1. Sababu gani tunaweza kuanza kukosa uvumilivu?

 UFALME wa Masiya ulipoanza kutawala huko mbinguni katika 1914, ulimwengu wa Shetani uliingia katika siku zake za mwisho. Katika mwaka huo, vita ilitokea mbinguni na Yesu alitupa Shetani na mashetani wake kwenye ujirani wa dunia. (Soma Ufunuo 12:7-9.) Shetani anajua kwamba ana ‘kipindi kifupi tu cha wakati.’ (Ufu. 12:12) Hata hivyo, ‘kipindi hicho cha wakati’ kimefanya miaka mingi, na wengine wanaweza kufikiri kwamba siku za mwisho zimekawia sana. Tunapongojea siku ya Yehova, je, sisi wenyewe tumeanza kukosa uvumilivu?

2. Habari hii itajibu maulizo gani?

² Kukosa uvumilivu kunaweza kuwa hatari, kwa kuwa kunaweza kutufanya tutende bila kufikiri. Namna gani tunaweza kuendelea kuonyesha mutazamo wa kungojea? Habari hii itatusaidia tufanye hivyo kwa kujibu maulizo yanayofuata. (1) Uvumilivu wa nabii Mika unaweza kutufundisha nini? (2) Ni matukio gani yatakayoonyesha kwamba mwisho unakaribia? (3) Namna gani tunaweza kuonyesha kwamba tunasamini uvumilivu wa Yehova?

3. Katika siku za nabii Mika, hali ilikuwa namna gani katika Israeli?

³ Soma Mika 7:2-6. Mika, nabii wa Yehova, aliona namna hali ya kiroho ya Waisraeli ilivyoanza kuharibika mupaka ikawa mbaya sana wakati wa utawala wa Mufalme mubaya Ahazi. Nabii Mika alifananisha Waisraeli wa wakati huo ambao walikosa uaminifu na ‘muchongoma, [ao mumea wenye miiba]’ na “ukuta wenye miiba.” Kama vile muchongoma ao ukuta wenye miiba unavyomuumiza mutu anayepita karibu nao, Waisraeli hao waliokosa uaminifu waliwaumiza wengine, waliwatendea vibaya. Ubaya wao ulikuwa mwingi sana hivi kwamba hata watu wa familia moja  walichukiana. Nabii Mika alijua kwamba hawezi kubadili hali hiyo, kwa hiyo alimuelezea Yehova mambo yote yaliyokuwa katika moyo wake. Kisha alingojea kwa uvumilivu Mungu ashugulikie mambo. Nabii Mika alikuwa hakika kwamba Yehova angetengeneza mambo kwa wakati unaofaa.

4. Ni matatizo gani tunayopambana nayo?

⁴ Kama nabii Mika, sisi pia tunaishi kati ya watu wanaojipenda wenyewe. Wengi ni “wasio na shukrani, wasio washikamanifu, wasio na upendo wa asili.” (2 Tim. 3:2, 3) Tunahuzunika sana tunapoona wafanyakazi wenzetu, wanafunzi wenzetu, na majirani wetu wakionyesha tabia ya kujipenda wenyewe. Zaidi ya hilo, watumishi fulani wa Mungu wanapambana na matatizo makubwa zaidi. Yesu alisema kwamba wafuasi wake wangepambana na upinzani wa familia, na alitumia maneno kama yale yanayopatikana katika Mika 7:6 ili kufasiria matokeo ambayo ujumbe wake ungekuwa nao juu ya watu. Yesu alisema hivi: ‘Nilikuja kuleta mugawanyiko, mutu kumupinga baba yake, binti kumupinga mama yake, muke aliye muchanga kumupinga mama-mukwe wake. Kwa kweli, adui za mutu watakuwa watu wa nyumbani kwake mwenyewe.’ (Mt. 10:35, 36) Ni jambo ngumu sana kuvumilia kuchekwa na kupingwa na watu wa familia yetu ambao si Mashahidi! Ikiwa tunapambana na jaribu hilo, tusiache watuvunje moyo. Tofauti na hilo, acheni tuendelee kuwa waaminifu na kungojea kwa uvumilivu Yehova atengeneze mambo. Ikiwa tunaendelea kumuomba musaada, atatupatia nguvu na hekima tunayohitaji ili kuvumilia.

5, 6. Namna gani Yehova alimubariki nabii Mika, lakini nabii Mika hakuona nini?

