NDUGU Ernst mwenye miaka zaidi ya 70, anasema hivi kwa huzuni: “Afya yangu inaendelea kuwa mubaya”. * Umekwisha pia kujisikia hivyo? Ikiwa unaendelea kuzeeka na kujisikia kuwa hauna afya nzuri na nguvu, maneno ya Mhubiri sura 12 inaweza pia kukuhusu. Katika mustari wa 1, siku za uzee zinaitwa ‘siku zenye musiba’ ao siku za huzuni. Hata hivyo, haukupangiwa kuwa na maisha yenye musiba. Unaweza kuendelea kuwa na maisha yenye maana kwa kumutumikia Yehova kwa furaha.

Ndugu na dada wapendwa wenye kuzeeka, hamuko wa kwanza kupambana na magumu. Watumishi wa zamani wa Yehova wenye kuzeeka walipambana pia na magumu kama yenu. Kwa mufano, Isaka, Yakobo, na Ahiya walipoteza uwezo wao wa kuona. (Mwa. 27:1; 48:10; 1 Fal. 14:4) Sara alijisikia kuwa ‘amezeeka.’ (Mwa. 18:11, 12) Mufalme Daudi alikuwa ‘hapate joto’ tena. (1 Fal. 1:1) Barzilai alikuwa tajiri, lakini hakufurahia tena utamu wa chakula ao sauti ya muziki. (2 Sam. 19:32-35) Abrahamu alivumilia maumivu ya kumupoteza bibi yake; na Naomi alivumilia maumivu ya kumupoteza bwana yake.—Mwa. 23:1, 2; Rut. 1:3, 12.

Ni nini ilisaidia watu hao waendelee kuwa waaminifu kwa Yehova na kuendelea kuwa na furaha? Kwa sababu aliamini ahadi za Mungu, Abrahamu ‘alikuwa mwenye nguvu kwa imani yake’ wakati wa uzee wake. (Rom. 4:19, 20) Sisi pia tuko na lazima ya imani yenye nguvu. Imani hiyo haitegemee miaka, uwezo wetu mbalimbali, ao hali ya mutu. Kwa mufano, hata kama alikuwa muzaifu, haone tena, na mwenye kulala kwenye kitanda, Yakobo alionyesha imani yenye nguvu katika ahadi za Mungu. (Mwa. 48:1-4, 10; Ebr. 11:21) Leo, dada Ines iko na miaka 93, na anateseka kwa sababu misuli (minofu) yake ni zaifu. Lakini anaendelea kusema hivi: “Kila siku ninajionea baraka za Yehova. Ninafikiria Paradiso kila siku. Hilo linanipatia tumaini.” Kwa kweli, hiyo ni maoni yenye kufaa!

Imani yetu inatiwa nguvu wakati tunasali, tunajifunza Neno la Mungu, na kuhuzuria mikutano. Nabii Danieli alikuwa mwenye kuzeeka, lakini alisali kwa ukawaida mara tatu kila siku na aliendelea kujifunza Neno la Mungu. (Dan. 6:10; 9:2) Hata kama Ana alikuwa mujane mwenye kuzeeka, ‘alikuwa hakose kamwe [hata kidogo] kuwa katika hekalu.’ (Lu. 2:36, 37) Wakati unahuzuria mikutano kadiri inawezekana na kutoa maelezo kulingana na uwezo wako, hilo linakutia nguvu na wengine wote wenye kuhuzuria. Na kila mara Yehova anapendezwa na sala zako, hata kama hauwezi tena kufanya mengi katika kazi yake.—Met. 15:8.

Wengi kati yenu ndugu na dada waaminifu, wanaweza kutamani kuwa na uwezo wa kuona, kusoma, na kuwa na nguvu za kutosha ili kuhuzuria mikutano, lakini wanatambua kwamba ni vigumu, ao pengine haiwezekane kufanya hivyo. Kwa hiyo, utafanya nini sasa? Tumia vizuri njia yoyote yenye inaweza kupatikana. Wakristo wengi wenye hawana uwezo wa kuhuzuria mikutano wanaifuata kwa njia ya telefone. Dada Inge iko na miaka 79 na ana magumu ya kuona vizuri, lakini anatayarisha mikutano kwa kutumia habari yenye ndugu mumoja wa kutaniko lake alichapisha katika maandishi makubwa-makubwa.

Inawezekana uko na kitu fulani chenye wengine wako nacho lazima, ni kusema, wakati. Kwa mufano, unaweza kutumia wakati huo ili kusikiliza usomaji wa Biblia wenye kurekodiwa, vichapo, hotuba, na michezo yenye kutegemea Biblia. Pia, unaweza kukamata hatua ya kumuita Mukristo fulani kwenye telefone ili kushiriki zawadi ya kiroho na kufurahia “ubadilishanaji wa kitia-moyo.”—Rom. 1:11, 12.

Dada Christa mwenye miaka 85 hivi, anasema: “Inahuzunisha sana kuona mutu hafanye tena mengi kama zamani.” Kwa hiyo, ni nini inaweza kusaidia Wakristo wenye kuzeeka waendelee kuwa na furaha? Ndugu Peter mwenye miaka 75 anasema hivi: “Kwa kuendelea kuwa na mawazo yenye kufaa. Usiendelee kufikiria mambo yenye hauwezi tena kufanya, lakini ufurahie ile unaweza kufanya.”

Unaweza kufikiria njia fulani ya kuhubiri yenye ungali na uwezo wa kutumia? Dada Heidi hana tena uwezo wa kuhubiri nyumba kwa nyumba. Hata kama iko na miaka zaidi ya 80, alijifunza kutumia ordinatere ili kuandika barua. Wahubiri fulani wenye kuzeeka, wanaanzisha mazungumuzo ya Biblia wakati wanakaa kwenye bustani fulani ao nafasi kwenye watu wanangojea bisi. Ikiwa unaishi katika nyumba ya kuwatunzia wazee, je, unaweza kufanya mahali hapo kuwa “eneo” lako kwa kuhubiria waganga wenye kukutunza na watu wengine wenye unaishi nao?

Katika miaka ya mwisho-mwisho ya maisha yake, Mufalme Daudi alitegemeza ibada safi kwa moyo wote. Alitoa michango na kupanga namna ya kutegemeza ujenzi wa hekalu. (1 Nyak. 28:11–29:5) Wewe pia, unaweza kutegemeza kazi ya Ufalme yenye kufanyika katika dunia yote. Unaweza hata kutegemeza mapainia ao wahubiri wengine wenye bidii katika kutaniko lako kupitia maneno yenye kutia moyo, zawadi kidogo, ao kwa kuwatolea kinywaji fulani. Katika sala zako, unaweza kutaja vijana, familia, watumishi wa wakati wote, wagonjwa, na wale wote wenye kuwa na madaraka mazito.

Yehova anakupenda sana na anaona utumishi wako kuwa wa lazima. Ndugu na dada wapendwa wenye kuzeeka, Baba yetu wa mbinguni hawezi kuwasahau hata kidogo. (Zab. 71:9) Yehova anawapenda na kuwaona kuwa wa maana. Hivi karibuni, miaka yetu itaendelea kuongezeka, lakini haitakuwa yenye musiba ao huzuni. Sisi wote tutakuwa na nguvu nyingi na afya kamilifu, na tutaendelea kumutumikia Yehova, Mungu wetu mwenye upendo milele na milele!