“Amani Kati ya Watu wa Nia Njema”

“Utukufu katika vilele vilivyo juu kwa Mungu, na juu ya dunia amani kati ya watu wa nia njema.”​—LUKA 2:14.

Sababu inayowafanya watu wengine wafanye sikukuu ya Noeli.

Kila mwaka, papa na viongozi wengine wa kidini wanahubiri ujumbe wa amani, wanatumaini kuwa wakati wa Noeli utatimiza tangazo hili lililotolewa na malaika: “Juu ya dunia amani kati ya watu wa nia njema.” Wengine wanafunga safari ndefu kuenda kutembelea nafasi za pekee za kidini na wanafanya sikukuu hiyo huko.

Je, hiyo ni sababu yenye kufaa?

Amani wakati wa Noeli ni ya muda tu. Kwa mufano, Mwezi wa 12, 1914, wakati Ulaya ilipokuwa katika Vita ya Pili ya Ulimwengu, askari wa Angleterre na wa Alemanye walitoka katika mashimo yao ili kufanya sikukuu ya Noeli pamoja. Walikula, walikunywa, na walivuta tumbaku pamoja. Na walicheza hata kabumbu pamoja. Lakini, amani hiyo haikudumu muda murefu. Katika barua ambayo aliandika akiwa kwenye uwanja wa mapigano, askari mumoja wa Angleterre alieleza kama askari mumoja wa Alemanye alimuambia hivi: “Leo tuna amani. Kesho utapigania inchi yako; na mimi nitapigania inchi yangu.”

Ni kanuni gani za Biblia zinazoweza kutusaidia?

‘Kuna mutoto ambaye amezaliwa kwetu. Naye ataitwa jina Mukubwa wa Amani. Hakutakuwa na mwisho kwa habari ya wingi wa huo utawala wa kifalme.’ (Isaya 9:6, 7) Unabii huo juu ya Yesu unatia moyo sana, sivyo? Yesu hakuzaliwa duniani ili kuleta amani siku moja tu kila mwaka. Kwa sababu yeye ni Mutawala huko mbinguni, ataleta amani ya kweli itakayodumu milele.

‘Kupitia kwangu [Yesu] mupate kuwa na amani. Ulimwenguni muna ziki, lakini jipeni moyo! Mimi nimeushinda ulimwengu.’ (Yohana 16:33) Hata leo, Yesu anawasaidia wafuasi wake kuwa na amani kati yao. Kwa kweli, Wakristo wana ziki ao mateso. Lakini, kupitia Biblia, wanaelewa sababu gani kuna mateso na namna Yesu atakavyoleta amani ya kudumu. Kwa hiyo, wana amani ya akili.

Kwa sababu Mashahidi wa Yehova wanafuata mafundisho ya Yesu, wana amani kati yao, iwe wao ni wa inchi gani, rangi ya ngozi, kabila ao luga. Ujionee mwenyewe jambo hilo kwa kuhuzuria mikutano yao kwenye Jumba lao la Ufalme. Kama vile watu wengine, labda wewe pia utakubali kama amani hiyo ni nzuri zaidi kuliko amani yoyote ambayo sikukuu ya Noeli inaweza kuwaletea watu.

[Wazo la fungu kwenye ukurasa 8]

Mashahidi wa Yehova wana umoja kwa sababu ya amani waliyo nayo kati yao, iwe wao ni wa rangi gani ao luga gani. Ujionee mwenyewe jambo hilo kwa kuhuzuria mikutano yao kwenye Jumba lao la Ufalme