1, 2. Yehova anajilinganisha na muchungaji. Sababu gani ulinganifu huo unafaa kabisa?

 YEHOVA anajilinganisha na muchungaji. (Eze. 34:11-14) Ulinganifu huo unafaa kabisa kwa sababu unatusaidia tuelewe namna Yehova alivyo. Muchungaji mwenye upendo anachukua kwa uzito daraka la kutunza kondoo zake. Anazipeleka mahali penye majani na maji (Zab. 23:1, 2); anazichunga muchana na usiku (Lu. 2:8); anazilinda ili zisishambuliwe na wanyama wakali (1 Sam. 17:34,  35); anabeba wana-kondoo ambao wametoka tu kuzaliwa. (Isa. 40:11); anatafuta kondoo zilizopotea, na anatunza kondoo zilizoumia.​—Eze. 34:16.

² Watumishi wengi wa Yehova wa zamani walikuwa walimaji na wachungaji, kwa hiyo walielewa vizuri kwamba Yehova anastahili kabisa kulinganishwa na muchungaji mwenye upendo. Walijua kwamba kondoo zinapaswa kutunzwa vizuri ili ziwe na afya nzuri. Ni hivyo pia katika maana ya kiroho. (Mk. 6:34) Ikiwa watu hawaongozwe na kutunzwa vizuri kiroho, hali yao inakuwa mubaya. Wanakuwa katika hatari na wanashindwa kutofautisha mema na mabaya, wanatawanyika kama vile ‘kondoo wasio na muchungaji.’ (1 Fal. 22:17) Lakini, Yehova anatoa musaada wenye upendo ili kuhangaikia mahitaji ya watu wake.

3. Tutazungumuzia nini katika habari hii?

³ Yehova anastahili kulinganishwa na muchungaji hata katika siku zetu. Yehova anaendelea kutunza watu wake wanaofananishwa na kondoo. Tuone namna anavyotuongoza na kutosheleza mahitaji yetu leo. Tutazungumuzia pia namna tunapaswa kukubali uongozi wa Yehova wenye upendo.

4. Ni nini inayoonyesha kwamba Yesu anahangaikia kondoo za Yehova?

⁴ Yehova amemuweka Yesu kuwa Kichwa cha kutaniko la Kikristo. (Efe. 1:22, 23) Yesu, ‘muchungaji mwema,’ anatenda kama Baba yake, anapenda kondoo na anazihangaikia. “Alitoa [hata] nafsi yake kwa ajili ya kondoo.” (Yoh. 10:11, 15) Zabihu ya ukombozi ya Kristo imeletea wanadamu baraka nyingi kabisa! (Mt. 20:28) Kusudi la Yehova ni kwamba ‘kila mutu anayemuamini [Yesu] asiangamizwe bali awe na uzima wa milele.’​—Yoh. 3:16.

5, 6. (a) Ni nani ambao Yesu ameweka ili kutunza kondoo wake, na kondoo wanaombwa kufanya nini ili kufaidika na mupango huo? (b) Ni sababu gani kubwa inayotuchochea tutii wazee?

⁵ Kondoo wanafanya nini ili kuonyesha kwamba wanakubali uongozi wa Muchungaji Mwema, Yesu Kristo? Yesu alisema: ‘Kondoo wangu wanasikiliza sauti yangu, nami ninawajua, nao wananifuata.’ (Yoh. 10:27) Kusikiliza sauti ya Muchungaji Mwema kunamaanisha kufuata uongozi wake katika kila jambo. Hilo linatia ndani kutii wachungaji ambao ameweka. Yesu alionyesha kwamba mitume na wanafunzi wake walipaswa kuendelea kufanya kazi aliyokuwa ameanzisha. Walipaswa ‘kufundisha’ na ‘kulisha kondoo wadogo wa Yesu.’ (Mt. 28:20; soma Yohana 21:15-17.) Kadiri habari njema ilivyoendelea kusambazwa na hesabu ya wanafunzi kuongezeka, Yesu alifanya mipango ili Wakristo wenye kukomaa kiroho wachunge makutaniko.​—Efe. 4:11, 12.

