MAISHA yako yamebadilika kwa sababu ya ugonjwa usiopona, kuvunjika kwa ndoa, ao kwa sababu ya kufiwa na mutu mwenye ulikuwa unapenda? Wakati unakuwa katika hali zenye hauwezi kubadilisha, unaweza kujisikia hauna nguvu ya kufanya jambo lolote, lakini unapenda hali hizo zibadilike. Namna gani unaweza tena kupata nguvu ya kuvumilia?

Mutume Paulo alikuwa misionere mwenye bidii wa wakati wa mitume, na wakati huo alisafiri sana. Lakini safari zake ziliisha wakati alikamatwa bila sababu, na akafungwa kwa muda wa miaka mbili katika nyumba yenye kuchungwa na maaskari. Paulo hakupoteza tumaini, lakini aliendelea kukaza akili juu ya mambo yenye angeweza kufanya. Alitumia Maandiko ili kusaidia na kutia moyo watu wote wenye walikuwa wanakuja kumuangalia. Aliandika hata barua nyingi zenye kupatikana leo katika Biblia.—Matendo 28:30, 31.

Kama vile tuliona katika habari yenye ilitangulia, Anja hawezi kutoka nyumbani. Anasema hivi: “Ugonjwa wa kansere umebadilisha mambo yote katika maisha yangu. Ninapaswa kujikaza ili nisipate mikrobe; kwa hiyo siwezi kufanya kazi ya kimwili ao kuwa inje pamoja na watu.” Namna gani Anja anapambana na hali zake zenye haziwezi kubadilika? Anasema hivi: “Nilipanga programu mupya, na hilo lilinisaidia sana. Katika programu hiyo, nilitia mambo ya lazima pa nafasi ya kwanza, na nilipanga kufanya mambo yenye kulingana na uwezo wangu. Hilo limenisaidia kuwa na nguvu ya kuvumilia magumu yangu.”

Ikiwa hali zenye hauwezi kubadilisha zinakufanya ukose nguvu, upime kufanya mambo yenye kufuata:

• Ukaze akili juu ya mambo unaweza kufanya. Kwa mufano, pengine hauna nguvu ya kuzuia kila kitu juu ya afya yako; lakini, unaweza kufanya mazoezi ya mwili, kula chakula kizuri, na kutumia wakati mwingi kupumuzika.

• Ujiwekee mupango fulani wenye unapenda kutimiza katika maisha. Uone ni mambo gani unaweza kufanya ili kufikia mupango wako pole kwa pole. Kila siku, ujikaze kutumia wakati kidogo ili kufanya jambo fulani la kukusaidia kutimiza mupango wako.

• Ufanye kazi fulani, hata kama ni kazi ndogo, zenye zinakusaidia ujisikie kuwa uko na nguvu ya kutimiza jambo fulani. Usafishe meza na vyombo vyenye kutumiwa katika mafiga. Uvae muzuri. Ufanye kazi za maana sana wakati wa asubuhi.

• Ujikaze kuona ikiwa hali yako inakuletea faida fulani. Kwa mufano, hali yako inakuwezesha kujua muzuri namna ya kupambana na magumu? Unaweza pia kusaidia wengine wajue namna ya kupambana na magumu yao?

Jambo la Maana: Pengine hautaweza kubadilisha hali yako, lakini unaweza kuamua namna utatenda katika hali hiyo.