Bahari ya Chumvi inapunguka kwa kiasi cha metre moja kila mwaka. Watu fulani wanaogopa kuwa bahari hiyo itakauka kabisa kufikia mwaka wa 2050. Wakubwa wa serikali wako wanatafuta namna ya kumaliza tatizo hilo. Ufundi moja ambao wangali wanajifunza ni kuondoa chumvi ndani ya maji ya Bahari Nyekundu ili watu wayatumie na kuongoza maji ya chumvi yenye kubaki ndani ya Bahari ya Chumvi. Wachambuzi wanaogopa kuwa mupango huo utaharibisha mufumo wa ekolojia wa Bahari ya Chumvi.

Kulingana na uchunguzi uliofanywa na shirika moja la asiranse, kwenye Sikukuu ya Noeli, wagonjwa 10 juu ya 30 wanaosumbuliwa na ugonjwa wa moyo wanaongezeka katika hopitali kuliko wakati mwingine wowote wa mwaka. Shirika hilo linaonyesha kuwa kuongezeka kwa mahangaiko ya akili wakati wa kutafuta zawadi za Noeli na matumaini yenye kupita kiasi kuelekea watu wa jamaa na marafiki ndiyo sababu kubwa inayoleta hali hiyo.

Wanasayansi wa Uingereza wametangaza kuwa konokono wa Islande aliyewaziwa kuwa na miaka 405 alikuwa kabisa na miaka 507 alipokufa mbele ya wakati katika mwaka wa 2006. Hilo linamufanya kuwa munyama aliyeishi miaka mingi sana * duniani. Konokono huyo alikufa wakati wachunguzi walimugandisha ili kumupeleka katika chumba chao cha kufanyia uchunguzi.

Kwenye mukutano uliofanywa Havana, inchi ya Kuba, kwenye mwanzo wa mwaka huu, zile inchi 33 zinazounda Muungano wa Amerika ya Latini na Visiwa vya Karibea zimetangaza inchi zao kuwa ‘Eneo la Amani’ kwa kukubaliana kumaliza ugomvi kati yao wenyewe bila kupigana. Ban Ki-moon, Katibu Mukubwa wa Umoja wa Mataifa, alikuwa kati ya watu waliohuzuria mukutano huo.