Farasi wanatokea haraka, na miguu yao inafanya makelele mengi! Picha ya farasi ine wenye nguvu na wale wenye kuwaongoza, inaonekana kuwa kweli katika akili, hivi kwamba inakuwa kama wanaruka kutoka katika kurasa za Biblia! Farasi wa kwanza ni wa rangi ya mweupe​—mwenye kuongoza farasi huyo ni mufalme mwenye utukufu ambaye ametoka tu kuvalishwa taji. Na nyuma yake kuna farasi wa rangi ya moto, na mwenye kuwa juu yake anaondoa amani katika dunia yote. Kisha kunakuja farasi wa tatu, mweusi kama giza, akiwa mwenye kubeba mupanda-farasi ambaye anakamata mizani (balance) wakati kunatangazwa ujumbe wa huzuni kuhusu ukosefu wa chakula cha musingi. Farasi wa ine ni wa rangi ya mubaya sana ya kijivu, na mwenye kuongoza farasi huyo ni Kifo chenyewe. Hiyo ni alama ya magonjwa na mapigo mengine yenye kuua. Na Kaburi, ni kusema, kaburi la ujumla la wanadamu wote, inafuata mupanda-farasi huyo kwa ukaribu, ikivuna uzima wa watu wengi sana!​—Ufunuo 6:1-8.

“Niliogopa sana wakati nilisoma kwa mara ya kwanza juu ya wale wapanda-farasi ine. Nilijisikia kama Siku ya Hukumu ilikuwa inakuja na kwa sababu sikuwa tayari, singeweza kuokoka.”​—Crystal.

“Nilivutiwa na wapanda-farasi mbalimbali wenye kuwa juu ya farasi wa rangi tofauti-tofauti. Kisha kupata maana ya maono hayo, nilielewa kabisa.”​—Ed.

Unajisikia kama Crystal wakati unasoma kuhusu wale wapanda-farasi ine wenye kuzungumuziwa katika Ufunuo? Ao unajisikia kama Ed? Ikuwe unajisikia kama Crystal ao Ed, habari kuhusu wapanda-farasi hao ni moja kati ya habari zenye kujulikana zaidi katika Ufunuo, kitabu cha mwisho cha Biblia. Ulijua kwamba kuelewa maono hayo kunaweza kukuletea faida? Namna gani? Mungu anaahidi kwamba unaweza kupata furaha ya kweli kwa kusoma na kujifunza mambo yenye kupatikana katika kitabu hicho cha unabii, na kwa kuishi kulingana nayo.​—Ufunuo 1:1-3.

Hata kama watu fulani wanaogopa maono kuhusu wapanda-farasi ine, ujue kwamba kusudi la maono hayo haiko kukuogopesha. Kusema kweli, mamilioni ya watu wameona kwamba maono hayo yametia imani yao nguvu na hata kuwapatia tumaini nzuri kwa ajili ya wakati wenye kuja. Wewe pia unaweza kujionea jambo hilo! Tafazali, soma habari yenye kufuata.