Ripoti ya Umoja wa Mataifa inasema hivi:

•   Kuanzia tarehe 7 mupaka tarehe 23 Mwezi wa 10, 2023, watu zaidi ya 6 400 wamekufa, na watu zaidi ya 15 200 wameumia mu vita kati ya Gaza na Israeli; wengi kati yao ni raia. Zaidi ya ile, maelfu ya watu wamelazimika kukimbia.

•   Kufikia tarehe 24 Mwezi wa 9, 2023, mu Ukraine raia 9 701 wamekufa na wengine 17 748 wameumia kwa sababu ya vita kati ya Urusi na Ukraine.

 Biblia inatolea tumaini gani wale wenye wanateseka kwa sababu ya vita?

 Biblia ilisema mbele ya wakati kama Mungu ‘atamaliza vita katika dunia yote.’ (Zaburi 46:9) Serikali yake ya mbinguni, ao Ufalme wake, itakamata nafasi ya serikali zote za wamadamu. (Danieli 2:44) Ufalme wa Mungu utaletea wanadamu kitulizo.

 Ona mambo yenye Yesu Kristo, Mufalme wa Ufalme wa Mungu, atafanya:

•   “Ataokoa maskini mwenye kulilia musaada, Pia mutu wa hali ya chini na mutu yeyote mwenye hana musaidizi. Atamusikilia huruma mutu wa hali ya chini na maskini, na ataokoa uzima wa maskini. Atawaokoa katika ukandamizaji na katika jeuri.”​—Zaburi 72:12-14.

 Kupitia Ufalme wake, Mungu atatosha kabisa mateso yote yenye vita na jeuri imeleta.

•   “Atapanguza kila chozi katika macho yao, na kifo hakitakuwa tena, wala maombolezo wala kilio wala maumivu havitakuwa tena. Mambo ya zamani yamepita kabisa.”​—Ufunuo 21:4.

 Hivi karibuni Ufalme wa Mungu utatengeneza mambo ku dunia. Biblia ilitabiri kuhusu “vita na habari za vita” zenye tuko naona na kusikia leo. (Matayo 24:6) Hii matukio na matukio ingine iko inaonyesha kama tuko tunaishi “siku za mwisho” za utawala wa wanadamu.​—2 Timoteo 3:1.