Mbele aruke, kipepeo iko na lazima misuli yake yenye inamusaidia kuruka ipate joto la jua. Lakini, wakati kuko mawingu ya mvua, kipepeo mwenye kuitwa piéride du chou anaruka haraka kuliko vipepeo wengine. Ni nini inamusaidia afanye vile?

Fikiria hili: Mbele ya kuruka, vipepeo wengi wanaota jua wakiwa na mabawa yenye kufungwa ao yenye kulala machali (horizontale). Lakini, kipepeo mwenye kuitwa piéride du chou anasimamishaka mabawa yake katika umbo la herufi V. Uchunguzi umeonyesha kama ili kupata joto mingi zaidi, kipepeo anapaswa kufungua kila bawa katika pembe (angle) ya digrii 17 hivi. Wakati iko katika hali hiyo, nguvu yenye kutoka ku jua inaingia moja kwa moja katika misuli yenye inamusaidia kuruka yenye kuwa mu kifua chake, na inaichamusha mbele ya kuruka.

Wachunguzi ku Masomo ya Juu ya Exeter, Uingereza, walichunguza ikiwa wanaweza kufanya uwezo wa vyombo vyenye kutokeza umeme kwa kutumia miali ya jua ukuwe muzuri zaidi kwa kuvisimamisha katika umbo la herufi V la mabawa ya kipepeo. Wakati walifanya vile, walivumbua kama umeme wenye vile vyombo vilitokeza uliongezeka kwa asilimia 50 hivi.

Pia, wachunguzi hao walivumbua kama sehemu ya juu ya mabawa ya kipepeo inarudishaka mwangaza kama vile kioo. Kwa kuiga namna ule kipepeo anasimamishaka mabawa yake kama vile herufi V na hali ya mabawa ya kurudisha mwangaza kama vile kioo, wachunguzi walitengeneza vyombo vya mwepesi zaidi na vyenye kutokeza umeme zaidi. Ile ilimuchochea Profesa Richardffrench-Constant, mushiriki wa kikundi cha watu wenye kutafuta habari, kuita kipepeo mwenye kuitwa piéride du chou kuwa “fundi wa kuvuna nguvu kutokana na miali ya jua.”

Unawaza namna gani? Namna kipepeo mwenye kuitwa piéride du chou anasimamishaka mabawa yake kama vile herufi V ilijitokeza yenyewe. Ao iliumbwa?