Kila siku, maaskari zaidi ya 20 wa zamani wa jeshi la Amerika wanajiua. Kila mwezi, maaskari karibu 950 wa zamani ambao wanasaidiwa na Idara ya Amerika ya Wapiganaji wa Zamani wanajaribu kujiua.

Gazeti moja (China Daily) linasema kwamba “karibu nusu ya wafanyakazi wanawake Wachina ambao walihamia sehemu zingine za inchi yao ili kutafuta kazi walio na miaka chini ya 30 wamepata mimba bila kufunga ndoa, hilo ni ongezeko kubwa la hesabu ya wanawake [Wachina] ambao wamekuwa mama bila kufunga ndoa, ikilinganishwa na kizazi kimoja tu kilichopita. Jamii ya Wachina inajulikana pia kuwa yenye “kuruhusu sana . . . watu wanaoishi pamoja bila kufunga ndoa kisheria.”

Ugonjwa wa malaria unarudia tena katika inchi ya Ugiriki, ugonjwa ambao ulikuwa umekwisha kumalizwa katika inchi hiyo tangu mwaka wa 1974. Watu wanasema kwamba matatizo ya kifeza na kupunguzwa kwa garama za matunzo ya watu ndiyo mambo ambayo yamefanya ugonjwa huo urudie tena.

Uchunguzi ulionyesha kwamba ijapokuwa mabadiliko ya haraka ya kijamii, watu 74 juu ya 100 ambao waliulizwa wangali bado wanapendelea ndoa za kupangwa kuliko “ndoa za watu wawili ambao walipendana bila mutu mwengine kuwaunganisha.” Pia, watu 89 juu ya 100 wanapendelea kuishi pamoja na watu wa jamaa kuliko kuishi tu pamoja na watu wa familia yao ndogo, ni kusema, wazazi na watoto wao.

“Kanisa [Katoliki] limechoshwa na utajiri mwingi wa inchi za Ulaya na za Amerika. Desturi zetu zimekuwa za zamani kabisa, makanisa yetu ni makubwa, nyumba zetu za watawa hazina tena watawa na namna yetu ya kusimamia mambo ya kanisa imekuwa isiyofaa, desturi zetu za ibada na kanzu zetu ni za ajabu-ajabu. . . . Kanisa linafanya mambo yaliyokuwa yakifanywa miaka 200 iliyopita.”​—Mazungumuzo ya kadinali Mukatoliki Carlo Maria Martini, yaliyochapishwa na gazeti Corriere della Sera baada ya kifo cha kadinali huyo.