Umesoma kwa uangalifu habari za hivi karibuni katika Munara wa Mulinzi? Ikiwa ni hivyo, jaribu kujibu maulizo haya:

Ni zambi ya aina gani yenye Yesu alikuwa anazungumuzia katika shauri lake lenye kuwa katika Mathayo 18:15-17?

Alikuwa anazungumuzia matatizo yenye watu wenye kukosana wanaweza kumaliza wao wenyewe. Lakini inafikia kuwa zambi nzito na kufanya ndugu ao dada atengwe na kutaniko ikiwa tatizo hilo halimalizwe. Kwa mufano, zambi hiyo inaweza kuwa kusingizia mutu mwingine, ao kuiba mwingine kwa kutumia udanganyifu.—w16.05, uku. 7.

Unaweza kufanya nini ili kupata faida zaidi katika usomaji wako wa Biblia?

Unaweza kufanya mambo haya: Fungua akili yako wakati unasoma, tafuta mambo yenye unaweza kutumikisha; ujiulize maulizo kama vile ‘Namna gani ninaweza kutumia habari hii ili kusaidia wengine?’; na utumie vyombo vya kutafuta habari vyenye uko navyo ili kupata habari zaidi juu ya mambo yenye umesoma.—w16.05, uku. 24-26.

Ni mubaya Mukristo akuwe na huzuni hata kama anaamini ufufuo?

Kuwa na imani katika ufufuo hakumalize huzuni nyingi yenye Mukristo anaweza kuwa nayo wakati anafiwa na mupendwa wake. Abrahamu alikuwa na huzuni wakati Sara alikufa. (Mwa. 23:2) Kisha wakati fulani, huzuni itatupunguka.​—wp16.3, uku. 4.

Mwanaume mwenye kuwa na kidau (chupa) cha wino na wanaume sita wenye kuwa na silaha za kuponda wenye kuzungumuziwa katika sura ya 9 ya kitabu cha Ezekieli, wanafananisha nani?

Tunaelewa kuwa wanafananisha majeshi ya mbinguni yenye yalitumikishwa ili kuharibu Yerusalemu na yenye yatatumikishwa ili kuharibu ulimwengu muovu wa Shetani kwenye vita ya Har-Magedoni. Katika utimizo wa unabii huo katika siku zetu, mwanaume mwenye kuwa na kidau cha wino anafananisha Yesu Kristo, yeye ndiye anatia alama wale wenye wataokolewa.—w16.06, uku. 31-32.

Biblia iliokoka hatari za aina gani?

Iliokoka (1) hatari ya kuharibika kwa vyombo walitumikisha ili kuiandika, kama vile mafunjo (papyrus) na ngozi za nyama; (2) upinzani kutoka kwa viongozi wa politike na wa dini wenye walijikaza kuiharibu; na (3) watu fulani walijaribu kubadilisha ujumbe wake.—wp16.4, uku. 4-7.

Ni katika njia gani mbalimbali Mukristo anaweza kufanya maisha yake kuwa mepesi?

Fanya liste ya vitu vyenye uko navyo lazima kabisa, na epuka kuuza vitu vyenye hauna navyo lazima. Panga feza zenye utatumia juu ya vitu vyenye uko navyo lazima kabisa. Uzisha, patia wengine, ao tupa vitu vyenye hautumie tena, na ulipe madeni yote. Fikiria namna unaweza kuepuka kutumia wakati mwingi kwenye kazi yako ya kimwili, na panga namna unaweza kufanya mengi katika kazi ya kuhubiri.—w16.07, uku. 8.

Biblia inasema kuwa ni nini kitu cha maana zaidi kuliko zahabu ao feza?

Andiko la Ayubu 28:12, 15 linaonyesha kama hekima ni kitu cha maana sana kuliko zahabu na feza. Wakati unatafuta hekima, ujikaze kuwa na unyenyekevu na imani yenye nguvu.—w16.08-SW, uku. 18-19.

Leo, ni jambo lenye kufaa ndugu akomalishe ndevu?

Katika desturi fulani, ndevu zenye kutunzwa muzuri zinaweza kukubaliwa na haziwezi kuzuia watu kusikiliza ujumbe wa Ufalme. Lakini, ndugu fulani wanaweza kuamua wasikomalishe ndevu. (1 Kor. 8:9) Katika desturi zingine na maeneo mengine wanaume hawazoee kuacha ndevu na ndevu hazikubalike kwa Mashahidi wa Yehova.—w16.09, uku. 19.

Sababu gani tunaweza kutumainia habari za Biblia juu ya Daudi na Goliathi?

Urefu wenye Goliathi anaonyeshwa kuwa nao ni wa santimetre 15 tu zaidi ya urefu wa mutu murefu zaidi katika siku zetu. Daudi alikuwa mutu wa kweli, kama vile inaonyeshwa katika maandishi ya zamani yenye yanazungumuzia nyumba ya Daudi na mambo yenye Yesu alisema. Habari mbalimbali zenye kuzungumuzia maeneo zinapatana na mambo ya kweli yenye kujulikana.​—wp16.5, p. 13.

Kuko tofauti gani kati ya ujuzi, uelewaji, na hekima?

Mutu mwenye kuwa na ujuzi anakusanya habari, ao mambo ya hakika. Mutu mwenye kuwa na uelewaji anaweza kuona namna jambo fulani la hakika linapatana na lingine. Lakini, mutu mwenye kuwa na hekima ana uwezo wa kuchanga ujuzi na uelewaji na kuvitumikisha katika njia yenye kufaa.—w16.10, uku. 18.