⁶ Mutume Paulo alipozungumuza na waangalizi wa kutaniko la Efeso, alionyesha kwamba roho takatifu iliwaweka kuwa waangalizi “ili kuchunga kutaniko la Mungu.” (Mdo. 20:28) Ni hivyo pia kuhusu waangalizi Wakristo leo, kwa kuwa wao pia wametimiza masharti yaliyo katika Maandiko yaliyoongozwa na roho takatifu. Kwa hiyo, kutii waangalizi Wakristo kunaonyesha kwamba tunaheshimu Wachungaji walio wakubwa zaidi, ni kusema, Yehova na Yesu. (Lu. 10:16) Bila shaka hiyo ndiyo sababu kubwa sana inayotuchochea tutii wazee. Lakini kuna sababu zingine zinazoonyesha kwamba ni jambo la hekima kufuata uongozi wa wazee.

7. Namna gani wazee wanatusaidia tuendelee kuwa na uhusiano muzuri na Yehova?

⁷ Wazee wanatolea waamini wenzao mashauri na vitia-moyo vinavyotegemea Maandiko ao kanuni za Maandiko. Kusudi lao si kuwalazimisha ndugu na dada waishi hivi ao hivi. (2 Kor. 1:24) Tofauti na hilo, nia yao ni kutolea Wakristo wenzao muongozo wa Maandiko ili kuwasaidia wachukue maamuzi mazuri na kuendeleza utaratibu na amani katika kutaniko. (1 Kor. 14:33, 40) Wazee ‘wanalinda nafsi’ katika maana ya kwamba nia yao ni kusaidia kila mushiriki wa kutaniko awe na uhusiano muzuri na Yehova. Ndio sababu wako tayari kusaidia ikiwa wanatambua kwamba ndugu ao dada anataka kuangukia katika ‘kosa’ ao tayari amekosea. (Gal. 6:1, 2; Yuda 22) Je, hizo si sababu nzuri za ‘kujitiisha kwa wale wanaotuongoza’?​—Soma Waebrania 13:17.

8. Namna gani wazee wanalinda kundi la Mungu?

⁸ Mutume Paulo, aliyekuwa pia muchungaji, aliandikia ndugu zake katika Kolosai hivi: ‘Mujihazari: labda kuna mutu ambaye atawachukua ninyi kama windo lake kupitia falsafa na udanganyifu mutupu kulingana na pokeo la wanadamu, kulingana na mambo ya musingi ya ulimwengu na si kulingana na Kristo.’ (Kol. 2:8) Onyo hili linaonyesha sababu ingine nzuri inayotuchochea tutii mashauri ya Maandiko ambayo wazee  wanatutolea. Wanalinda kundi kwa kuomba ndugu na dada wafanye angalisho na wale wanaotaka kufanya imani yao iwe zaifu. Mutume Petro alionya ndugu na dada wafanye angalisho na “manabii wa uongo” na “walimu wa uongo” wanaojaribu ‘kushawishi nafsi zisizo imara’ ili ziangukie katika makosa. (2 Pet. 2:1, 14) Leo, wazee wanapaswa kutoa maonyo kama hayo inapohitajiwa. Kwa kuwa wao ni Wakristo wenye kukomaa, wamejionea mambo mengi katika maisha. Tena, mbele wawe wazee, walionyesha kwamba walikuwa wameelewa vizuri Maandiko na kwamba walistahili kuwafundisha wengine kweli. (1 Tim. 3:2; Tito 1:9) Ukomavu wao wa kiroho, usawaziko wao, na hekima yao inayotegemea Maandiko vinawasaidia kutolea kondoo uongozi unaofaa.

