KILA mutu anaweza kupatwa na musiba siku fulani. Hata watu ambao wanaonekana kuwa na kila kitu wanaweza pia kupatwa na musiba.

MAMBO AMBAYO BIBLIA INASEMA:

‘Si wenye mbio wanaoshinda katika mbio, wala wenye nguvu wanaoshinda katika pigano, wala pia wenye hekima wanaopata chakula, wala pia wenye uelewaji wanaokuwa na utajiri, wala wenye ujuzi wanaopata kibali; kwa sababu wakati na tukio lisilotazamiwa linawapata wote.’—Mhubiri 9:11.

Jambo la maana sana si kujua ikiwa utapatwa na musiba lakini utafanya nini wakati musiba unatokea. Kwa mufano:

• Utafanya nini ikiwa unapoteza vitu vyako kwa sababu ya musiba wa asili?

• Utafanya nini ikiwa waganga wanakuambia kwamba una ugonjwa wa hatari?

• Utafanya nini ikiwa mutu ambaye unapenda anakufa?

Mashahidi wa Yehova ambao wanachapisha gazeti hili, wanaamini kama Biblia inaweza kukusaidia kupambana na musiba na inaweza pia kukutolea tumaini lenye nguvu. (Waroma 15:4) Soma habari za watu watatu wanaofuata ambao walipatwa na misiba ili uone namna Biblia inaweza kukusaidia.