Kutoka 18:1-27
18 Sasa Yetro kuhani wa Midiani, baba-mukwe wa Musa,+ akasikia mambo yote yenye Mungu alikuwa amemufanyia Musa na watu wake Israeli, namna Yehova alikuwa ametosha Israeli katika Misri.+
2 Yetro, baba-mukwe wa Musa, alikuwa amekubali Sipora bibi ya Musa aishi pamoja naye, wakati Sipora alirudishwa kwa Yetro,
3 pamoja na wana wake wawili.+ Mumoja aliitwa Gershomu,*+ kwa sababu Musa alisema, “Nimekuwa mukaaji mugeni katika inchi ya kigeni,”
4 na ule mwingine aliitwa Eliezeri,* kwa sababu Musa alisema, “Mungu wa baba yangu ni musaidizi wangu, mwenye aliniokoa kutokana na upanga wa Farao.”+
5 Kwa hiyo Yetro, baba-mukwe wa Musa, pamoja na wana wa Musa na bibi yake, wakaenda kumuona Musa katika jangwa mahali alikuwa amepiga kambi kwenye mulima wa Mungu wa kweli.+
6 Kisha akatuma ujumbe huu kwa Musa: “Mimi, baba-mukwe wako Yetro,+ niko nakuja kukuona pamoja na bibi yako na wana wako wawili.”
7 Mara moja Musa akaenda kumupokea baba-mukwe wake, na akainama na kumubusu. Kila mumoja wao akauliza hali ya mwingine, na kisha wakaingia katika hema.
8 Musa akamuelezea baba-mukwe wake mambo yote yenye Yehova alikuwa amemutendea Farao na Wamisri kwa ajili ya Israeli,+ magumu yote yenye walipata wakati walikuwa katika safari,+ na namna Yehova aliwaokoa.
9 Yetro akafurahi kusikia mambo yote ya muzuri yenye Yehova alikuwa amefanyia Israeli kwa kuwaokoa kutoka Misri.*
10 Kisha Yetro akasema: “Yehova asifiwe, yeye mwenye aliwaokoa kutoka Misri na kutoka kwa Farao, na mwenye aliokoa watu kutoka katika mukono wa Misri.
11 Sasa ninajua kwamba Yehova ni mukubwa kuliko miungu mingine yote,+ kwa sababu ya mambo yenye alifanyia wale wenye kutendea watu wake kwa kiburi.”
12 Kisha Yetro, baba-mukwe wa Musa, akaleta toleo la kuteketezwa na zabihu kwa ajili ya Mungu, na Haruni na wazee wote wa Israeli wakakuja kula chakula pamoja na baba-mukwe wa Musa mbele ya Mungu wa kweli.
13 Siku yenye ilifuata, Musa akakaa kama kawaida ili kuhukumu watu, na watu wakaendelea kusimama mbele ya Musa tangu asubui mupaka mangaribi.
14 Wakati baba-mukwe wa Musa aliona mambo yote yenye Musa alikuwa anafanya kwa ajili ya watu, akasema: “Ni jambo gani hili lenye unafanya kwa ajili ya watu? Sababu gani unakaa hapa peke yako na watu hawa wamesimama mbele yako tangu asubui mupaka mangaribi?”
15 Musa akamuambia baba-mukwe wake: “Ni kwa sababu watu wanaendelea kuja kwangu ili kuuliza habari kutoka kwa Mungu.
16 Wakati kesi fulani ya hukumu inatokea, inaletwa kwangu na ninapaswa kuhukumu kati ya mutu na mwenzake, na ninawajulisha maamuzi ya Mungu wa kweli na sheria zake.”+
17 Baba-mukwe wa Musa akamuambia: “Jambo lenye unafanya haliko muzuri.
18 Hakika utachoka, wewe pamoja na watu hawa wenye kuwa pamoja na wewe, kwa sababu huu ni muzigo muzito sana na hauwezi kuubeba wewe peke yako.
19 Sasa unisikilize, nitakupatia shauri, na Mungu atakuwa pamoja na wewe.+ Wewe utakuwa mwakilishi wa watu mbele ya Mungu wa kweli,+ na utaleta kesi za hukumu mbele ya Mungu wa kweli.+
20 Unapaswa kuwafundisha masharti na sheria+ na kuwaonyesha njia yenye wanapaswa kutembea ndani yake na kazi yenye wanapaswa kufanya.
21 Lakini unapaswa kuchagua kati ya watu, wanaume wenye uwezo,+ wenye kumuogopa Mungu, wanaume wenye kutumainika wenye kuchukia faida yenye haiko ya haki,+ na uwaweke juu ya watu ili wakuwe wakubwa wa maelfu, wakubwa wa mamia, wakubwa wa makumi tano, na wakubwa wa makumi.+
22 Watahukumu watu wakati kesi za hukumu zinatokea,* na watakuletea kila kesi ya hukumu yenye kuwa ngumu,+ lakini wataamua kila kesi ya hukumu ya kidogo. Fanya mambo yakuwe mepesi kwako kwa kufanya wabebe muzigo huo pamoja na wewe.+
23 Kama unafanya vile, na ikuwe ni vile Mungu anakuamuru, utaweza kuvumilia muzigo huo, na kila mutu atarudia kwake akiwa mwenye kutosheka.”
24 Mara moja Musa akamusikiliza baba-mukwe wake na akafanya mambo yote yenye alisema.
25 Musa akachagua wanaume wenye uwezo katikati ya Israeli wote na akawaweka wakuwe vichwa juu ya watu, wakubwa wa maelfu, wakubwa wa mamia, wakubwa wa makumi tano, na wakubwa wa makumi.
26 Kwa hiyo walihukumu watu wakati kulitokea kesi za hukumu. Walikuwa wanamuletea Musa kesi ya hukumu yenye kuwa ngumu,+ lakini kila kesi ya hukumu ya kidogo walikuwa wanaiamua wao wenyewe.
27 Kisha mambo hayo Musa akamusindikiza baba-mukwe wake,+ na baba-mukwe wake akarudia katika inchi yake.
Maelezo ya Chini
^ Maana yake “Mukaaji Mugeni Kule.”
^ Maana yake “Mungu Wangu Ni Musaidizi.”
^ Tnn., “katika mukono wa Misri.”
^ Tnn., “kila wakati.”