9. Namna gani Yesu anaongoza na kulisha kutaniko la Kikristo leo?

⁹ Kupitia tengenezo lake, Yehova anatoa chakula kingi cha kiroho kwa ndugu na dada duniani pote. Tunapata mashauri mengi katika vichapo vyetu. Zaidi ya hilo, wakati mwengine, tengenezo la Yehova linatolea moja kwa moja wazee wa kutaniko maagizo kupitia barua mbalimbali ao waangalizi wenye kusafiri. Katika njia hizo, kondoo wanapokea muongozo ulio wazi.

10. Wazee wana daraka gani kuhusiana na wale ambao wameacha kutaniko?

¹⁰ Katika maana ya kiroho, wazee wana daraka la kulinda, kulisha, na kuhangaikia afya ya washiriki wa  kutaniko, zaidi sana wale ambao wamejiumiza ao ambao ni wagonjwa kiroho. (Soma Yakobo 5:14, 15.) Labda wamoja kati yao wameacha kutaniko na wameacha kumutumikia Mungu. Katika hali hiyo, muzee mwenye kuhangaikia kondoo atafanya yote anayoweza kutafuta kila kondoo ambaye amepotea na kumutia moyo arudi katika kundi, ni kusema, kutaniko. Yesu alieleza hivi: ‘Baba yangu aliye mbinguni hatamani kwamba mumoja wa wadogo hawa aangamie.’​—Mt. 18:12-14.

11. Sababu gani ndugu na dada fulani wanaona kwamba ni vigumu kufuata uongozi wa wazee?

¹¹ Yehova na Yesu ni Wachungaji wakamilifu. Wazee ambao Yehova na Yesu wamepatia daraka la kuchunga kutaniko ni watu wasio wakamilifu. Hilo linaweza kufanya iwe vigumu kwa ndugu na dada fulani kufuata uongozi wa wazee. Wanaweza kuwaza hivi: ‘Wazee pia wanafanya makosa. Kwa nini tutii mashauri yao?’ Bila shaka, wazee ni watu wasio wakamilifu. Lakini, tunapaswa kuwa na maoni yanayofaa kuhusu makosa na uzaifu wao.

12, 13. (a) Ni makosa gani ambayo watumishi fulani wa Yehova waliokuwa na madaraka walifanya hapo zamani? (b) Sababu gani habari kuhusu makosa ya watu wenye madaraka ziliandikwa katika Biblia?

¹² Maandiko yanazungumuzia waziwazi makosa ya wale ambao Yehova alitumia ili kuongoza watu wake hapo zamani. Kwa mufano, Daudi alitiwa mafuta ili kuwa mufalme na kiongozi wa Israeli. Hata hivyo, alishindwa na jaribu na akaangukia katika uasherati na uuaji. (2 Sam. 12:7-9) Fikiria pia mutume Petro. Ijapokuwa alikuwa na madaraka mazito katika kutaniko la Kikristo wakati huo, alifanya makosa mengi. (Mt. 16:18, 19; Yoh. 13:38; 18:27; Gal. 2:11-14) Kuanzia Adamu na Eva, hakuna mwanadamu yeyote aliye mukamilifu isipokuwa tu Yesu.

¹³ Sababu gani Yehova aliandikisha katika Biblia habari kuhusu makosa ya wanaume aliotumia? Sababu moja ni kwamba Mungu alitaka kuonyesha kwamba anaweza kutumia watu wasio wakamilifu ili kuongoza watu wake. Kwa kweli, amefanya hivyo siku zote. Kwa hiyo, hatupaswe kuchukua makosa ya wale wanaotuongoza leo kuwa sababu ya kunungunika​-nungunika kuwahusu ao kuzarau mamlaka yao. Yehova anapenda tuwaheshimu ndugu hao na kuwatii.​—Soma Kutoka 16:2, 8.

14, 15. Namna Yehova alivyozungumuza na watu wake hapo zamani inatufundisha nini?