⁵ Yehova alimubariki nabii Mika kwa sababu ya uvumilivu wake. Nabii Mika alijionea mwisho wa Mufalme Ahazi na utawala wake mubaya. Aliona namna Mufalme muzuri Hezekia, mwana wa Ahazi, alivyoriti kiti cha ufalme na kurudisha ibada safi. Na ujumbe wa hukumu ambao Yehova alimutolea nabii Mika kuhusu Samaria ulitimia wakati Waashuru walishambulia ufalme wa kaskazini wa Israeli.—Mik. 1:6.

⁶ Lakini, nabii Mika hakuona utimizo wa mambo yote ambayo Yehova alimuambia atabiri. Kwa Mufano, Mika anaandika hivi: “Katika siku za mwisho . . . mulima wa nyumba ya Yehova utawekwa imara juu ya kilele cha milima, nao utainuliwa juu ya vilima; na vikundi vya watu vitamiminika huko. Na mataifa mengi hakika yatakwenda na kusema: ‘Njooni, twendeni juu kwenye mulima wa Yehova.’” (Mik. 4:1, 2) Nabii Mika alikufa muda murefu mbele ya unabii huo kutimia. Lakini, hata ikiwa wengine walijiendesha namna gani, nabii Mika aliazimia kubaki mwaminifu kwa Yehova mupaka kifo. Kuhusiana na hilo yeye aliandika hivi: ‘Vikundi vyote vya watu vitatembea kila kimoja katika jina la mungu wake; bali sisi tutatembea katika jina la Yehova Mungu wetu mupaka wakati usio na kipimo, naam, milele.’ (Mik. 4:5) Nabii Mika alingojea kwa uvumilivu katika kipindi hicho kigumu kwa sababu alikuwa hakika kabisa kwamba Yehova angetimiza ahadi Zake zote. Bila shaka, nabii huyo mwaminifu alimutumainia Yehova.

7, 8. (a) Sababu gani tunapaswa kumutumainia Yehova? (b) Tunapaswa kufanya nini ili wakati upite haraka sana?

⁷ Je, sisi pia tunamutumainia Yehova hivyo? Tuna sababu nzuri ya kumutumainia Yehova. Tumejionea moja kwa moja utimizo wa unabii wa Mika. Katika “siku za mwisho,” mamilioni kutoka watu wa kila taifa, kabila na luga wamemiminika kwenye ‘mulima wa nyumba ya Yehova.’ Ijapokuwa wanatoka katika mataifa yasiyosikilizana, waabudu hao wa Yehova ‘wamefanya panga zao kuwa majembe,’ na wanakataa ‘kujifunza tena vita.’ (Mik. 4:3) Tuna pendeleo kabisa kuhesabiwa kati ya watu hao wa Yehova wenye kupenda amani!

 ⁸ Bila shaka, tunataka Yehova amalize hivi karibuni ulimwengu huu mubaya. Lakini, ikiwa tunapenda kungojea kwa uvumilivu, ni lazima tuwe na maoni ya Yehova kuhusu jambo hilo. Ameweka wakati ambapo atahukumu wanadamu kupitia ‘mwanaume ambaye amemweka rasmi,’ ni kusema, Yesu Kristo. (Mdo. 17:31) Lakini mbele ya hapo, Mungu anatolea kila mutu nafasi ya ‘kupata ujuzi sahihi wa kweli,’ kutenda kulingana na ujuzi huo, ili kuokolewa. Maisha ya watu iko katika hatari. (Soma 1 Timotheo 2:3, 4.) Wakati unaobaki mbele Yehova aharibu ulimwengu huu utapita haraka sana, ikiwa tunafanya mengi ili kuwasaidia wengine wapate ujuzi sahihi kumuhusu Mungu. Karibuni mwisho utafika, kwa wakati ambao hatutazamie. Mwisho huo utakapofika, tutafurahi sana kwa kuwa tulifanya mengi katika kazi ya kuhubiri!

9-11. Je, andiko la 1 Wathesalonike 5:3 limekwisha kutimia? Eleza.

⁹ Soma 1 Wathesalonike 5:1-3. Hivi karibuni, mataifa yatatangaza “Amani na usalama!” Ili tusidanganywe na tangazo hilo, lazima “tukae macho na kutunza akili zetu.” (1 Thes. 5:6) Ili tukae macho kiroho, acheni tuchunguze kwa kifupi matukio ambayo yametayarisha njia kwa ajili ya tangazo hilo la maana.

