Neno la Mungu Linafundisha Nini?

Je, Unaweza Kuishi Milele?

Habari hii inazungumuzia maulizo fulani ambayo labda umekwisha kujiuliza na inaonyesha mahali ambapo unaweza kupata majibu katika Biblia. Mashahidi wa Yehova watafurahi kukusaidia upate majibu ya maulizo hayo.

1. Sababu gani maisha yetu ni mafupi?

Kobe fulani zinaishi miaka 150, na miti fulani miaka 3 000. Maisha ya mutu ni mafupi tukiyalinganisha na maisha ya wanyama na ya miti fulani. Hata hivyo, maisha yetu ni ya maana zaidi kuliko ya wanyama ao ya miti kwa sababu Yehova Mungu alituumba tukiwa na uwezo wa kufurahia muziki, kucheza, kula, kujifunza, kusafiri na kufanya urafiki. Mungu alitia katika mioyo yetu tamaa ya kuishi milele.​—Soma Mhubiri 3:11.

2. Je, kweli tunaweza kuishi milele?

Yehova anaishi milele. Kwa sababu hawezi kufa na yeye ndiye aliyeanzisha uzima, anaweza kuwapatia watu wengine uzima wa milele. (Zaburi 36:9; Habakuki 1:12) Zaidi ya hayo, ameahidi kama watu watiifu wataishi milele na hawatazeeka tena.​—Soma Ayubu 33:24, 25; Isaya 25:8; 33:24.

Miujiza ya Yesu ilionyesha kama tunaweza kuamini ahadi ya Mungu ya kuishi milele tukiwa na afya kamilifu. Yesu aliponyesha magonjwa mbalimbali na hata alifufua wafu.​—Soma Luka 7:11-15, 18, 19, 22.

  3. Watu wataanza kuishi milele wakati gani?

Mungu anataka tuishi milele katika dunia itakayokuwa paradiso, si katika dunia iliyo na watu wenye kuonea wengine na kuwatendea vibaya. Mungu anataka tuishi katika usalama. (Zaburi 37:9, 29; Isaya 65:21, 22) Dunia itakapoendelea kuwa paradiso, mamilioni ya watu waliokufa watafufuka. Watu watakaofufuliwa ambao watachagua kumutii Mungu wataishi milele.​—Soma Luka 23:42, 43; Yohana 5:28, 29.

4. Namna gani tunaweza kupata uzima wa milele?

Ni Mungu tu ndiye anayeweza kutupatia uzima wa milele. Kwa hiyo, ni vizuri tuendelee kumukaribia kwa kujifunza kumujua zaidi. Biblia inaonyesha kama kumujua Mungu ni kama kula chakula. (Mathayo 4:4) Tunafurahia kula chakula, lakini inaomba kujikaza ili kukipata na kukitayarisha. Vilevile, inaomba kujikaza ili kula chakula cha kiroho. Lakini, kumukaribia Mungu na kupata uzima wa milele ndilo jambo la maana zaidi.​—Soma Luka 13:23, 24; Yohana 6:27; 17:3.

Ili kupata habari zingine, usome sura ya 3 ya kitabu hiki, Biblia Inafundisha Nini Hasa?, kilichochapishwa na Mashahidi wa Yehova.

[Picha katika ukurasa wa 17]

Inaomba kujikaza ili kumujua Mungu