INAKUWAKA nguvu kwako kujifunza kwa ukawaida na kufurahia mambo yenye unajifunza? Ile inatufikiaka siye wote wakati fulani. Lakini fikiria mambo ingine yenye tunafanyaka kwa ukawaida, sawa vile kunawa. Inaomba kijikaza na inaomba wakati juu ya kunawa, lakini mutu anajisikiaka muzuri sana kisha kunawa! Kujifunza Biblia iko sawa vile ‘kujiosha kwa maji kupitia neno.’ (Efe. 5:26) Ona mapendekezo fulani yenye inaweza kukusaidia:

• Ukuwe na programe. Kujifunza Biblia kipekee ni kati ya mambo ya “maana zaidi” yenye Mukristo hapaswe kuzarau. (Flp. 1:10) Juu uheshimie programe yako, hauone kama ni muzuri uitie fasi kwenye inaweza kuonekana, ao unaweza kutia alarme ku telefone yako juu ikukumbushe wakati saa ya kujifunza inakaribia.

• Ujipatanishe na hali yako. Ni mwepesi kwako kujifunza kwa wakati murefu ao kugabula wakati na kujifunza kidogo-kidogo? Weye njo unajijua muzuri. Kwa hiyo patanisha programe yako ya kujifunza na hali yako. Kama hausikie bya kujifunza wakati saa ya kujifunza inaenea, kamata tu dakika kumi juu ya kujifunza. Hata kama unajifunza kwa wakati kidogo vile, unaweza kujifunza mambo mingi. Na kama tu unaanza kujifunza, inawezekana utapenda kuendelea.—Flp. 2:13.

• Chagula mbele ya wakati mambo ya kujifunza. Kama unaikala kisha unaanza kujiuliza utajifunza nini, pengine hauko ‘natumia muzuri zaidi wakati wako.’ (Efe. 5:16) Hauone kama kufanya liste ya habari zenye unapenda kujifunza kutakusaidia? Kama ulizo fulani inakukuya mu kichwa, uiandike. Na ku mwisho wa kila funzo unaweza kuongeza mawazo ingine ku ile liste ya mambo yenye ungependa kujifunza.

• Fanya mabadiliko kama ni lazima. Ukuwe tayari kubadilisha programe yako, pengine kuamua kuongeza ao punguza wakati wa kujifunza ao kubadilisha mambo ya kujifunza. Jambo ya maana haiko saa yenye unajifunzaka, muda wenye unatumia juu ya kujifunza, ao mambo yenye unajifunza, lakini ni kujifunza kwa ukawaida.

Kujifunza kwa ukawaida kunatuleteaka faida sana. Tunamukaribia Yehova, tunajifunza kutenda kwa hekima, na tunajisikia muzuri.—Yos. 1:8.