¹⁴ Ni jambo la maana sana kutii wale wanaotuongoza leo. Fikiria namna Yehova alivyozungumuza na watu walipokuwa katika kipindi kigumu hapo zamani. Wakati Waisraeli walitoka Misri, Mungu aliwatolea maagizo kupitia Musa na Haruni. Ili kuepuka pigo la kumi, Waisraeli walipaswa kutii maagizo ya kutayarisha chakula cha pekee na kunyunyiza sehemu ya damu ya kondoo aliyechinjwa kwenye miimo ao nguzo za milango na vizingiti vya nyumba zao. Je, walisikia sauti ya Mungu ikiwaambia wafanye hivyo? Hapana, walisikiliza wanaume wazee wa Israeli, ambao walipokea maagizo yaliyokuwa wazi kutoka kwa Musa. (Kut. 12:1-7, 21-23, 29) Katika hali hizo, Musa na wanaume hao wazee, walikuwa wasemaji wa Yehova. Leo, wazee wanatimiza daraka la maana kama hilo.

¹⁵ Pengine unakumbuka habari zingine nyingi za Biblia kuhusu namna Yehova alivyotolea wanadamu maagizo yenye kuokoa uzima kupitia wanadamu wengine ao malaika. Katika hali zote hizo, Mungu aliwapa wengine mamlaka.  Wajumbe walisema katika jina lake, na waliwaambia watu yale waliyopaswa kufanya ili kuokoka musiba fulani. Je, hatufikiri kwamba Yehova anaweza kutenda vivyo hivyo wakati wa Har-magedoni? Wazee wote wanaomwakilisha Yehova ao tengenezo lake leo wanapaswa kuwa waangalifu sana ili wasitumie vibaya mamlaka ambayo wamepewa.

16. Tunapaswa kusikiliza “neno” gani?

¹⁶ Watu wa Yehova wanafanyiza “kundi moja” linaloongozwa na ‘muchungaji mumoja,’ ni kusema, Yesu Kristo. (Yoh. 10:16) Yesu alionyesha kwamba angekuwa na wanafunzi wake ‘siku zote mupaka umalizio wa mufumo wa mambo.’ (Mt. 28:20) Yesu sasa ni Mufalme mbinguni, na anajua vizuri mambo yote yatakayotokea mbele ya kuharibiwa kwa ulimwengu huu wa Shetani. Ili tuendelee kuishi kwa umoja na usalama katika kundi la Mungu, tunahitaji kusikiliza ‘neno nyuma yetu,’ linalotuambia njia ambayo tunapaswa kufuata. “Neno” hilo linatia ndani maneno yaliyoongozwa na roho ya Mungu yaliyo katika Biblia na yale ambayo Yehova na Yesu wanasema kupitia wachungaji ambao wameweka.​—Soma Isaya 30:21; Ufunuo 3:22.

17, 18. (a) Kundi liko katika hatari gani, lakini tuko hakika na jambo gani? (b) Tutazungumuzia nini katika habari inayofuata?

¹⁷ Biblia inasema kwamba Shetani anatembea huku na huku, ‘kama simba anayenguruma, akitafuta kumumeza mutu.’ (1 Pet. 5:8) Kama munyama mukali na mwenye njaa, anavizia kundi, akitafuta nafasi ili kushambulia kondoo asiye mwangalifu ao ambaye ametoka katika kundi. Hiyo ndiyo sababu kubwa inayopaswa kutuchochea tubaki karibu sana na ndugu na dada zetu na karibu na ‘muchungaji na mwangalizi wa nafsi [zetu].’ (1 Pet. 2:25) Andiko la Ufunuo 7:17, linasema hivi kuhusu waokokaji wa ziki kubwa: “Mwana kondoo [Yesu] . . . atawachunga, na kuwaongoza kwenye chemchemi za maji ya uzima. Na Mungu atafuta kila chozi katika macho yao.” Hiyo ni ahadi nzuri kabisa!

¹⁸ Kisha kuzungumuzia daraka la maana la wazee wa kutaniko, ambao ni wachungaji, tunaweza kujiuliza hivi: Namna gani wazee wanaweza kujua kwamba wanatendea vizuri kondoo wa Yesu? Ulizo hilo litajibiwa katika habari inayofuata.