Katika uchunguzi fulani, karibu mutu mumoja kati ya watu watatu wanaotembea kwa miguu alikuwa mwenye kukengeushwa fikira wakati anavuka barabara zenye motokari nyingi, alikengeushwa fikira kwa kusikiliza muziki, kuzungumuza kwenye simu ao telefone, na mambo mengine. Jambo lenye kukengeusha fikira lililokuwa hatari zaidi lilikuwa kutuma ujumbe kupitia simu. Watu ambao hawakuwa wenye kukengeushwa fikira walivuka barabara haraka, lakini watu waliokuwa wakituma ujumbe kupitia simu walichukua muda 18 juu ya 100 zaidi ili kuvuka barabara kuliko wale wenye hawakuwa wanakengeushwa fikira na walikuwa na uwezekano wa kuvunja sheria za taa za barabara mara 3.9, kuvuka mahali pasipofaa, ao kuvuka bila kuangalia pande zote.

Wanawake wanaochukuliwa na watu wanaofanya biashara ya wanadamu kutoka Nijeria kuenda Ulaya wanalazimishwa kufanya viapo vya kuchunga siri penye nafasi za wachawi. Ili kutawala wanawake hao na kuwafanya wakubali kuwa watumwa wa ngono, wafanya-biashara hao wanawaogopesha kwa kuwaambia kwamba wasipokubali, wataazibiwa na mashetani.

Kati ya watu 5 na 10 juu ya 100 wenye hawakupata kazi kwa muda murefu hawaonyeshe diploma zao za masomo ya juu na hawaeleze kazi ambazo wamekwisha kufanya wanapoandika maelezo mafupi kuhusu elimu na uzoefu wao wakati wanaomba kazi, kwa sababu mambo hayo yanawafanya waonekane kuwa na uwezo mwingi kupita kiasi.

Moshi unaotokezwa na majiko ao vyombo vya asili vya kupikia chakula unaonekana kuwa ndiyo sababu kubwa ya vifo vya watu katika inchi zinazoendelea, katika inchi hizo watu milioni ine wanakufa kila mwaka kwa sababu ya magonjwa yanayotokana na kuvuta moshi wa majiko hayo. Wachunguzi wanasema kuwa harufu mbaya zinazotokana na majiko yanayotumia kuni ao makaa ni hatari kama vile sumu inayopatikana katika moshi wa tumbaku.