana kutii kanuni za Mungu. Vile njo kijana mwanaume mwenye kuitwa Pedro alikuwaka anawaza, anasema hivi: “Wakati niliangukia tena mu ile tabia nilijisikia mubaya sana, niliwaza kama Mungu hawezi kunisamehe, na nilishindwa kusali.”

Kama na weye unawazaka vile usivunjike moyo. Kuko tumaini. Vijana wengi na watu wazima wameachana na ile tabia. Na weye unaweza kuachana nayo!

Utafanya Nini Kama Uko Unajihukumu?

Vile tuliona wale wenye wanaangukiaka mu tabia ya kugusa-gusa viungo vyao vya uzazi juu ya kutimiza tamaa ya ngono, mara mingi wanakuwaka najihukumu. Kwa kweli “huzuni yenu yenye kupatana na mapenzi ya Mungu” inaweza kuchochea mutu apiganishe ile tabia. (2 Wakorinto 7:11) Lakini kujihukumu kupita kiasi kunaweza kuwa na matokeo ya mubaya. Kunaweza kufanya uvunjike moyo na uache kujikaza.​—Mezali 24:10.

Kwa hiyo, ujikaze kuwa na usawaziko. Kugusa-gusa viungo vya uzazi juu ya kujitimizia tamaa ya ngono ni uchafu. Ile tabia inaweza kukufanya ukuwe ‘mutumwa wa tamaa na raha mbalimbali,’ na inaweza kukufanya ukuwe na mawazo yenye haifae. (Tito 3:3) Lakini kujigusa-gusa viungo vya uzazi juu ya kutimiza tamaa ya ngono haiko zambi nzito sawa vile uasherati. (Yuda 7) Kama umeangukia mu tabia ya kujigusa-gusa viungo vya uzazi juu kutimiza tamaa yako ya ngono, usiwaze kama umefanya zambi yenye haiwezi kusamehewa. Unapaswa njo kujikaza kuzuia tamaa ya kufanya vile na kujikaza kuendelea kuipiganisha!

Kama ulishajikaza sana juu ya kuacha ile tabia kisha unairudilia tena ni mwepesi kuvunjika moyo. Kuangukia tena mu ile tabia haionyeshe kama uko mutu mubaya, kwa hiyo usichoke. Uchunguze mambo yenye ilifanya uangukie tena mu ile tabia na ujikaze kuiepuka.

Fikiri juu ya upendo wa Mungu na rehema yake. Daudi, muandikaji fulani wa zaburi naye alifanyaka zambi juu ya uzaifu wake. Alisemaka hivi: “Kama vile baba anaonyesha wana wake rehema, ni vile Yehova ameonyesha rehema wale wenye kumuogopa. Kwa maana anajua muzuri namna tumeumbwa, anakumbuka kwamba tuko mavumbi.” (Zaburi 103:13, 14) Yehova anakumbukaka kama hatukamilike na iko ‘tayari kutusamehe.’ (Zaburi 86:5) Lakini anapenda tujikaze kufanya mabadiliko. Sasa unaweza kufanya nini juu uache ile tabia?

Chunguza mambo yenye unajifurahishaka nayo. Unaangaliaka filme, vipindi vya televizyo, ao unafungulaka site za Enternete zenye kuchochea tamaa ya ngono? Muandikaji mumoja wa zaburi alisali hivi kwa Mungu: “Geuzia mbali macho yangu ili yasiangalie mambo yenye hayana mafaa yoyote.”​—Zaburi 119:37.

Lazimisha akili yako ikazie mambo ingine. Kijana Mukristo mwenye kuitwa William anasema hivi: “Mbele ya kulala, soma jambo fulani yenye inategemea mafundisho ya Biblia. Ni ya maana sana kama jambo ya mwisho yenye unafikiria mbele ya kulala ikuwe jambo fulani ya kiroho.”​—Wafilipi 4:8.

Zungumuza na mutu fulani juu ya ile tatizo. Haya inaweza kufanya ushindwe kuambia mutu fulani juu ya tatizo yako. Lakini kuielezea mutu mwingine kunaweza kukusaidia! Mukristo mwenye kuitwa David alifikia kutambua vile. Anasema hivi: “Nilizungumuza na baba yangu, sitasahau hata siku moya mambo yenye alisemaka. Aliniangalia kwa furaha na kuniambia hivi: ‘Unanifurahisha sana mutoto wangu.’ Alielewa kama nilijikaza sana juu nifikie kumuelezea ile shida. Maneno yake ilinitia moyo na ilinipatia hamu ya kuendelea kupiganisha ile tabia.

“Kisha baba yangu alinionyesha maandiko yenye ilinisaidia kuona kama ‘siko mutu mubaya’ na kisha akanionyesha maandiko ingine yenye ilinisaidia kuona uzito wa ile tabia ya mubaya. Aliniambia ‘nijikaze kuepuka ile tabia’ kwa wakati fulani na kisha tutaizungumuzia tena. Tena, aliniambia nisijihukumu sana kama minairudilia tena lakini nijikaze tu sana juu nisiirudilie.” Ile mashauri yenye baba yake alimupatia ilimusaidia namna gani? David anasema hivi: “Nilipata matokeo ya muzuri sana juu nilikuwa na mutu mwenye anajua tatizo yangu na mwenye alikuwa tayari kunisaidia.”

[Maelezo ya chini]

ANDIKO

“Kimbia tamaa za ujana, lakini fuatilia haki, imani, upendo, amani, pamoja na wale wenye wanamuitia Bwana kwa moyo safi.”​—2 Timoteo 2:22.

PENDEKEZO

Usali mbele ile tamaa ikuwe nguvu. Umuombe Yehova akupatie “nguvu zenye kupita zile za kawaida” juu uweze kupiganisha ile jaribu.​—2 Wakorinto 4:7.

UNAJUA . . . ?

Mutu mwenye iko zaifu njo anashindwaka kuzuia tamaa yake ya ngono. Lakini mwanaume ao mwanamuke mwenye uwezo anajikazaka kujizuia hata wakati iko yeye peke.

MAMBO YENYE NINAPANGA KUFANYA!

Juu niendelee kufikiria mambo yenye kuwa safi, nita ․․․․․

Kuliko kuwa mutumwa wa tamaa yangu, nita ․․․․․

Mambo yenye ninapenda kuuliza muzazi (wazazi) wangu juu ya hii habari ni ․․․․․

UNAWAZA NINI?

● Juu ya nini ni jambo ya maana kukumbuka kama Yehova iko “tayari kusamehe”?​—Zaburi 86:5.

● Mungu njo alituumba na tamaa ya ngono, lakini anasema kama tunapaswa kuizuia. Ile inaonyesha kama iko hakika kama tunaweza kufanya nini?

[Wazo ya fungu]

“Tangu niachane na ile tabia, niko na zamiri ya muzuri, na ile njo jambo yenye siwezi kupenda kupoteza!”​—Sarah

[Picha]

Kama uko unakimbia kisha unaanguka, ile haimaanishe kama unapaswa kuanzia tena mwanzo. Vilevile kama unaanza tena kugusa-gusa viungo vya uzazi juu ya kutimiza tamaa yako ya ngono, ile haimaanishe kama maendeleo yote yenye ulishafanya ni ya bure