KUWA kipofu ao kuwa na magumu makubwa ya kuona kunaweza kuletwa na mambo mengi, kama vile kuumia ao ugonjwa. Mambo hayo yanaweza kuwa na matokeo mabaya juu macho, juu ya mishipa ya macho yenye kupeleka habari kwenye ubongo, ao juu ya ubongo. Watu wenye kuwa na magumu makubwa ya kuona, ao wenye kuwa vipofu, wanakataa kuitika hali yao, wanakuwa na huzuni sana, na wanakuwa na woga. Lakini, watu wengi wenye kuwa katika hali hiyo wanajifunza kupambana muzuri na hali yao na wanaendelea kuwa na maisha ya furaha.

Kwa kawaida, macho ndiyo yanatusaidia sana kupata habari juu ya mambo yenye kutuzunguka. Kwa hiyo, wakati mutu anapoteza uwezo wake wa kuona, anafikia kutegemea sana uwezo mwengine mbalimbali, ni kusema, uwezo wa kusikia, kunusa, kugusa, na kuonja.

Kulingana na gazeti moja, uchunguzi juu ya namna ubongo unajipanga upya unaonyesha kama ubongo uko na uwezo wa “kubadilika kulingana na hali zenye kutokea.” (Scientific American) Habari hiyo inaongeza hivi: “Kuko mambo mengi yenye kuhakikisha kama wakati ubongo haupate habari kutoka kwenye kiungo chetu kimoja, uko na uwezo wa kujipanga upya ili kutegemeza na kuongeza uwezo wa viungo vingine.” Fikiria mambo yenye kufuata.

Uwezo wa kusikia: Sauti ao vishindo vya miguu vinaweza kuleta picha fulani katika akili. Mwanaume kipofu mwenye kuitwa Fernando anasema hivi: “Nilijifunza kukumbuka na kutambua watu kupitia sauti zao ao hata namna yao ya kutembea.” Juan, mwenye kuwa kipofu pia, anasema hivi: “Kwa mutu mwenye kuwa kipofu, sauti ya mutu mwengine ndiyo inamutambulisha yeye ni nani.” Na kama sisi wote, kipofu anasikiliza kwa uangalifu sauti, yenye inaweza kumusaidia ajue kama mutu anafurahi, anakasirika, na mambo mengine.

Kupitia masikio ya kipofu yenye kuzoezwa muzuri, sauti inamusaidia pia kutambua mambo yenye kumuzunguka, kama vile mahali motokari zinaelekea, ukubwa wa chumba ao mahali penye kuwa vizuizi fulani.

Uwezo wa kunusa: Uwezo wa kunusa unaweza pia kumusaidia kipofu apate habari nyingi, haiko tu juu ya mahali kwenye kuko harufu ya muzuri. Kwa mufano, wakati kipofu anatembea kwenye barabara fulani, uwezo huo unaweza kumusaidia ajifanyie karte ya eneo katika akili yake. Karte hiyo inaweza kuwa na mambo kama vile mahali penye kuuzishwa kahawa (café), restora, soko, na mahali pengine. Kwa kweli, sauti zenye anajua zinaongezeka kwenye karte hiyo na pia habari zingine zenye anapata kupitia uwezo wake wa kugusa.

Uwezo wa kugusa: Francisco anasema hivi: “Vidole vyangu ndiyo macho yangu.” Fimbo yenye kipofu anatumia inaweza pia kuwa “macho” yake. Manasés, mwenye alizaliwa kipofu na alijifunza kutumia fimbo wakati alikuwa mutoto, anasema hivi: “Ninajua mahali ninapatikana kupitia uwezo wangu mwengine mbalimbali, uwezo wa kukumbuka, na vitu vyenye kuwa kwenye njia; fimbo yangu inanisaidia kutambua vitu hivyo.”

Uwezo wa kugusa unawezesha pia vipofu wengi kusoma kupitia vichapo vyenye kuchapishwa katika Maandishi ya Vipofu. Leo, ni jambo la kawaida kwa kipofu kupata mambo mengi ya kumusaidia kufanya afya yake ya akili na ya kiroho ikuwe muzuri. Zaidi ya vichapo katika Maandishi ya Vipofu, mambo hayo ni kama vile rekodi za kusikiliza na teknolojia yenye kutumia ordinatere. Kwa musaada wa mambo hayo, vipofu wanaweza kusoma Biblia na vichapo vingi vya kusaidia watu kujifunza Biblia. *

 Paqui, mwenye tumekwisha kutaja, pamoja na bwana yake, wametiwa moyo sana na wamepata tumaini kupitia mambo hayo ya kiroho. Tena, wamepata musaada kupitia familia kubwa ya kiroho, ni kusema, kutaniko la Mashahidi wa Yehova la eneo lao. Paqui anasema hivi: “Sasa katika maisha tuko na mambo mengi ya kufanya na tunajitegemea kwa kiasi fulani.”

Kwa kweli, kuwa kipofu kunaleta magumu ya pekee. Lakini wakati watu wanapambana na matatizo hayo na kuendelea kuwa na furaha katika maisha, hilo linaonyesha kama mwanadamu ana uwezo wa kuvumilia na kubadilika kulingana na hali!