¹⁰ Mwishoni mwa vita ya kwanza na ya pili ya ulimwengu, mataifa yalitamani sana amani. Kisha vita ya kwanza ya ulimwengu, Ushirika wa Mataifa uliundwa ili kuleta amani. Baadaye, kisha vita ya pili ya ulimwengu, watu wengi walifikiri kwamba Umoja wa Mataifa ungeleta amani duniani. Viongozi wa serikali na wa dini walitumainia mashirika hayo ili kuletea wanadamu amani. Kwa mufano, katika 1986, Umoja wa Mataifa ulitangaza mwaka huo kuwa Mwaka wa amani wa Kimataifa. Katika mwaka huo, viongozi wa serikali na wa dini kutoka mataifa mengi waliungana na Papa wa Roma huko Assisi, Italia, ili kusali kwa ajili ya amani.

¹¹ Hata hivyo, tangazo hilo la amani na usalama na matangazo mengine kama hayo, hayajatimiza unabii ulio katika 1 Wathesalonike 5:3. Sababu gani? Kwa sababu ‘uharibifu wa gafula’ haujatokea.

12. Tunajua nini kuhusu tangazo la “Amani na usalama”?

 ¹² Ni nani watakaofanya tangazo hili la wakati ujao la “Amani na usalama”? Viongozi wa dini zinazojiita za Kikristo na dini nyingine watahusika namna gani? Viongozi wa serikali mbalimbali watahusika namna gani katika tangazo hilo? Maandiko hayaseme lolote. Jambo tunalojua ni kwamba hata tangazo hilo litolewe namna gani, hata liwe lenye kusadikisha namna gani, hakutakuwa “amani na usalama” wa kweli. Shetani ataendelea kuongoza ulimwengu huu. Ulimwengu huu umeoza kabisa na hautabadilika. Litakuwa jambo lenye kuhuzunisha kabisa ikiwa mumoja wetu ataamini uongo huo wa Shetani na kuunga mukono upande fulani wa kisiasa!

13. Sababu gani malaika wanazuia pepo za uharibifu?

¹³ Soma Ufunuo 7:1-4. Tunapongojea utimizo wa 1 Wathesalonike 5:3, malaika wenye nguvu wanazuia pepo za uharibifu za ziki kubwa. Wanangojea nini? Mutume Yohana anafasiria tukio moja wanalongojea, ni kusema, kutiwa muhuri mara ya mwisho kwa “watumwa wa Mungu wetu” ambao wametiwa mafuta. * Wakisha kutiwa muhuri kwa mara ya mwisho, malaika hao wataachilia pepo za uharibifu. Kisha kutatokea nini?

14. Ni nini inayoonyesha kwamba mwisho wa Babiloni Mukubwa uko karibu?

¹⁴ Babiloni Mukubwa, ni kusema, dini zote za uongo, atafikia mwisho wake ambao anastahili. ‘Watu na mataifa na luga’ hawataweza kumusaidia. Tayari tunaona alama zinazoonyesha kwamba mwisho wake uko karibu. (Ufu. 16:12; 17:15-18; 18:7, 8, 21) Leo, inaonekana wazi kwamba hana watu wa kumusaidia kwa sababu dini na viongozi wa dini wanashambuliwa sana katika vyombo vya habari. Hata hivyo, viongozi wa dini hizo za uongo wanafikiri kwamba hakuna shida yoyote. Wanajidanganya kabisa! Kisha tangazo la “Amani na usalama!,” serikali za ulimwengu huu wa Shetani zitageukia kwa gafula dini za uongo na kuziharibu kabisa. Babiloni Mukubwa atapotea milele! Bila shaka, ni lazima tujikaze kabisa kungojea kwa uvumilivu matukio hayo ya maana.​—Ufu. 18:8, 10.

15. Sababu gani Yehova amengojea kwa uvumilivu?

¹⁵ Ijapokuwa watu wanachafua jina lake, Yehova amengojea kwa uvumilivu wakati unaofaa ili kutenda. Yehova hapendi mutu yeyote aliye na moyo mutiifu afikie kuharibiwa. (2 Pet. 3:9, 10) Je, sisi pia tunajisikia hivyo? Mbele siku ya Yehova ifike, tunaweza kuonyesha kwamba tunasamini uvumilivu wake katika njia zinazofuata.

