Zaburi 78:1-72
Maskili.* Ya Asafu.+
78 Musikilize sheria yangu,* watu wangu;
Mutege sikio lenu kwenye maneno ya kinywa changu.
2 Nitafungua kinywa changu kwa mezali.
Nitaleta maana ya vitendawili vya zamani sana.+
3 Mambo yenye tumesikia na kujua,
Yenye baba zetu wametuelezea,+
4 Hatutawaficha wana wao;
Tutaelezea kizazi chenye kuja+
Matendo ya Yehova yenye kustahili sifa na nguvu zake,+
Mambo ya ajabu yenye amefanya.+
5 Alitia kikumbusho katika Yakobo
Na kuweka sheria katika Israeli;
Aliamuru mababu zetu
Wajulishe watoto wao mambo hayo,+
6 Ili kizazi chenye kitafuata,
Watoto wenye hawajazaliwa, wayajue.+
Wao pia wataelezea watoto wao.+
7 Halafu watoto hao watatia tumaini lao katika Mungu.
Hawatasahau kazi za Mungu+
Lakini watashika amri zake.+
8 Kisha hawatakuwa kama mababu zao,
Kizazi chenye kiko kichwa-nguvu na chenye kuasi,+
Kizazi chenye kilikuwa na moyo wenye kuyumba-yumba*+
Na chenye hakikukuwa na roho ya uaminifu kwa Mungu.
9 Waefraimu walikuwa wenye kubeba upinde,
Lakini walikimbia siku ya vita.
10 Hawakushika agano la Mungu+
Na walikataa kutembea katika sheria yake.+
11 Walisahau pia mambo yenye alikuwa amefanya,+
Kazi zake za ajabu zenye aliwaonyesha.+
12 Alifanya mambo ya ajabu mbele ya macho ya mababu zao,+
Katika inchi ya Misri, eneo la Soani.+
13 Alipasua bahari ili kuwaacha wavuke,
Na akafanya maji yasimame kama ukuta wa maji.*+
14 Aliwaongoza kupitia wingu wakati wa muchana
Na usiku wote kupitia mwangaza wa moto.+
15 Alipasua miamba katika jangwa,
Akawanywesha maji ya kutosha kama vile yanatoka katika maji yenye kuenda chini sana.+
16 Alifanya mito midogo itoke katika mwamba
Na kufanya maji yatiririke chini kama mito.+
17 Lakini waliendelea kumutendea zambi
Kwa kumuasi katika jangwa ule Mwenye Kuwa Juu Zaidi;+
18 Walishindana na* Mungu katika moyo wao+
Kwa kuomba kwa mukazo chakula chenye walitamani.*
19 Kwa hiyo wakasema mubaya juu ya Mungu,
Wakisema: “Je, Mungu anaweza kuandaa meza katika jangwa?”+
20 Angalia! Alipiga mwamba
Na hivyo maji yakatiririka na mito midogo ikajaa sana.+
“Je, anaweza pia kutupatia mukate,
Ao je, anaweza kupatia watu wake nyama?”+
21 Wakati Yehova aliwasikia, akakasirika sana;+
Moto+ ukawaka juu ya Yakobo,
Na kasirani yake ikawaka juu ya Israeli+
22 Kwa sababu hawakukuwa na imani katika Mungu;+
Hawakutegemea uwezo wake wa kuwaokoa.
23 Kwa hiyo akaamuru anga la juu lenye mawingu,
Na akafungua milango ya mbingu.
24 Akaendelea kuwanyeshea mana ili wakule;
Akawapatia nafaka ya mbinguni.+
25 Wanadamu wakakula mukate wa wenye nguvu;*+
Aliwapatia mukate wa kuenea ili kuwashibisha.+
26 Alivumisha upepo wa mashariki katika mbingu
Na kwa nguvu zake akafanya upepo wa kusini uvume.+
27 Na akawanyeshea nyama kama mavumbi,
Ndege kama muchanga pembeni ya bahari.
28 Aliwaangusha katikati ya kambi yake,
Kuzunguka mahema yake pande zote.
29 Na walikula na kula kwa ulafi;
Aliwapatia kile walitamani.+
30 Lakini mbele watosheleze kikamili tamaa yao,
Wakati chakula kilikuwa kingali katika kinywa chao,
31 Kasirani kali ya Mungu ikawaka juu yao.+
Akaua wanaume wao wenye nguvu zaidi;+
Aliharibu wanaume vijana wa Israeli.
32 Ijapokuwa hayo walitenda zambi hata zaidi+
Na hawakukuwa na imani katika kazi zake za ajabu.+
33 Kwa hiyo akakomesha siku zao kama vile ni pumuzi tu,+
Na miaka yao kwa mambo ya kushitukia yenye kuogopesha sana.
34 Lakini kila mara wakati alikuwa anawaua, walikuwa wanamutafuta;+
Walirudia na kumutafuta Mungu,
35 Walikumbuka kwamba Mungu alikuwa Mwamba wao+
Na kwamba Mungu Mwenye Kuwa Juu Zaidi alikuwa Mukombozi* wao.+
36 Lakini walijaribu kumudanganya kwa kinywa chao
Na kumuambia uongo kwa ulimi wao.
37 Moyo wao haukukuwa imara kumuelekea;+
Na hawakukuwa waaminifu kwa agano lake.+
38 Lakini alikuwa mwenye rehema;+
Alikuwa anasamehe* kosa lao na hakuwaharibu.+
Mara nyingi alizuia hasira yake+
Kuliko kuchochea kasirani yake kali yote.
