UGONJWA wa sukari unaowapata watu wazima umeongezeka haraka sana hivi kwamba umeenea ulimwenguni pote. Kuna aina kubwa mbili ya ugonjwa wa sukari. Aina ya 1 inaanza zaidi sana wakati mutu angali mutoto, na kwa sasa madaktari hawajue namna ya kuizuia. Habari hii inazungumuzia aina ya 2, ambayo inahusu 90 juu ya 100 ya watu wote walio na ugonjwa wa sukari.

Hapo mbele, ilionekana kwamba ni watu wakubwa tu ndio walipata aina ya 2 ya ugonjwa wa sukari, lakini hivi karibuni watoto pia wameupata. Hata hivyo, wachunguzi wa mambo ya kiganga, wanadai kwamba uwezekano wa kupata aina ya 2 ya ugonjwa wa sukari unaweza kupunguzwa. Kujua mambo fulani kuhusu ugonjwa huo hatari kunaweza kusaidia. *

Ugonjwa wa sukari ni hali ambayo inafanya mutu awe na kiwango kikubwa sana cha sukari katika damu. Ugonjwa huo unaharibu njia ya kawaida ya mwili ya kutosha sukari katika damu na kuiingiza katika chembe ambazo zinahitaji sukari ili zipate nguvu. Matokeo ni kwamba inaharibu viungo vya maana na uwezo wa damu kuzunguka katika mwili, wakati fulani unaweza kufanya mutu akatwe vidole vya muguu ao muguu, kumufanya awe kipofu, na kumuletea ugonjwa wa figo. Hesabu kubwa ya watu walio na ugonjwa wa sukari wanakufa na mushituko wa moyo.

Kuwa na mafuta mingi katika mwili kunaweza kusababisha sana aina ya 2 ya ugonjwa wa sukari. Wachunguzi wa mambo ya kiganga wanaamini kwamba kuwa na mafuta mingi katika tumbo na katika kiuno kunaweza kuonyesha uwezekano mukubwa wa kupata ugonjwa ya sukari. Zaidi sana, mafuta katika kongosho na maini inaharibu uwezo wa mwili wa kuzuia sukari isiwe mingi katika damu. Unaweza kufanya nini ili upunguze uwezekano wa kupata ugonjwa huo?

1. Pima kiwango cha sukari kilicho katika mwili wako ikiwa uko katika uwezekano mukubwa wa kupata Ugonjwa wa Sukari. Kuna tatizo fulani la afya [linaloitwa prediabetes] linalotangulia mara nyingi aina ya 2 ya ugonjwa wa sukari; ni kusema, mutu anakuwa na sukari mingi kwa kidiri fulani katika damu kuliko ilivyo kawaida. Hatua zote mbili ni hatari, lakini kuna tofauti: Hata ikiwa ugonjwa wa sukari unaweza kutunzwa, hauwezi kupona. Kwa upande mwingine, wagonjwa fulani ambao walikuwa katika hatua ambayo inatangulia aina ya 2 ya ugonjwa wa sukari waliweza kurudisha kiwango cha sukari katika damu yao katika hali ya kawaida. Wakati fulani hatua ambayo inatangulia aina ya 2 ya ugonjwa wa sukari haionyeshe alama zake waziwazi. Kwa hiyo, inawezekana hali hiyo isitambuliwe. Ripoti zinaonyesha kwamba karibu watu milioni 316 katika dunia wako katika hatua hiyo ambayo inatangulia aina ya 2 ya ugonjwa wa sukari; lakini wengi kati yao hawajue. Kwa mufano, katika Amerika peke yake, karibu 90 juu ya 100 kati ya watu hao hawajue kama wako katika hali hiyo.

Hata hivyo, hatua hiyo ni hatari. Zaidi ya kuongoza kwenye aina ya 2 ya ugonjwa wa sukari, hivi karibuni imesemekana kwamba kuna uhusiano kati ya ugonjwa huo na uwezekano mukubwa wa kupata ugonjwa wa akili. Ikiwa wewe ni munene sana, haufanye mazoezi ya mwili, ao kuna watu fulani katika familia yako ya karibu ambao walipata ugonjwa huo zamani, inawezekana ukuwe katika hatua hiyo inayotangulia aina ya 2 ya ugonjwa wa sukari. Kwa kupima damu yako, unaweza kujua ikiwa ni hivyo.

2. Tumia chakula kinachofaa. Utafaidika ikiwa unafanya mambo yanayofuata inapowezekana na inapofaa: Kula chakula kidogo tofauti na namna unazoea kufanya. Kuliko kutumia kinywaji chenye kutengenezwa na matunda ambacho kina sukari mingi na soda, kunywa maji, chai, ao kahawa. Ni vizuri kula mukate muzima (pain complet), wali, makaroni na spageti kwa kiasi kidogo kuliko kula vyakula ambavyo vimeondolewa vitu vinavyojenga mwili. Kula nyama isiyo na mafuta mengi, samaki, kalanga, na maharagwe.

3. Fanya mazoezi ya mwili kwa ukawaida. Kufanya mazoezi ya mwili kunaweza kupunguza kiwango cha sukari katika damu yako na kukusaidia ulinde uzito wa mwili wako. Muchunguzi mumoja anashauri kwamba ni vizuri kutumia wakati unaopitishwa ili kutazama televizyo kwa kufanya mazoezi.

Hauwezi kubadilisha chembe zako za uriti, lakini unaweza kubadilisha namna yako ya kuishi. Kufanya yale tunayoweza ili afya yetu iwe nzuri zaidi kunaleta faida nyingi.