Hesabu 24:1-25
24 Wakati Balaamu aliona kwamba ilimupendeza* Yehova kubariki Israeli, hakuenda tena kutafuta alama za mambo ya mubaya,+ lakini aligeuza uso wake kuelekea jangwa.
2 Wakati Balaamu aliinua macho yake na kuona Israeli amepiga kambi kulingana na makabila yake,+ roho ya Mungu ikakuja juu ya Balaamu.+
3 Kisha akasema usemi huu wa kimezali:+
“Maneno ya Balaamu mwana wa Beori,Na maneno ya mwanaume mwenye macho yake yamefunguliwa,
4 Maneno ya mutu mwenye anasikia neno la Mungu,Mwenye aliona maono ya Mweza-Yote,Mwenye aliinama chini macho yake yakiwa wazi:+
5 Mahema yako yanapendeza sana, Ee Yakobo,Tabenakulo zako, Ee Israeli!+
6 Yameenea mbali kama mabonde,Kama bustani pembeni ya muto,+Kama mimea ya aloe yenye Yehova amepanda,Kama miti ya mierezi pembeni ya maji.
7 Maji yanaendelea kutiririka kutoka katika mbeketi zake mbili za ngozi,Na mbegu yake imepandwa* pembeni ya maji mengi.+
Mufalme wake+ pia atakuwa mukubwa kupita Agagi,+Na ufalme wake utainuliwa.+
8 Mungu anamutosha Misri;Yeye ni kama pembe za ngombe-dume wa pori kwa ajili yao.
Atateketeza mataifa kwa moto, wakandamizaji wake,+Na mifupa yao ataitafuna-tafuna, na atawapasua-pasua kwa mishale yake.
9 Ameshutama, amelala chini kama simba,Na kama simba, ni nani anapima kumuamusha?
Wale wenye wanakubariki wamebarikiwa,Na wale wenye wanakulaani wamelaaniwa.”+
10 Kisha Balaki akamukasirikia sana Balaamu. Balaki akapiga mikono kwa zarau na kumuambia Balaamu: “Nilikuita kusudi ulaani maadui wangu,+ lakini sasa kuliko kuwalaani umewabariki mara hizi tatu (3).
11 Sasa uende kwako mara moja. Nilitaka kukuonyesha heshima kubwa,+ lakini angalia! Yehova amekufanya usipate heshima.”
12 Balaamu akamujibu Balaki: “Je, sikuambia wajumbe wenye ulituma,
13 ‘Hata kama Balaki ananipatia nyumba yake yenye kujaa feza na zahabu, siwezi kwa mapenzi yangu* mwenyewe kufanya jambo lolote lenye linavunja agizo la Yehova, ikuwe jambo la muzuri ao la mubaya. Nitasema tu jambo lenye Yehova ataniambia’?+
14 Na sasa ninaenda kwa watu wangu. Kuja na uache nikuambie mambo yenye watu hawa watatendea watu wako wakati wenye kuja.”*
15 Kwa hiyo akasema usemi huu wa kimezali:+
“Maneno ya Balaamu mwana wa Beori,Na maneno ya mwanaume mwenye macho yake yamefunguliwa,+
16 Maneno ya mutu mwenye anasikia neno la Mungu,Na ule mwenye kuwa na ujuzi wa Mwenye Kuwa Juu Zaidi,Aliona maono ya Mweza-YoteWakati alikuwa anainama chini macho yake yakiwa wazi:
17 Nitamuona, lakini hapana sasa;Nitamuangalia, lakini hapana sasa hivi.
Nyota+ itatoka katika Yakobo,Na fimbo ya ufalme+ itainuka katika Israeli.+
Na hakika atapasua paji la uso la Moabu+Na mufupa wa kichwa wa wana wote wa fujo.
18 Na Edomu itakuwa uriti,+Ndiyo, Seiri+ uriti wa maadui wake,+Wakati Israeli atakuwa anaonyesha uhodari wake.
19 Na katika Yakobo atatoka mutu mwenye ataendelea kunyenyekeza,+Na atamuharibu mutu yeyote mwenye ataokoka katika muji.”
20 Wakati alimuona Amaleki, akaendelea kusema usemi huu wa kimezali:
“Amaleki alikuwa wa kwanza katikati ya mataifa,+Lakini mwishowe hatakuwa tena.”+
21 Wakati aliona Wakeni,+ akaendelea kusema usemi huu wa kimezali:
“Makao yenu yako salama, na makao yenu yamejengwa juu ya mwamba.
22 Lakini mutu fulani atateketeza Kayini kwa moto.
Kunabakia wakati gani mbele Ashuru akubebe ukiwa umetekwa?”
23 Na akaendelea kusema usemi wake wa kimezali:
“Ole! Ni nani ataokoka wakati Mungu atafanya vile?
24 Mashua* zitatoka katika maeneo ya Kitimu ya pembeni ya bahari,+Na zitamutesa Ashuru,+Na kumutesa Eberi.
Lakini yeye pia hatakuwa tena.”
25 Kisha Balaamu+ akasimama na akaenda na kurudia kwake. Balaki pia akaenda zake.
Maelezo ya Chini
^ Tnn., “ilikuwa muzuri katika macho ya.”
^ Ao “uzao wake umepandwa.”
^ Tnn., “kutoka katika moyo wangu.”
^ Ao “katika siku za mwisho.”
^ Ao “mashua za maji; bateaux.”
