KWA AJILI YA VIJANA
11: Kutumika kwa Bidii
MAANA YAKE NINI?
Watu wenye kutumika kwa bidii hawakimbiake kazi. Lakini wanafurahia kutumika kwa bidii ili kupata mambo yenye wako nayo lazima na kusaidia watu wengine—wanafanya hivyo hata kama kazi yao ni ya hali ya chini.
SABABU GANI NI JAMBO LA MAANA
Tupende ao tusipende, maisha yanatuomba kutimiza madaraka mengi. Katika dunia ambamo watu wengi hawapendi kutumika sana, kufanya kazi kwa bidii kutakuletea faida.—Mhubiri 3:13.
“Nimejifunza kwamba wakati unatumika kwa bidii, unajivunia kazi yako na unatosheka moyoni. Hali hiyo ya kujisikia mwenye kutosheka imefanya nijifunze kupenda kazi. Kukomalisha tabia za muzuri za kufanya kazi kutakusaidia pia ujulikane kuwa mufanyakazi muzuri.”—Reyon.
KANUNI YA BIBLIA: ‘Kwa kila kazi ngumu kunatokea faida.’—Methali 14:23.
MAMBO YENYE UNAWEZA KUFANYA
Ukuwe na maoni yenye kufaa juu ya kazi kwa kufuata hatua zenye kuonyeshwa hapa chini.
Ujifunze kufanya mambo muzuri. Ikuwe unafanya kazi za nyumbani, unamaliza kufanya kazi za masomo, ao kazi ya kimwili, ufanye kazi hizo kwa bidii. Kisha kufanya muzuri kazi fulani, tafuta njia za kuifanya haraka zaidi ao muzuri zaidi. Kadiri unaendelea kuwa na uzoefu, ni vile utafurahia zaidi kazi yako.
KANUNI YA BIBLIA: ‘Je, umemuona mutu stadi [ao, fundi] katika kazi yake? Yeye atasimama mbele ya wafalme; hatasimama mbele ya watu wa kawaida.’—Methali 22:29.
Usijifikirie wewe mwenyewe tu. Karibu katika kila hali, wakati unatimiza madaraka yako muzuri, unaletea wengine faida. Kwa mufano, wakati unafanya kazi za nyumbani kwa bidii, unapunguzia wengine kazi katika familia.
KANUNI YA BIBLIA: “Kuna furaha zaidi katika kutoa kuliko ilivyo katika kupokea.”—Matendo 20:35.
Ufanye mengi zaidi. Kuliko kufanya kidogo tu, jaribu kufanya mengi zaidi kuliko yale unaombwa kufanya. Kwa kufanya hivyo, unaongoza muzuri maisha yako—utafanya mengi zaidi, haiko juu unalazimishwa, lakini kwa sababu unaamua kufanya hivyo.—Mathayo 5:41.
KANUNI YA BIBLIA: ‘Tendo lako njema likuwe, si kwa kulazimishwa, bali kwa kupenda kwako mwenyewe.’—Filemoni 14.
Ukuwe na usawaziko. Watu wenye kufanya kazi kwa bidii hawako wavivu, wala hawapendi kazi kupita kiasi. Wanajikaza kuwa na usawaziko, wanafurahia kutumika kwa bidii na pia vipindi vya mapumuziko.
KANUNI YA BIBLIA: ‘Konzi [ao, mukono] moja ya pumuziko ni afazali kuliko konzi mbili za kazi ngumu na kufuatilia upepo.’—Mhubiri 4:6.
Ona pia...
MUNARA WA MULINZI
Namna ya Kufurahia Kazi Ngumu
Fikiria njia fulani ambamo Biblia inakutolea mashauri yanayofaa ili kupata furaha na kutosheka katika kazi yako.
AMUKA!
Namna ya Kutumia Wakati Wako kwa Hekima
Njia moja ya kutumia wakati wako kwa hekima ni kuchunguza maisha yako kupitia maoni mawili. Maoni hayo ni gani?