16, 17. (a) Sababu gani tunapaswa kuwa na nia ya kuwasaidia wale wasiotenda? (b) Sababu gani wale wasiotenda wanapaswa kufanya haraka ili kumurudilia Yehova?

¹⁶ Tuwasaidie wale wasiotenda. Yesu alisema kwamba kuna furaha mbinguni wakati kondoo moja tu aliyepotea anapatikana. (Mt. 18:14; Lu. 15:3-7) Bila shaka, Yehova anawahangaikia sana wale wote ambao wameonyesha upendo kwa ajili ya jina lake, hata ikiwa kwa sasa hawamutumikie kwa bidii. Tunapowasaidia warudi katika kutaniko, tunafurahisha Yehova na malaika.

¹⁷ Je, uko kati ya wale ambao kwa sasa hawamutumikie Mungu kwa bidii? Pengine mutu fulani katika kutaniko alikukwaza na hilo likafanya uache kushirikiana na tengenezo la Yehova. Kwa kuwa sasa wakati fulani umepita, jiulize: ‘Je, maisha yangu yamekuwa yenye maana zaidi sasa, na je, nimekuwa mwenye furaha kuliko zamani? Je, ni Yehova  aliyenikosea, ao ni mwanadamu asiyekamilika? Je, Yehova amefanya jambo fulani ambalo limenikwaza ao kuniumiza?’ Kwa kweli, Yehova anatufanyia mambo mema siku zote. Hata ikiwa hatuishi sasa kulingana na ahadi tuliyomutolea ya kumutumikia, anatupatia vitu vizuri ili tuvifurahie. (Yak. 1:16, 17) Karibuni, siku ya Yehova itakuja. Basi, huu ndio wakati wa kumurudilia Baba yetu wa mbinguni mwenye upendo na kurudi katika kutaniko, ambapo ni mahali pekee penye usalama na pa kukimbilia katika siku hizi za mwisho.​—Kum. 33:27; Ebr. 10:24, 25.

18. Sababu gani tunapaswa kuwategemeza wale wanaoongoza?

¹⁸ Tuwategemeze kwa ushikamanifu wale wanaoongoza. Yehova ni Muchungaji mwenye upendo, anatuongoza na kutulinda. Amemuweka Mwana wake awe Muchungaji Mukubwa wa kundi. (1 Pet. 5:4) Wazee katika makutaniko zaidi ya 100 000 wanahangaikia kila kondoo wa Mungu. (Mdo. 20:28) Tunapowategemeza kwa ushikamanifu wale waliowekwa ili kuongoza, tunaonyesha kwamba tunasamini yote ambayo Yehova na Yesu wametufanyia.

19. Namna gani tunaweza kujipanga pamoja katika vita yetu?

¹⁹ Tuwakaribie ndugu na dada zetu. Hilo linamaanisha nini? Wakati jeshi lililozoezwa vizuri linashambuliwa na maadui, askari wa jeshi hilo wanajipanga pamoja, ao wanakaribiana, ili wawe na nguvu zaidi ya kupigana na maadui. Shetani anaendelea kushambulia sana watu wa Mungu. Huu si wakati wa kupigana na ndugu na dada zetu. Lakini, huu ni wakati wa kukaribia sana ndugu zetu, wala si kuangalia tu uzaifu wao, na ni wakati pia wa kutegemea uongozi wa Yehova.

20. Tunapaswa kufanya nini sasa?

²⁰ Acheni sisi wote tukae macho kiroho na kuwa na mutazamo wa kungojea. Acheni tungojee kwa uvumilivu tangazo la “Amani na usalama!” na kutiwa muhuri mara ya mwisho kwa wale waliochaguliwa. Kisha mambo hayo, wale malaika wane wataachilia pepo za uharibifu, na Babiloni Mukubwa ataharibiwa. Tunapongojea matukio hayo ya maana sana, acheni tukubali uongozi unaotoka kwa wale wanaoongoza katika tengenezo la Yehova. Tuungane mukono ili kupigana na Shetani na mashetani wake! Sasa ni wakati wa kufuata shauri hili la mutunga zaburi: ‘Iweni hodari, nayo mioyo yenu na iwe na nguvu, ninyi nyote munaomungojea Yehova.’​—Zab. 31:24.