39 Kwa maana alikumbuka kwamba walikuwa wenye mwili wa nyama,+
Upepo wenye unapita na haurudie.*
40 Walimuasi mara nyingi sana katika jangwa+
Na walimuhuzunisha katika jangwa!+
41 Walimujaribu Mungu tena na tena,+
Na wakamuhuzunisha* Mutakatifu wa Israeli.
42 Hawakukumbuka nguvu zake,*
Siku yenye aliwaokoa* kutoka kwa mupinzani,+
43 Namna alionyesha alama zake kule Misri+
Na miujiza yake katika eneo la Soani,
44 Na namna alibadilisha mifereji ya Muto Nile kuwa damu+
Na hivyo hawangeweza kunywa maji ya mito yake midogo.
45 Alituma vikundi vya mainzi ili viwameze+
Na vyura ili kuwaharibu.+
46 Mazao yao aliyapatia nzige wenye kula sana,
Matunda ya kazi yao ya nguvu akayapatia nzige wenye kupatikana kwa wingi.+
47 Aliharibu mizabibu yao kwa mvua ya majiwe+
Na miti yao ya mikuyu kwa majiwe ya mvua.
48 Aliua wanyama wao wa kubeba mizigo kwa mvua ya majiwe+
Na mifugo yao kwa umeme wa radi.*
49 Alimwanga juu yao kasirani yake yenye kuwaka,
Kasirani kali na hasira na taabu,
Vikundi vya malaika wenye kuleta musiba.
50 Alitayarisha njia kwa ajili ya kasirani yake.
Hakuwalinda wasikufe;*
Na aliwaua kwa ugonjwa wa kuambukiza.
51 Mwishowe alipiga na kuua wazaliwa wote wa kwanza wa Misri,+
Mwanzo wa nguvu zao za uzazi katika mahema ya Hamu.
52 Kisha akapeleka watu wake inje kama kundi+
Na kuwaongoza katika jangwa kama kundi la wanyama.
53 Aliwaongoza kwa usalama,
Na hawakuogopa;+
Bahari ilifunika maadui wao.+
54 Na aliwaleta katika eneo lake takatifu,+
Eneo hili lenye milima lenye mukono wake wa kuume ulijipatia.+
55 Alifukuza mataifa kutoka mbele yao;+
Akawagawia uriti kwa kamba ya kupimia;+
Alifanya makabila ya Israeli yakae katika makao yao.+
56 Lakini waliendelea kushindana na* Mungu Mwenye Kuwa Juu Zaidi, na kumuasi;+
Hawakusikiliza vikumbusho vyake.+
57 Pia walipotoka na walikuwa wadanganyifu kama mababu zao.+
Hawakutegemeka kama vile upinde wenye kuregea.+
58 Waliendelea kumukasirisha kupitia mahali pao pa juu,+
Na walichochea kasirani yake kali* kupitia sanamu zao za kuchongwa.+
59 Mungu alisikia na kukasirika sana,+
Kwa hiyo akakataa kabisa Israeli.
60 Mwishowe akaacha tabenakulo ya Shilo,+
Hema kwenye alikaa kati ya wanadamu.+
61 Aliacha alama ya nguvu zake ipelekwe katika utekwa;
Utukufu wake utiwe katika mukono wa adui.+
62 Alitoa watu wake ili wauawe kwa upanga+
Naye akakasirikia sana uriti wake.
63 Moto uliteketeza kabisa wanaume wake vijana,
Na mabikira wake hawakuimbiwa nyimbo za arusi.*
64 Makuhani wake waliuawa kwa upanga,+
Na wajane wao wenyewe hawakulia.+
65 Kisha Yehova akaamuka kama vile kutoka katika usingizi,+
Kama mwanaume mwenye nguvu+ mwenye anaamuka kisha divai kumutoka.
66 Naye akakimbiza maadui wake;+
Akawapatisha haya ya kudumu.
67 Alikataa hema ya Yosefu;
Hakuchagua kabila la Efraimu.
68 Lakini alichagua kabila la Yuda,+
Mulima Sayuni, wenye anapenda.+
69 Alifanya patakatifu pake kuwa mahali pa kudumu kama mbingu,*+
Kama dunia yenye amefanya kuwa imara milele.+
70 Alimuchagua Daudi+ mutumishi wake
Na kumutosha katika mazizi* ya kondoo,+
71 Alimutosha katika kazi ya kuchunga kondoo-dike wenye kunyonyesha;
Akamufanya kuwa muchungaji juu ya Yakobo, watu wake,+
Na juu ya Israeli, uriti wake.+
72 Aliwachunga kwa uaminifu-mushikamanifu wa moyo,+
Na aliwaongoza kwa mikono yenye ufundi.+
Maelezo ya Chini
^ Angalia Maana ya Maneno.
^ Ao “agizo langu.”
^ Tnn., “wenye ulikuwa haujatayarishwa.”
^ Ao “ukuta.”
^ Tnn., “Walimujaribu.”
^ Ao “chakula kwa ajili ya nafsi yao.”
^ Ao “wa malaika.”
^ Ao “Mulipiza-Kisasi.”
^ Tnn., “anafunika.”
^ Ao pengine, “Kwamba roho inaenda na hairudie.”
^ Ao “wakamutia uchungu.”
^ Tnn., “mukono wake.”
^ Tnn., “aliwakomboa.”
^ Ao pengine, “homa kali.”
^ Ao “Hakulinda nafsi yao isikufe.”
^ Tnn., “kumujaribu.”
^ Ao “wivu wake.”
^ Tnn., “Na mabikira wake hawakusifiwa.”
^ Tnn., “Alijenga patakatifu pake kama nafasi za juu.”
^ Zizi ni lupango ya kuchungia wanyama.
