Mfanyakazi akifunika mabomba ya kupashia joto kwa vifaa maalumu katika chumba cha matangi ya kupashia joto.

Wanaume wenye ujuzi wakiweka vigae kwenye kuta za bafu zilizo katika vyumba vya kubadilishia mavazi.

Mfanyakazi akiweka viunzi vya mfumo wa kujilinda dhidi ya radi. Mfumo mzima umebuniwa kulinda jengo lote radi inapopiga. Ili kufanya kazi kwa usalama zaidi, mfanyakazi huyu ana kamba kiunoni iliyofungwa kwenye paa.

Wanasafisha madirisha ili vibandiko vya usalama viwekwe. Vibandiko hivyo vinafanya vioo hivi vikubwa vionekane, ili kuzuia watu wasigonge vioo hivyo bila kujua

Mfanyakazi anatumia mfumo wa video kuhakikisha kwamba mabomba yote ya kuondoa maji-taka yako tayari.

Mafundi seremala wakiunganisha vipande vya mbao kwenye kuta za eneo ambalo linaweza kutumika kwa ajili ya shughuli mbalimbali kama vile kulia chakula na ukumbi wa mikutano. Matukio ya pekee pia yatafanyiwa katika eneo hili pia.

Wafanyakazi wa bustani wakipanda maua karibu na ukuta.

Wafanyakazi wa mapambo ya nje wakiweka uzio wa kioo mbele ya madirisha, na kutengeneza roshani inayoitwa Juliet. Uzio huu huwalinda wakazi bila kuzuia mwanga au hewa.

Mafundi umeme wakiweka taa mbele ya eneo la mapokezi.

Mmoja wa mafundi bomba akikata bomba la kupitishia hewa kwa kutumia mkasi maalumu.

Wafanyakazi wa bustani na wa maeneo ya ujenzi wakipanda miti na kutayarisha vijia vya wanaotembea kwa miguu. Upande wa kushoto ni sehemu inayoweza kubadilishwa na kutumiwa kwa ajili ya shughuli mbalimbali kama vile chumba cha kulia chakula, ukumbi, na matukio ya pekee. Jengo la Makazi A linaonekana kwa nyuma.

Mkandarasi akitengeneza sehemu ya mfumo wa kuzima moto.

Wafanyakazi wa bustani wanaandaa ardhi kwa ajili ya kupanda mbegu za nyasi. Kwa nyuma madirisha ya ofisi yanasafishwa kwa kutumia mfumo rahisi wa kusafisha madirisha.

Wafanyakazi wakiweka mchanganyiko fulani wa kemikali katika sakafu unaosaidia kusawazisha sakafu. Wanatumia reki ya pekee ili kuhakikisha mchanganyiko huo umeenea kote kwa usawa, kisha wanatumia brashi zenye meno ili kuondoa viputo vya hewa.

Wafanyakazi wakitandika sakafu maalumu katika chumba cha kulia chakula kinachoweza kubadilishwa na kutumiwa kama ukumbi, au kwa ajili ya matukio ya pekee. Skrini za televisheni zimewekwa kwenye ukuta ambao jukwaa litakuwepo.

Pembeni ya studio ya video, fundi seremala anatengeneza chumba cha saluni kitakachotumiwa na wale watakaoshiriki kuigiza katika video.

Mafundi seremala wakiunganisha vipande vya mbao vitakavyotumiwa kutenganisha ofisi. Vipande hivyo vitaruhusu idara mbalimbali kubadilisha mwonekano wa ofisi kwa urahisi ikitegemea uhitaji.

Mkandarasi akiunganisha vyuma vitakavyotumiwa kutengeneza studio ya video. Vyuma hivyo hutumika kuning’iniza vifaa kama vile taa na kamera wakati wa kutayarisha video.

Picha iliyopigwa kutoka upande wa kaskazini. Upande wa kushoto, majengo ya Makazi B, C, D, E, na F yamekamilika. Katikati, jengo la Makazi A linakaribia kumalizika na jengo la Ofisi limekamilika tayari. Upande wa kulia, Jengo la Kusini la Udumishaji na Huduma na Jengo la Kaskazini la Utayarishaji wa Video, yanakaribia kumalizika. Wakati huohuo, kazi ya kutengeneza mwonekano wa nje na bustani inaendelea katika eneo lote la ujenzi.

Wafanyakazi wakiweka vigae vya mawe kwenye eneo la kutembelea nyuma ya eneo la mapokezi. Mahema yanayoonekana kwa nyuma yanatumiwa kama kivuli wafanyakazi wanaposafisha vigae vipya vinavyowekwa.