Kusaidia Wenye Uhitaji

‘Mwenye jicho la ukarimu atabarikiwa, kwa maana amemupa mutu wa hali ya chini chakula chake.’​—METHALI 22:9.

Sababu inayowafanya watu wengine wafanye sikukuu ya Noeli.

Kwa sababu Yesu aliwasaidia masikini, wagonjwa, na watu wenye kuteseka, watu fulani wanataka kufuata mufano wake. Wanaona wakati wa Noeli kuwa kipindi kizuri zaidi cha kufanya hivyo, kwa sababu wakati huo mashirika ya kutoa misaada yanafanya bidii sana ili kukusanya michango.

Je, hiyo ni sababu yenye kufaa?

Wakati wa sikukuu, watu wengi wanashugulika sana na kununua, kujifurahisha, na kuwatembelea marafiki na watu wa jamaa. Shuguli hizo zote zinamaliza wakati, nguvu, na feza ambazo wangetumia kusaidia masikini na wale walio katika uhitaji, na hivyo wanakosa michango ya kupatia mashirika ya kutoa misaada.

Ni kanuni gani za Biblia zinazoweza kutusaidia?

‘Usiwanyime watu mema wanayostahili, mukono wako ukiwa na uwezo wa kuyafanya.’ (Methali 3:27) Masikini, watu wenye njaa, na wale wanaoteseka, wanahitaji musaada wakati wowote, si wakati wa Noeli tu. Ikiwa unaona kama mutu fulani ana lazima ya musaada na una uwezo wa kumusaidia, sababu gani ungojee wakati wa Noeli ili kumusaidia? Utabarikiwa kwa sababu ya matendo yako ya wema na ya huruma.

‘Kila siku ya kwanza ya juma acheni kila mumoja wenu kwenye nyumba yake mwenyewe aweke kando kitu fulani katika akiba kulingana na anavyofanikiwa.’ (1 Wakorintho 16:2) Mutume Paulo aliwapatia shauri hilo Wakristo wa kwanza waliotaka kuwasaidia masikini. Je, unaweza ‘kuweka kando,’ ao kuandika feza fulani ambazo unaweza kuwapatia kwa ukawaida watu wenye uhitaji ao shirika fulani la kutoa misaada linalotumia feza kwa hekima? Kwa kufanya hivyo, unaonyesha kama unawahangaikia watu wenye uhitaji kulingana na uwezo wako.

‘Musisahau kutenda mema na kushiriki vitu pamoja na wengine, kwa maana Mungu anapendezwa vema na zabihu za namna hiyo.’ (Waebrania 13:16) Ona kama zaidi ya “kushiriki vitu pamoja na wengine,” tunapaswa pia kukumbuka “kutenda mema,” ao kuwasaidia wengine. Kwa mufano, wazazi wenye hekima wanazoeza watoto wao kusaidia watu waliozeeka kufanya kazi fulani za kila siku; kuwatia wagonjwa moyo kwa kuwaandikia barua; kuwatembelea, ao kuwaita kupitia telefone; na kuwasaidia watoto wenzao walio masikini ao walemavu. Kwa kufanya hivyo, watoto wanajifunza kuwa wema na wakarimu wakati wowote wa mwaka, wala si wakati wa Noeli tu.

[Wazo la fungu kwenye ukurasa 6]

Wazazi wenye hekima wanazoeza watoto wao kusaidia watu waliozeeka, wagonjwa, na watoto wenzao ambao ni masikini. Kwa kufanya hivyo, watoto wanajifunza kuwa wema na wakarimu wakati wowote wa mwaka, wala si wakati wa Noeli tu